नवी दिल्ली : वसईतील (Vasai) श्रद्धा वालकर (Shradha) तरुणीचे दिल्लीत (Delhi) 3५ हून अधिक तुकडे करणाऱ्या आफताबच्या (Aftab) न्यायालयीन कोठडीत १४ दिवसांची वाढ करण्यात आली आहे. सध्या क्रूरकर्मा आफताब तिहार जेलमध्ये थंडीत कुडकुडतोय. यात त्यानं तुरुंग अधिकाऱ्यांकडं वाचण्यासाठी कायद्याच्या पुस्तकांची मागणी केलीय. आश्चर्याची बाब म्हणजे श्रद्धा प्रकरणात अटक झाल्यानंतर आफताब जेलमध्ये इंंग्रजी नॉव्हेल्स वाचत होता. आता त्याला अचानक कायद्याच्या पुस्तकात इंटरेस्ट निर्माण झालाय.
१४ दिवसांनी न्यायालयीन कोठडी वाढवली
दिल्लीच्या साकेत कोर्टात त्याला हजर करण्यात आलं. जेल अधिकाऱ्यांनी त्याला गरम कपडे देण्याचे निर्देश दिले आहेत. त्याच्या न्यायालयीन कोठडीत १४ दिवसांची वाढ करण्यात आलीय. दुसरीकडं आफताबनं मागितलेल्या कायद्यांच्या पुस्तावर आता तिहार जेल प्रशासन विचार करत असल्याचं सांगण्यात येतंय.
डेबिट कार्ड, क्रेडिट कार्ड रीलिज करण्याची मागणी
श्रद्धाची निर्घृण पद्धतीने हत्या करणाऱ्या आफताबकडं सध्या पैशांची चणचण आहे. त्यामुळं त्यानं पोलिसांकडं त्याचे बँक अकाऊंट, डेबिट कार्ड यावरील निर्बंध उठवण्याची मागणी केली आहे. त्याला जेलमध्ये अत्यावश्यक वस्तू घेण्यासाठी आणि थंडीच्या काळात गरम कपडे घेण्यासाठी पैसे नसल्यानं हे निर्बंध उठवण्यात यावेत अशी मागणी करण्यात आलीय.
आफताबच्या फार्शीवर लवकरच शिक्कामोर्तब?
मेहरौलीच्या जंगलात सापडलेली हाडं आणि केस हे श्रद्धाचेच असल्याचं निष्पन्न झालं आहे. या हाडांचे डीएन आणि श्रद्धाच्या वडिलांचे डीएन जुळले आहेत, त्यामुळं दिल्ली पोलिसांकडं आता या प्रकरणात मोठा पुरावा आहे. आफताबवर आरोपपत्र दाखल झाल्यानंतर त्याला या प्रकरणात शिक्षा सुनावण्यात येईल, अशी शक्यता आहे.
आफताबवर जेलमध्ये सीसीटीव्ही वॉच
आफताब सध्या तिहारच्या जेल क्रमांक ४ मध्ये कैद आहे. त्याच्या संशयास्पद हालचालींमुळं त्याला इतर कैद्यांपासून वेगळं ठेवण्यात आलंय. त्याच्या सेलमध्ये सीसीटीव्ही तैनात असून त्याच्यावर निगराणी ठेवण्यात येतेय.
.png "Videos"){kind=small}
