Physical Harassment
सतना : मध्य प्रदेश विधानसभा निवडणुकीसाठी आलेल्या पोलिस दलासाठी चालवण्यात आलेल्या धावत्या ट्रेनमध्ये एका महिलेवर अत्याचार करण्यात आल्याची धक्कादायक घटना समोर आली आहे. कटनी ते सतनादरम्यान ही घटना घडली. पोलिस दलाला सोडून ट्रेन रिकामी परतत होती. दरम्यान, ती पकारिया स्थानकावर बराच वेळ थांबली होती. अशातच एक महिला ट्रेनमध्ये चढताच आरोपीने तिला पकडले.
पुढे सतना स्थानकावर ट्रेन थांबल्यावर आरोपीने महिलेला बोगीतून बाहेर फेकून गेट बंद केले. ट्रेन स्टेशनवर 30 मिनिटे उभी होती, पण जीआरपीला बोगीचे गेट उघडता आले नाही. सतनाहून निघाल्यानंतर पोलिसांनी रेवाच्या आधी बघई येथे गाडी थांबवली. आरोपीने स्वतःला टॉयलेटमध्ये कोंडून घेतल्याचा पोलिसांचा दावा आहे. शौचालयाचे गेट तोडल्यानंतर त्याला अटक करण्यात आली. कमलेश कुशवाह असे आरोपीचे नाव आहे. तो बांदा, उत्तर प्रदेशचा रहिवासी आहे.
अशी घडली घटना…
याबाबत पीडित महिलेने सांगितले की, उचेरा येथे तिला जायचे होते. ट्रेन पकडण्यासाठी पकारिया स्टेशनला पोहोचली. स्टेशनवर फिरत असताना तिला ही ट्रेन तिथे उभी दिसली. ट्रेन रिकामी होती म्हणून ती त्यात चढली. ट्रेन काही वेळ स्टेशनवर उभीच होती. दरम्यान, ती जेव्हा टॉयलेटला गेली. तिच्यामागून आरोपीही तेथे आला. त्याने तिला त्याच्यासोबत टॉयलेटमध्ये बंद केले. त्याने आधी मारहाण केली आणि नंतर जबरदस्ती करायला सुरुवात केली. आरोपीने महिलेवर अत्याचार केला. त्यानंतर सतना स्थानकावर ट्रेन थांबल्यावर त्याने ट्रेनमधून बाहेर फेकले आणि गेट बंद केले.
.png "Videos"){kind=small}
