सातारा पालिका, मेढा नगरपंचायतीसाठी ५ कोटी निधी मंजूर ; आ. शिवेंद्रसिंहराजेंचा पाठपुरावा; ३० विकासकामे लागणार मार्गी

सातारा नगर पालिका आणि मेढा नगरपंचायत हद्दीतील विविध विकासकामे मार्गी लावण्यासाठी नेहमीच पाठपुरावा करणाऱ्या आ. शिवेंद्रसिंहराजे भोसले यांच्या पाठपुराव्याला आणखी एक मोठे यश मिळाले आहे.

Follow Us:

Follow Us:

सातारा : सातारा नगर पालिका आणि मेढा नगरपंचायत हद्दीतील विविध विकासकामे मार्गी लावण्यासाठी नेहमीच पाठपुरावा करणाऱ्या आ. शिवेंद्रसिंहराजे भोसले यांच्या पाठपुराव्याला आणखी एक मोठे यश मिळाले आहे. मुख्यमंत्री  एकनाथ शिंदे आणि उपमुख्यमंत्री  देवेंद्र फडणवीस यांच्या माध्यमातून आ. शिवेंद्रसिंहराजे यांनी सातारा पालिका हद्दीतील २३ आणि मेढा नगरपंचायत हद्दीतील ७ विकासकामे मार्गी लावण्यासाठी ५ कोटी रुपये निधी मंजूर करून घेतला आहे. निधी उपलब्ध करून दिल्याबद्दल आ. शिवेंद्रसिंहराजेंनी मुख्यमंत्रीमहोदय आणि उपमुख्यमंत्रीमहोदयांचे आभार मानले आहेत.
शिंदे- भाजप सरकार स्थापन होताच आ. शिवेंद्रसिंहराजेंनी सातारा- जावली मतदारसंघातील विकासकामांसाठी निधी मिळवण्याचा धडाका सुरु केला आहे. नागरी स्थानिक स्वराज्य संस्थांच्या परिक्षेत्रात अधिसुचित विशिष्ट नागरी सेवा व सुविधा पुरविण्यासाठीच्या योजनेतून आ. शिवेंद्रसिंहराजे यांनी ५ कोटी निधी उपलब्ध करून घेतला आहे. मेढा नगर पंचायतीला सातारा- महाबळेश्वर रोडलगत असणाऱ्या रस्ता दुभाजकाला विद्युत पोलसह दिवे बसविण्यासाठी ४० लाख, प्रभाग क्र. १२ मधील अनंता कुंभार घर ते संत गोरा कुंभार मंदिरापर्यंत बंदिस्त गटर बांधणे आणि प्रभाग क्र. ११ मधील शामराव वाघमारे घर ते महादेव मंदिर विहिरी पर्यंत बंदिस्त गटर बांधणेसाठी १५ लाख, प्रभाग क्र. १२ मधील संत गोरा कुंभार मंदिरापासून मेढा मोहाट पुलाकडे जाणाऱ्या रस्त्यावर साकव बांधणे व रस्ता खडीकरण डांबरीकरण करण्यासाठी १० लाख, प्रभाग क्र. २ मध्ये बौद्ध विहार येथे सामाजिक सभागृह बांधणे व सुशोभीकरण करणे १० लाख, प्रभाग क्र. ४ मध्ये गोरे वस्तीलगत पिण्याच्या पाण्याची टाकी, बोअरवेल आणि वितरण व्यवस्था करणे आणि प्रभाग क्र. १६ मधील वृन्दावन कॉलनी येथे गटारावर स्लॅप बंदिस्त गटर करणे यासाठी १७ लाख रुपये निधी मंजूर करण्यात आला आहे.

सातारा पालिका हद्दीतील गुरुवार पेठ बागेजवळ सांस्कृतिक भवन बांधणेसाठी २५ लाख, प्रभाग क्र. १९ मध्ये मंगळवार पेठ अंतर्गत सिमेंट काँक्रीट रस्ते व पायऱ्या करण्यासाठी ३५ लाख, शाहूपुरी हॉटेल सनडॉन ते अंबेदरे हद्दीपर्यंत डांबरीकरण व दोन्ही बाजूस गटर करणे, म्हसवे रोड, दत्त कॉलनी रस्ता डांबरीकरण करणेसाठी २० लाख, म्हसवे रोड, भैरवनाथ कॉलनी ते अम्बर प्लाझा रस्ता व गटर करणेसाठी १२ लाख, शाहूपुरी यशवंत नगरमधील अंतर्गत रस्ते व गटर करणे २२ लाख, फॉरेस्ट कॉलनी येथे गार्डन, मुलांसाठी खेळणी व वॉकिंग ट्रॅक करणे २५ लाख, माची पेठ येथे संरक्षक भिंत बांधणे ३५ लाख, मंगळवार पेठेतील बालाजी अपार्टमेंट पिछाडीस शिंदे घर ते काळे घर, झोपडपट्टी परिसरात पायऱ्या आणि काँक्रीट रस्ता करणे १३ लाख, सर्वोदय कॉलनी शाहूपुरी येथे बॅडमिंटन हॉल बांधणे ५० लाख, तामजाईनगर येथे विघ्नहर्ता कॉलनी रस्ता खडीकरण व दोन्ही बाजूस गेट करणे १० लाख, झेंडा चौक भैरवनाथ पटांगण ते स्वागत कमान खडीकरण डांबरीकरण, गणेश भोसले ते कुंभार गिरण हायवे अखेर खडीकरण डांबरीकरण करणे १७ लाख, शाहूपुरी महालक्ष्मी कॉलनी सपकाळ घर ते समर्थ नगर कॉलनी रस्ता खडीकरण, डांबरीकरण करणे १५ लाख, शाहूपुरी आझाद नगर येथे सांस्कृतिक भवन बांधणे ७ लाख, शनिवार पेठेत आप्पा गवळी घर ते खाटीक मशीद अखेर काँक्रीट करणेसाठी १० लाख रुपये निधी मंजूर झाला आहे.

गुरुवार परज मशीद परिसर येथे काँक्रीटीकरण करणे १० लाख, शाहूनगर आनंद कॉलनी ते बारटक्के घर अखेर खडीकरण, डांबरीकरण करणे १५ लाख, प्रतापगंज पेठेतील ओंकार भंडारे घर ते चिटणीस घर, लकेरी घर ते ऐक्य प्रेस अखेर पाईप ड्रेन करणे १५ लाख, सदरबझार येथे संदीप पवार घर ते गणपती मंदिर अंतर्गत रस्त्याचे डांबरीकरण करणे २० लाख, गोळीबार मैदान, साई सोसायटी, दत्त मंदिरासमोर सभामंडप बांधणेसाठी १५ लाख आणि पिरवाडी येथे बंदिस्त गटर व पाईप ड्रेन करण्यासाठी २५ लाख रुपयांचा निधी मंजूर झाला आहे. तातडीने निविदा प्रक्रिया व इतर शासकीय सोपस्कार पूर्ण करून मंजूर कामे सुरु करा आणि कामे दर्जेदार करून वेळेत पूर्ण करा, अशा सूचना आ. शिवेंद्रसिंहराजेंनी संबंधित अधिकाऱ्यांना केल्या आहेत.

Web Title: 5 crore fund approved for satara municipality nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com