सोमवार, 26 ऑक्टोबर 2026
पाटणा: बिहारचे (Bihar) माजी मुख्यमंत्री आणि RJD सुप्रीमो लालू प्रसाद यादव (Lalu Prasad Yadav Guilty)यांना काही दिवसांपूर्वी चारा घोटाळ्यासंदर्भातील (Fodder Scam) पाचव्या प्रकरणात दोषी ठरवण्यात आले होते. सीबीआय कोर्टाने (Ranchi CBI Court) डोरंडा कोषागारातून १३९.३५ कोटींचा घोटाळा केल्याच्या प्रकरणात त्यांना दोषी ठरवले. आता दोषी ठरवल्यानंतर लालू यादव यांना ५ वर्षांच्या कारावासाची शिक्षा सुनावण्यात आली आहे. कारावासाच्या शिक्षेसह त्यांना ६० लाखांचा दंड ठोठावण्यात आला आहे. (Lalu Prasad Yadav Guilty In Fodder Scam) कोर्टाने या प्रकरणात २४ जणांना मुक्त केले आहे. मात्र लालूंचे निकटवर्तीय नेता जगदीश शर्मा (Jagdish Sharma) आणि ध्रुव भगतला (Dhruv Bhagat) तीन-तीन वर्षांची शिक्षा ठोठावली आहे.
[read_also content=”Video – स्कूटर खरेदी करण्यासाठी त्याने जमा केली चिल्लर, गोणीत भरलेली नाणी बघून शोरूममधल्या कर्मचाऱ्यांना बसला धक्का https://www.navarashtra.com/viral/man-collected-coins-from-scooter-video-went-viral-nrsr-242585.html”]
काही दिवसांपूर्वी झालेल्या चारा घोटाळ्याच्या पाचव्या प्रकरणाच्या सुनावणीवेळ‌ी कोर्टाने लालूंना फक्त दोषी ठरवले होते. कोणतीही शिक्षा सुनावलेली नव्हती. मात्र आता सोमवारी सीबीआय कोर्टाने शिक्षा सुनावली आहे. त्यांना ५ वर्षांची शिक्षा आणि ६० लाखांचा दंड ठोठावण्यात आला आहे.
चारा प्रकरणात एकूण १७० आरोपी होते. मात्र ट्रायल दरम्यान ५५ आरोपींचा मृत्यू झाला आहे. लालू यादव यांच्यासह सगळ्या आरोपींच्या विरोधात तपास एजन्सीने २००१ मध्ये चार्जशीट दाखल केली होती. तसेच २००५ मध्ये चार्ज फ्रेमचं काम केलं आहे. झारखंडमध्ये पाच प्रकरणात लालू यादव यांना आरोपी ठरवण्यात आले आहे. या पाचपैकी फक्त एका प्रकरणाच्या शिक्षेबाबतचा निकाल बाकी होता जो आज लागला. बाकी चार प्रकरणांमध्ये कोर्टाने आधीच लालू यादव यांना दोषी ठरवून शिक्षा सुनावली होती.
