सोमवार, 26 ऑक्टोबर 2026
Washim Cattle Fodder Management
या निर्देशानुसार पशुधन नसलेले शेतकरी यांनी ज्यांच्याकडे स्वतःची जनावरे नाहीत, त्यांनी कुटार विकताना सर्वप्रथम आपल्या परिसरातील पशुपालक शेतकऱ्यांना वैरण म्हणून देण्यास प्राधान्य द्यावे. त्यानंतरच उर्वरित कुटार बायोमास ब्रिकेट्स/पेलेट्स निर्मिती उद्योगांना किंवा इतर व्यवसायांना द्यावे. असे आवाहन केले. यामध्ये पशुधन असलेले शेतकरी ज्यांच्याकडे स्वतःचे पशुधन आहे, त्यांनी सर्वप्रथम आपल्या जनावरांसाठी वर्षभराच्या चाऱ्याची पुरेशी सोय करावी. त्यानंतरच शिल्लक कुटार विक्रीसाठी उपलब्ध करावे. मात्र, असा चारा विकणाऱ्या शेतकऱ्यांना भविष्यात शासनाच्या चारा वाटप योजनेचे निर्बंध लागू राहिल, याबाबतचे विहित नमुन्यातील – प्रमाणपत्र तालुका अधिकाऱ्यांकडे सादर करणे बंधनकारक असेल.
आपले कुटार व चारा गहू (बायोमास ब्रिकेट्स) निर्मिती किया इतर उद्योगांना विकणाऱ्या शेतकऱ्यांना भविष्यात शासनाच्या वैरण व चारा वाटप योजनेचा लाभ मिळणार नाही. सोबतच उद्योजकांना ५०% साठा राखीव ठेवणे बंधनकारक आहे. बायोमास ब्रिकेट्स व पेलेट्स निर्मिती करणाऱ्या उद्योजक समूहाने त्यांच्याकडे दररोज वैणाऱ्या एकूण कुटारापैकी किमान ५०% साठा शासनाच्या आवश्यकतेनुसार शेतक-यासाठी राखीव ठेवणे अनिवार्य आहे. या राखीव साक्याची ( स्टॉक) माहिती दर आठवड्याला संबंधित तहसीलदार व तालुका पशुसंवर्धन व दुग्ध व्यवसाय विकास अपिका-यांकडे सादर करावी लागेल.
जिल्ह्यात भविष्यात चाराटंचाईची परिस्थिती निर्माण झाल्यास गहू, ब्रिकेट्स उद्योगांकडील राखीव व उपलब्ध चारा, कुटार प्रशासनाच्या चारा टंचाई उपाययोजनांसाठी ताब्यात घेतला जाईल, जिल्ह्यात कुटाराची अवैध साठेबाजी किंवा कृत्रिम टंचाई निर्माण करणाऱ्यांवर कारवाई होणार आहे.
