Winter Special Drink: संध्याकाळच्या नाश्त्यात घरी बनवा पौष्टिक Hot Chocolate, १० मिनिटांमध्ये झटपट तयार होईल पदार्थ

लहान मुलांच्या शरीरात वाढलेला थकवा कमी करण्यासाठी त्यांना हॉट चॉकलेट पिण्यास द्यावे. हॉट चॉकलेट घाईगडबडीमध्ये झटपट तयार होते. जाणून घ्या हॉट चॉकलेट बनवण्याची सोपी रेसिपी.

लहान मुलांपासून अगदी मोठ्यांपर्यंत सगळ्यांचं चॉकलेट खायला खूप जास्त आवडते. चॉकलेटचे नाव ऐकल्यानंतर लहान मुलं आंनदाने नाचू लागतात. बऱ्याचदा बाहेर फिरायला गेल्यानंतर मुलांना हॉट चॉकलेट किंवा चॉकलेट मिल्कशेक पिण्यास दिले जाते. थंडीच्या दिवसांमध्ये शरीरात उष्णता टिकवून ठेवण्यासाठी वेगवेगळ्या पदार्थ खाण्याचा सल्ला कायमच दिला जातो. चॉकलेमध्ये आढळून येणारे घटक लहान मुलांच्या मेंदूसाठी अतिशय गुणकारी ठरतो. मेंदूच्या आरोग्यासाठी चॉक्लेटमधील थिओब्रोमीन घटक अतिशय महत्वाचा आहे. लहान मुलांच्या शरीरात वाढलेला थकवा आणि अशक्तपणा दूर करण्यासाठी मुलांना चॉकलेट खाण्यास दिले जाते. आज आम्ही तुम्हाला सोप्या पद्धतीमध्ये हॉट चॉकलेट बनवण्याची रेसिपी सांगणार आहोत. या पद्धतीने बनवलेले हॉट चॉकलेट लहान मुलं आवडीने पितील. चॉकलेट दुधात मिक्स करून प्यायल्यास कॅल्शियम आणि प्रोटीन्स मुलांच्या शरीराला मिळतात. चला तर जाणून घेऊया हॉट चॉकलेट बनवण्याची सोपी रेसिपी.(फोटो सौजन्य – istock)

विकतचे च्यवनप्राश आणून खाण्यापेक्षा घरी पारंपरिक पद्धतीने बनवा आवळ्याचे च्वनप्राश, थंडीत सुधारेल शरीराची रोगप्रतिकारशक्ती

साहित्य:

• कोको पावडर
• चॉकलेट
• दूध
• ओट्स
• खजूर

दुपारच्या जेवणासाठी १५ मिनिटांमध्ये बनवा अस्सल पारंपरिक चवीचा मसालेभात, तूप ओल्या खोबऱ्यासोबत लागेल भन्नाट चव

कृती:

• हॉट चॉकलेट बनवण्यासाठी सर्वप्रथम, वाटीभर दुधात खजूर काहीवेळ भिजत ठेवा. यामुळे खजूर मऊ होतील.
• त्यानंतर मिक्सरच्या भांड्यात भिजवलेले खजूर, ओट्स आणि आवश्यकतेनुसार दूध घालून पेस्ट तयार करा. पेस्ट तयार करताना त्यात जास्त दूध घालू नये.
• कढईमध्ये तयार केलेली पेस्ट आणि ग्लासभर दूध ओतून गरम होण्यासाठी ठेवा. दुधाला एक उकळी आल्यानंतर त्यात कोको पावडर मिक्स करून घ्या.
• घट्टसर मिश्रण तयार झाल्यानंतर गॅस बंद करा.
• काचेच्या ग्लासात तयार केलेले मिश्रण ओतून वरून वितळवून घेतलेले चॉकलेट घालून लहान मुलांना पिण्यास द्यावे.
• तयार आहे सोप्या पद्धतीमध्ये बनवलेले चविष्ट हॉट चॉकलेट.