जामनगर आणि मुंबई येथून 120 कोटींचे एमडी ड्रग्ज जप्त, एअर इंडियाच्या माजी पायलटला अटक

एनसीबी मुख्यालय दिल्ली आणि मुंबई झोनल ऑफिसने 3 ऑक्टोबर रोजी जामनगरमध्ये छापा टाकला होता. मुंबईतून जामनगर येथून प्रत्येकी तीन जणांना अटक करण्यात आली आहे.

Follow Us:

Follow Us:

मुंबई : मुंबईच्या नार्कोटिक्स कंट्रोल ब्युरोनं (NCB) एक मोठी कारवाई केली आहे. एनसीबीनं गुजरातमधील जामनगर आणि मुंबई येथील एका गोदामातून 120 कोटी रुपयांचे 60 किलो अंमली पदार्थ मेफेड्रोन जप्त केले आहेत. या प्रकरणी एअर इंडियाच्या माजी वैमानिकासह सहा जणांना अटक करण्यात आली आहे.

[read_also content=”ढगाळ वातावरणात मुंबईकरांच्या दिवसाची सुरुवात, आज राज्यात पावसाचा यलो अलर्ट! https://www.navarashtra.com/mumbai/kokan/mumbai/cloudy-weather-in-mumbai-yellow-alert-for-rain-in-the-state-today-nrps-333366.html”]

एनसीबीचे उपमहासंचालक एसके सिंह यांनी दिलेल्या माहितीनुसार, हे एमडी ड्रग मुंबई आणि जामनगर येथील गोदामातून जप्त करण्यात आले आहे. तसेचं या अमली पदार्थांची तस्करी करणाऱ्या टोळीचा एनसीबीने पर्दाफाश केला असुन सहा जणांना अटक केली.जामनगरच्या नौदल इंटेलिजन्स युनिटने एमडी ड्रग्जच्या विक्री आणि खरेदीची माहिती दिली होती. या माहितीवरून एनसीबी आणि नेव्हल इंटेलिजन्स युनिटने संयुक्तपणे कारवाई केली. कारवाई दरम्यान,  जामनगर येथून 10.350 किलो एमडी ड्रग्ज जप्त करण्यात आले.

आरोपी एअर इंडियामध्ये होता पायलट

डीडीजी सिंग यांनी सांगितले की, जामनगरमध्ये अटक करण्यात आलेल्या दोन आरोपींपैकी एक, सोहेल गफ्फार, 2016 ते 18 दरम्यान एअर इंडियाचा पायलट होता. जामनगर आणि मुंबईतील जप्त अमली पदार्थ प्रकरणाशी त्याचे संबंध असल्याचे प्राथमिक तपासात समोर आले आहे. जप्त करण्यात आलेल्या एमडी ड्रगचे एकूण वजन 60 किलो आहे. आंतरराष्ट्रीय बाजारात त्याची किंमत 120 कोटी रुपये आहे.

एनसीबी मुख्यालय दिल्ली आणि मुंबई झोनल ऑफिसने 3 ऑक्टोबर रोजी जामनगरमध्ये छापा टाकला होता. मुंबईतून जामनगर येथून प्रत्येकी तीन जणांना अटक करण्यात आली आहे. दक्षिण मुंबईतील एसबी रोड फोर्ट परिसरातील गोदामातून 50 किलो एमडी ड्रग जप्त करण्यात आले आहे.

[read_also content=”उफ तेरी अदा! रश्मी देसाईला पाहून चाहते घायाळ https://www.navarashtra.com/photos/uff-teri-ada-fans-are-shocked-to-see-rashmi-desai-333416.html”]

याआधी ऑगस्टमध्ये मुंबई पोलिसांनी पालघर जिल्ह्यातून 1,400 कोटी रुपयांचे एमडी ड्रग्ज जप्त केले होते. याप्रकरणी पाच आरोपींना अटक करण्यात आली होती. जप्त केलेल्या औषधाचे वजन 700 किलोपेक्षा जास्त होते. मुंबई पोलिसांच्या अंमली पदार्थ विरोधी कक्षाने ही कारवाई केली.

Web Title: Md drugs worth 120 crore seized from jamnagar and mumbai former air india pilot arrested nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com