“सागरी सुरक्षेच्या दृष्टीने ड्रोनद्वारे…”; मत्स्यव्यवसाय मंत्री नितेश राणेंचे स्पष्ट निर्देश

एलईडी वापरण्याची परवानगी नसलेल्या मासेमारी बोटींद्वारे होत असलेली मासेमारी रोखण्यासाठी त्यांच्यावर कारवाई होणे गरजेचे आहे. यासाठी अधिकाऱ्यांनी अचानक भेटी द्याव्या, असे नितेश राणे म्हणाले.

ड्रोनच्या मदतीने सागरी सुरक्षेला बळ मिळणार, 
नवीन दहा ड्रोन खरेदी करण्याचे नितेश राणेंचे निर्देश 
ड्रोनद्वारे सर्वेक्षण हा उत्तम पर्याय असल्याचे मत

मुंबई: अनधिकृत मासेमारीला आळा घालण्यासाठी तसेच किनारपट्टीवरील सुरक्षा अधिक सक्षम व सुरळीत करण्यासाठी ड्रोनद्वारे सर्वेक्षण हा उत्तम पर्याय असल्याने या कामासाठी आणखी दहा ड्रोन खरेदी करावेत, असे निर्देश मत्स्यव्यवसाय व बंदरे मंत्री नितेश राणे यांनी दिले. मत्स्यव्यवसाय व बंदरे मंत्री नितेश राणे यांनी महाराष्ट्र सागरी मासेमारी निर्माण अधिनियम 1981 च्या कायद्याच्या अंमलबजावणी करिता गस्ती नौका व ड्रोन खरेदी याबाबतचा आढावा घेतला. या बैठकीस मत्स्यव्यवसाय विभागाचे अतिरिक्त मुख्य सचिव डॉ. रामास्वामी एन., मत्स्यव्यवसाय आयुक्त प्रेरणा देशभ्रतार, व्यवस्थापकीय संचालक प्रकाश खपले, सहआयुक्त महेश देवरे व युवराज चौगुले आदी उपस्थित होते.

मत्स्यव्यवसाय मंत्री नितेश राणे म्हणाले, सागरी सुरक्षेच्या दृष्टीने ड्रोनद्वारे सर्वेक्षण महत्वाचे आहे. यामुळे यापूर्वी खरेदी केलेल्या नऊ ड्रोनद्वारे सर्वेक्षण काम होत आहे. या कामासाठी आणखी दहा ड्रोन खरेदी केल्यास हे काम अत्यंत अचूकपणे होईल. त्यामुळे अतिरिक्त दहा ड्रोन खरेदी करण्याचा प्रस्ताव तातडीने तयार करून ड्रोन प्रक्रिया तातडीने पूर्ण करावी. तसेच गस्ती नौका खरेदीसाठीही तातडीने कार्यवाही करावी अशा सूचनाही मंत्री नितेश राणे यांनी दिल्या.

Alphonso Mango: आंबा, काजू बागायतदारांचा आक्रोश मोर्चा; मंत्री नितेश राणे काय म्हणाले?

एलईडी वापरण्याची परवानगी नसलेल्या मासेमारी बोटींवर कारवाई करण्यासाठी तपासणी मोहीम व्यापक प्रमाणात राबवावी, असे निर्देश मत्स्यव्यवसाय व बंदरे मंत्री नितेश राणे यांनी दिले. मत्स्यव्यवसाय व बंदरे मंत्री नितेश राणे यांच्या अध्यक्षतेखाली मंत्रालयात झालेल्या बैठकीस मत्स्यव्यवसाय विभागाचे अतिरिक्त मुख्य सचिव डॉ. रामास्वामी एन., मत्स्यव्यवसाय आयुक्त प्रेरणा देशभ्रतार, व्यवस्थापकीय संचालक प्रकाश खपले, सहआयुक्त महेश देवरे व युवराज चौगुले आदी उपस्थित होते.

मत्स्यव्यवसाय मंत्री नितेश राणे म्हणाले, एलईडी वापरण्याची परवानगी नसलेल्या मासेमारी बोटींद्वारे होत असलेली मासेमारी रोखण्यासाठी त्यांच्यावर कारवाई होणे गरजेचे आहे. यासाठी अधिकाऱ्यांनी अचानक भेटी द्याव्या, असे सांगत या कामासाठी विभागाने अधिकाऱ्यांवर जबाबदारी निश्चित करावी.

Sindhudurg News: आंबा बागायतदारांना लवकरच दिलासा मिळणार; नितेश राणे काय म्हणाले?

बैठकीत मत्स्यव्यवसाय विभागाच्या नवीन आकृतीबंधानुसार कर्मचारी भरती प्रक्रिया, सागरी किनाऱ्यावरील ९१ अतिसंवेदनशील लँडींग पॉईंट्सवर महाराष्ट्र राज्य सुरक्षा महामंडळामार्फत सुरक्षा रक्षक व पर्यवेक्षक नेमणे आणि प्रधानमंत्री मत्स्यसंपदा योजनेअंतर्गत सागर मित्र नेमणुकीसंदर्भातही आढावा घेण्यात आला.