गॅलक्सी झेड फ्लिप 7 वर भरघोस सूट (फोटो- Samsung)
सॅमसंगच्या गॅलक्सी झेड फ्लिप 7 वर मिळणार सूट
मागील वर्षी जुलैमध्ये लॉंच केलेला स्मार्टफोन
ग्राहकांसाठी असणार बंपर डिस्काउंट
Samsung Galaxy Z Flip 7 5G: सॅमसंग कंपनी टेक क्षेत्रातील एक प्रसिद्ध कंपनी आहे. आपल्या ग्राहकांसाठी कंपनी नवनवीन स्मार्टफोन्स बाजारात लॉंच करत असते. गेल्या वर्षी जुलै महिन्यात सॅमसंगने Galaxy Z Flip 7 5G हा स्मार्टफोन बाजारात आणला आहे. आता तुम्ही हा फोन खरेदी करण्याचा विचार करत असाल तर ही बातमी तुमच्यासाठी आहे. या फोनवर बंपर ऑफर मिळणार आहे. स्वस्तात फोन कसा खरेदी करता येईल, त्याबाबत जाणून घेऊयात.
सॅमसंगने हा स्मार्टफोन गेल्या वर्षी जुलै महिन्यात 128 जीबी आणि 256 जीबी स्टोरेज असणारा फोन 1,09,999 रुपयांमध्ये लॉंच केला होता. सध्या Samsung Galaxy Z Flip 7 5G स्मार्टफोन फ्लिपकार्टवर 95,999 रुपयांना लिस्ट करण्यात आला आहे. फ्लिपकार्टवर क्रेडिट कार्डने पेमेंट केल्यावर 4 हजारांची सूट मिळणार आहे. त्यामुळे या फोनची किंमत 91,999 रुपये होणार आहे. त्यामुळे आपल्या मूळ किंमतीपेक्षा 18 हजार रुपयांनी स्वस्त मिळणार आहे.
Samsung Galaxy Z Flip 7 5G चे फीचर्स
Samsung Galaxy Z Flip 7 5G या फोनमध्ये 6.9 इंच फूलएचडी डिस्प्ले, तर दुसरीकडे 4.1 इंचाचा सुपर AMOLED डिस्प्ले देण्यात आला आहे. या स्मार्टफोनमध्ये अँन्ड्रॉईड 16 वर आधारित one ui 8 देण्यात आले आहे. या स्मार्टफोनध्ये तुम्हाला 50 मेगापिक्सेलचा कॅमेरा आणि 12 मेगापिक्सेलचा अल्ट्रा वाईड कॅमेरा देण्यात आला आहे. तसेच 10 मेगा पिक्सेलचा सेल्फी कॅमेरा दिला गेला आहे. यामध्ये 4300 Mah क्षमतेची बॅटरी, हा फोन 5 जी, एलटीई, वाय-फाय 7 , ब्लूटुथला सपोर्ट करतो.
