मंगळवार, 20 ऑक्टोबर 2026
वसई-विरार परिसरात जमीन बळकावून फसवणूक करणाऱ्या मोठ्या रॅकेटचा पर्दाफाश झाला असून, मुख्य आरोपी सुरेंद्र प्रताप सिंह ऊर्फ ‘रंधा’ याला गुन्हे शाखा युनिट ४ ने अटक केली आहे. वालीव येथील मौजे रजावली परिसरात २०२० ते २०२५ दरम्यान आरोपीने तब्बल २१० गुंठा जमीन बेकायदेशीररीत्या ताब्यात घेतल्याचा आरोप आहे. मूळ जमीनमालकाला कोणतेही पैसे न देता, बिल्डरांशी संगनमत करून त्या जागेवर अवैध चाळी उभारण्यात आल्या आणि खोल्यांची विक्री करून सर्वसामान्य नागरिकांची लाखो रुपयांची फसवणूक करण्यात आली. तक्रारदाराने पैसे मागितल्यावर त्याला जीवे मारण्याच्या धमक्या देण्यात आल्याचाही आरोप आहे. या प्रकरणी वालीव पोलीस ठाण्यात गुन्हा दाखल करण्यात आला होता. तांत्रिक तपासाच्या आधारे गुन्हे शाखेने ‘रंधा’ला अटक केली असून, न्यायालयाने त्याला १० एप्रिलपर्यंत पोलीस कोठडी सुनावली आहे. या प्रकरणात आणखी किती जणांची फसवणूक झाली आहे आणि अन्य कोणाचा सहभाग आहे का, याचा तपास सुरू आहे.
वसई-विरार परिसरात जमीन बळकावून फसवणूक करणाऱ्या मोठ्या रॅकेटचा पर्दाफाश झाला असून, मुख्य आरोपी सुरेंद्र प्रताप सिंह ऊर्फ ‘रंधा’ याला गुन्हे शाखा युनिट ४ ने अटक केली आहे. वालीव येथील मौजे रजावली परिसरात २०२० ते २०२५ दरम्यान आरोपीने तब्बल २१० गुंठा जमीन बेकायदेशीररीत्या ताब्यात घेतल्याचा आरोप आहे. मूळ जमीनमालकाला कोणतेही पैसे न देता, बिल्डरांशी संगनमत करून त्या जागेवर अवैध चाळी उभारण्यात आल्या आणि खोल्यांची विक्री करून सर्वसामान्य नागरिकांची लाखो रुपयांची फसवणूक करण्यात आली. तक्रारदाराने पैसे मागितल्यावर त्याला जीवे मारण्याच्या धमक्या देण्यात आल्याचाही आरोप आहे. या प्रकरणी वालीव पोलीस ठाण्यात गुन्हा दाखल करण्यात आला होता. तांत्रिक तपासाच्या आधारे गुन्हे शाखेने ‘रंधा’ला अटक केली असून, न्यायालयाने त्याला १० एप्रिलपर्यंत पोलीस कोठडी सुनावली आहे. या प्रकरणात आणखी किती जणांची फसवणूक झाली आहे आणि अन्य कोणाचा सहभाग आहे का, याचा तपास सुरू आहे.
