Inflammation मुळे आरोग्याच्या समस्या वाढू लागल्या आहेत? मग आहारात करा ‘हे’ बदल, सूज- वाढत्या वेदनांपासून मिळेल सुटका

Inflammation: शरीराला कायमच वेगवेगळ्या संसर्गाचा सामना करावा लागतो. सूज आल्यानंतर शरीरात अनेक बदल दिसू लागतात. त्यामुळे वाढत्या सूज आणि वेदनांपासून सुटका मिळवण्यासाठी आहारात या पदार्थांचा समावेश करावा.

शरीराला सूज येण्याची कारणे?
सूज आल्यामुळे शरीराचे वजन वाढते का?
सूज कमी करण्यासाठी काय खावे?

Inflammation: धावपळीची जीवनशैली, कामाचा वाढता ताण, पोषक घटकांची कमतरता, अपुरी झोप, जेवणाच्या चुकीच्या वेळा इत्यादी अनेक गोष्टींचा परिणाम शरीरावर झाल्यानंतर आरोग्य बिघडते. त्यामुळे आरोग्याची काळजी घेणे फार आवश्यक आहे. बऱ्याचदा शरीराला झालेल्या जखमेमुळे किंवा संसर्गामुळे जळजळ किंवा शरीरात दाह वाढतो. ही केवळ नैसर्गिक प्रक्रिया आहे. शरीराला वेगवेगळ्या संसर्गाचा सामना करावा लागतो, अशावेळी रोगप्रतिकारशक्ती सुजच्या माध्यमातून शरीराचे रक्षण करते. पण वारंवार शरीराला सूज येत असेल किंवा आलेली सूज लवकर कमी न झाल्यास तातडीने डॉक्टरांच्या सल्ल्याने उपचार करावेत. अन्यथा किडनीच्या आरोग्याला धोका निर्माण होऊ शकतो.(फोटो सौजन्य – istock)

World Physiotherapy Day: वर्क फ्रॉम होम करून हैराण झाला आहात? सतत बसून काम केल्यामुळे वाढतोय पाठदुखीचा धोका

दीर्घकाळ टिकून राहणारी सूज लठ्ठपणा, हृदयाचे आजार, लिव्हर आणि किडनीच्या आजारांमुळे सुद्धा असू शकते. त्यामुळे सूज येणे सामान्य न समजता वेळीच उपचार करावेत. आज आम्ही तुम्हाला शरीरात वाढलेला दाह कमी करण्यासाठी कोणत्या पदार्थांचे आहारात सेवन करावे, याबद्दल सविस्तर माहिती जाणून घेऊया. हे पदार्थ आहारात खाल्ल्यास आरोग्य चांगले राहण्यास मदत होते.

ओमेगा-३ फॅटी ॲसिडने समृद्ध असलेले पदार्थ:

आहारात ओमेगा-३ फॅटी ॲसिडस् युक्त पदार्थांचे आवर्जून सेवन करावे. यामध्ये अळशीच्या बिया , चिया सीड्स, अक्रोड, साल्मन, सार्डिन आणि मॅकरेल माशांचा सुद्धा समावेश करावा. या पदार्थांमध्ये आवश्यक प्रमाणात ओमेगा-३ फॅटी ॲसिड असते. स्निग्ध मासे ओमेगा-३ चे उत्तम स्रोत मानले जातात. नियमित ओमेगा ३ फॅटी ऍसिड खाल्ल्यास शरीराला आलेली सूज कमी होईल आणि आरोग्य सुधारेल.

ताजी फळे आणि भाज्या:

अँटीइन्फ्लमेशन युक्त आहार घेतल्यास सूज कमी होते आणि आरोग्य सुधारते. त्यामुळे नियमित फळे, पालेभाज्या आणि वेगवेगळ्या फळभाज्यांचे सेवन करावे. स्ट्रॉबेरी, ब्लूबेरी, संत्री-मोसंबी, टोमॅटो, हिरव्या पालेभाज्या आणि इतर विविध रंगीबेरंगी भाज्यांचा आहारात समावेश करावा. या पदार्थांच्या सेवनामुळे शरीरातील ऑक्सिडेटिव्ह स्ट्रेस आणि सूज कमी होऊन आरोग्य सुधारते. शरीर कायमच मजबूत ठेवण्यासाठी सतत पॅक बंद पदार्थ खाण्याऐवजी ताज्या फळे आणि भाज्यांचे सेवन करावे.

Health Tips: जेवल्यानंतर छातीत जळजळ अ‍ॅसिडिटीचा त्रास? करा ‘हे’ सोपे घरगुती उपाय; मिळेल आराम

सुकामेवा:

सगळ्यांचं बदाम, अक्रोड, अळशीच्या बिया आणि भोपळ्याच्या बिया यांसारखे फायबर युक्त पदार्थ खायला खूप जास्त आवडतात. शरीराला निरोगी ठेवण्यासाठी स्निग्ध पदार्थ, फायबर इत्यादी पदार्थांचे सेवन करणे फार आवश्यक आहे. शरीरातील पेशींचे रक्षण करण्यासाठी भाज्यांसोबतच सुका मेवा सुद्धा खावा. ओट्स, बार्ली, विविध प्रकारच्या डाळी, बीन्स, मसूर इत्यादी पदार्थांमध्ये आवश्यक प्रमाणात फायबर असते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.