शेफ विष्णू मनोहर स्पेशल रेसिपी! घरच्या घरी सोप्या पद्धतीमध्ये बनवा कुरकुरीत चमचमीत मसाला पापड, जाणून घ्या ट्रिक्स

आज आम्ही तुम्हाला सोप्या पद्धतीमध्ये मसाला पापड बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो. पापड ओला होऊ नये म्हणून फॉलो करा या टिप्स.

लहान मुलांपासून अगदी मोठ्यांपर्यंत सगळ्यांच पापड खायला खूप जास्त आवडतो. जेवणाच्या ताटात कायमच पापड असतो. याशिवाय हॉटेलमध्ये गेल्यानंतर कायमच मसाला पापड मागवला जातो. वेगवेगळे मसाले आणि कांदा टोमॅटोचा वापर करून बनवलेला मसाला पापड चवीला अतिशय चविष्ट लागतो. याशिवाय हॉटेलमध्ये बनवला जाणारा पापड अजिबात वाकडा तिकडा नसतो. पण घरी बनवताना पापड पूर्णपणे फोल्ड होऊन जातो. ज्यामुळे त्यावर कांदा टोमॅटो राहत नाही. म्हणूनच आज आम्ही तुम्हाला प्रसिद्ध शेफ विष्णू मनोहर यांनी मसाला पापड बनवण्यासाठी काही सोप्या ट्रिक्स सांगितल्या आहेत. या ट्रिक्स फॉलो करून तुम्ही मसाला पापड बनवू शकता. कमीत कमी साहित्यात आणि कमी वेळात झटपट तयार होणारे पदार्थ बनवला सगळ्यांचं खूप जास्त आवडतात. चला तर जाणून घेऊया मसाला पापड बनवण्याची सोपी रेसिपी. (फोटो सौजन्य – istock)

आंबवलेले पदार्थ खायचा कंटाळा आला असेल तर सोप्या पद्धतीमध्ये सकाळच्या नाश्त्यात बनवा मसूर डाळीचा कुरकुरीत डोसा

साहित्य:

• पापड
• लाल तिखट
• हळद
• चाट मसाला
• काकडी
• कांदा टोमॅटो
• मीठ
• लिंबू रस
• बारीक शेव

Sankashti Special : तेच तेच बोरिंग पदार्थ सोडा, यंदा उपवासाला बनवा टेस्टी बटाटा पॅटिस 

कृती:

• मसाला पापड बनवण्यासाठी सर्वप्रथम, पापड तळण्यासाठी पसरट कढई घेऊन त्यात तेल गरम करा. त्यानंतर तेल व्यवस्थित गरम झाल्यावर त्यात पापड टाकून कुरकुरीत भाजा.
• वाटीमध्ये कांदा आणि टोमॅटो, काकडी घेऊन व्यवस्थित मिक्स करा. त्यानंतर कॉटनच्या कपड्यात मिक्स करून घेतलेल्या भाज्या घालून त्यातील पाणी काढा.
• त्यानंतर पुन्हा एकदा वाटीमध्ये कांदा, टोमॅटो आणि काकडी घेऊन त्यात चवीनुसार मीठ, लाल तिखट, हळद आणि चाट मसाला घालून व्यवस्थित मिक्स करा.
• ताटात तळून घेतलेला पापड घेऊन त्यात बारीक कांदा टोमॅटो पसरवून घ्या. त्यानंतर वरून चाट मसाला घालून बारीक शेप आणि लिंबाचा रस पसरवून घ्या.
• तयार आहे सोप्या पद्धतीमध्ये बनवलेला चविष्ट कुरकुरीत मसाला पापड.
• मसाला पापड लवकर ओलसर होऊ नये म्हणून कांदा टोमॅटोमधील पाणी काढून घ्या. या पद्धतीमध्ये मसाला पापड बनवल्यास चव सुंदर लागेल.