लहानपणाच्या आठवणी होतील ताज्या! सकाळच्या नाश्त्यासाठी झटपट बनवा साखर मलाई पराठा, ५ मिनिटांमध्ये तयार होईल पदार्थ

सकाळच्या नाश्त्यासाठी तुम्ही १० मिनिटांमध्ये मलाई साखर पराठा बनवू शकता. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल. जाणून घ्या रेसिपी.

पूर्वीच्या काळी सर्वच घरांमध्ये बनवला जाणारा लहान मुलांच्या आवडीचा पदार्थ म्हणजे साखर पराठा. लहान मुलांपासून अगदी मोठ्यांपर्यंत सगळ्यांचं साखर पराठा खायला खूप जास्त आवडतो. साखर पराठा बनवून त्यावर मलाई टाकून खाल्यास अतिशय सुंदर लागते. घाईगडबडीच्या वेळी सकाळच्या नाश्त्यात कायमच उपमा, शिरा, कांदापोहे खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. अशावेळी तुम्ही चवदार आणि टेस्टी मलाई साखर पराठा बनवू शकता. अजूनही सगळ्यांचं तोंडात साखर पराठ्याची चव कायमच आहे. दुधाची साय आणि साखर हे पदार्थ लहान मुलांना खायला खूप जास्त आवडतात. याशिवाय साखर पराठा बनवण्यासाठी जास्तीचा वेळ लागत नाही. कमीत कमी साहित्यामध्ये साखर पराठा लगेच तयार होतो. चला तर जाणून घेऊया मलाई साखर पराठा बनवण्याची सोपी रेसिपी.(फोटो सौजन्य: Pinterest)

आवडीच्या पदार्थाने करा लहान मुलांना खुश; मेहनत घेण्याची गरज नाही, कुकरमध्ये बनवा देसी स्टाईल ‘पास्ता’

साहित्य:

• गव्हाचं पीठ
• मीठ
• साखर
• तूप
• दुधावरील साय
• वेलची पावडर

पितृपक्षातील श्राद्ध भोजनासाठी पारंपरिक पद्धतीने बनवा चवदार भोपळ्याचची भाजी, चुकूनही घालू नका ‘हे’ पदार्थ

कृती:

• मलाई साखर पराठा बनवण्यासाठी सर्वप्रथम, ताटात गव्हाचं पीठ घेऊन त्यात चवीनुसार मीठ घालून मिक्स करा. नंतर आवश्यकतेनुसार पाणी घालून व्यवस्थित कणिक मळून घ्या.
• मळून घेतलेल्या पिठलं थोडस तेल लावून पुन्हा एकदा व्यवस्थित पीठ मळून काहीवेळ बाजूला ठेवा.
• वाटीमध्ये दुधाची साय आणि साखर, वेलची पावडर घालून व्यवस्थित मिक्स करा. तुम्हाला हवे असल्यास तुम्ही त्यात सुका मेवा सुद्धा टाकू शकता.
• गव्हाच्या पिठाचे छोटे छोटे गोळे करून त्यात तयार केलेले मिश्रण भरून नाजूक साजूक पराठा लाटून दोन्ही बाजूने व्यवस्थित शेकवून घ्या आणि आवडीनुसार तूप लावून सर्व्ह करा.
• तयार आहे सोप्या पद्धतीमध्ये बनवलेला मलाई साखर पराठा.