सतत केस गळून पातळ झाले आहेत? मग सोप्या पद्धतीमध्ये घरीच बनवा रिठा शाम्पू, केसांच्या सर्व समस्या होतील कायमच्या दूर

केसांच्या निरोगी वाढीसाठी आणि केस गळती थांबवण्यासाठी कोणत्याही चुकीच्या प्रॉडक्टचा वापर करण्याऐवजी घरगुती पदार्थांचा वापर करून केसांची काळजी घ्यावी. जाणून घ्या रिठा शॅम्पू बनवण्याची सोपी कृती.

चुकीची जीवनशैली, कामाचा वाढलेला तणाव, आहारात सतत होणारे बदल, शारीरिक हालचालींची कमतरता, वातावरणात होणारे बदल इत्यादी अनेक गोष्टींचा परिणाम शरीरावर लगेच दिसून येतो. याशिवाय शरीरात वाढलेल्या तणावामुळे त्वचा आणि केसांचे मोठ्या प्रमाणावर नुकसान होते. केस गळणे, केसांमध्ये कोंडा होणे, केसांची वाढ थांबणे, केस तुटणे इत्यादी अनेक समस्या उद्भवू लागतात. या समस्या उद्भवू लागल्यानंतर बऱ्याचदा महिला दुर्लक्ष करतात. मात्र सतत गळत राहिल्यामुळे केसांमध्ये टक्कल पडण्याचीजास्त भीती असते. त्यामुळे वारंवार केस गळती होत असल्यास दुर्लक्ष न करता डॉक्टरांच्या सल्ल्याने योग्य ते उपचार करणे आवश्यक आहे.(फोटो सौजन्य – iStock)

चेहऱ्यावर केलेला मेकअप रिमूव्हर करण्यासाठी प्रियंका चोप्राने सांगितले ‘हे’ घरगुती पदार्थ, त्वचेचे होणार नाही कोणतेच नुकसान

वाढलेल्या प्रदूषणाचा परिणाम केसांवर लगेच दिसून येतो. बऱ्याचदा केस गळण्यास सुरुवात झाल्यानंतर महिला बाजारात उपलब्ध असलेल्या वेगवेगळ्या सहा,शॅम्पूचा किंवा इतर महागड्या प्रॉडक्टचा वापर करतात. मात्र यामुळे केसांची गुणवत्ता काहीशी खराब होऊन जाते. त्यामुळे केसांच्या वाढीसाठी कोणत्याही चुकीच्या प्रॉडक्टचा वापर करण्याऐवजी केसांना सूट होणाऱ्या पदार्थांचा वापर करावा. आज आम्ही तुम्हाला वारंवार होणारी केस गळती थांबवण्यासाठी रिठा शॅम्पू तयार करण्याची सोपी कृती सांगणार आहोत. यामुळे तुमचे गळणे थांबून केस मजबूत होण्यास मदत होईल.

महिला केस स्वच्छ करण्यासाठी अनेक वेगवेगळ्या शँम्पूचा वापर करतात. मात्र केमिकल रसायनांचा वापर करून बनवण्यात आलेले शँम्पू केसांसाठी प्रभावी नाहीत. बाजारात अनेक वेगवेगळ्या ब्रँडचे शॅम्पू उपलब्ध असतात. त्यामुळे कोणत्याही चुकीच्या प्रॉडक्टचा वापर करण्याऐवजी रिठाचा वापर करून केस स्वच्छ करावे. या पदार्थाला फेस सुद्धा येतो. पूर्वीच्या काळी महिलांसह पुरुष सुद्धा केस स्वच्छ करण्यासाठी रिठाचा वापर करायचे.

शॅम्पूसाठी लागणारे साहित्य:

• मेथी दाणे
• जास्वंदीचे फुल
• पाने
• रिठा
• पाणी
• कोरफड जेल

आंघोळीच्या पाण्यात तुरटी फिरवल्याने शरीराला होतात असंख्य फायदे, त्वचेवरील इन्फेक्शनचा धोका होईल कमी

कृती:

• शँम्पू तयार करण्यासाठी सर्वप्रथम, गरम पाणी करून त्यात रिठा टाकून व्यवस्थित उकळवून घ्या.
• त्यानंतर शिजवून घेतलेले रिठा थंड झाल्यानंतर हाताने चोळून घ्या आणि पुन्हा एकदा त्यात पाणी घालूनउकळण्यासाठी ठेवा.
• त्यानंतर त्यात जास्वंदीची फुले आणि पाने घालून व्यवस्थित उकळवा. नंतर त्यात मेथी दाणे घाला.
• उकळत्या पाण्यात कोरफड जेल घालून तयार केलेले मिश्रण व्यवस्थित आटवून घ्या. गॅस बंद करून शँम्पू थंड करा.
• थंड केलेले मिश्रण गाळून काचेच्या बाटलीमध्ये भरून ठेवा. तयार केलेला शॅम्पू दोन आठवडे व्यवस्थित टिकून राहतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.