तरुण वयात हाडांमधून सतत आवाज येतो? मग आहारात करा ‘या’ कॅल्शियमयुक्त पदार्थांचा समावेश, ठिसूळ हाडे होतील मजबूत

हाडांमध्ये वाढलेल्या वेदनांपासून आराम मिळवण्यासाठी आहारात कॅल्शियम असलेल्या पदार्थांचे सेवन करावे. कॅल्शियम युक्त पदार्थ हाडांची झीज भरून काढण्यास मदत करतात आणि हाडे मजबूत ठेवतात.

हाडे ठिसूळ होण्याची कारणे?
तरुण वयात हाडांमध्ये वेदना का होतात?
हाडे मजबूत करण्यासाठी काय खावे?

जीवनशैलीत सतत होणाऱ्या बदलांचा शारीरिक आणि मानसिक आरोग्यावर लगेच परिणाम दिसून येतो. त्यामुळे शरीराची योग्य काळजी घेणे फार आवश्यक आहे. पूर्वीच्या काळी वयाच्या ६० व्या वर्षानंतर होणारे आजार हल्लीन वयाच्या ३० व्या वर्षात होऊ लागले आहेत. त्यामुळे चिंता व्यक्त केली जाते. कोणत्याही क्षणी हार्ट अटॅक येणे, उच्च रक्तदाब, कॅन्सर, खराब कोलेस्ट्रॉल, हृदयाचे आजार झाल्यानंतर संपूर्ण शरीरात असंख्य बदल दिसू लागतात. पण या बदलांकडे वेळीच लक्ष दिले जात नाही. तरुण वयात हाडांमध्ये वेदना, चालताना किंवा खाली बसताना गुडघे दुखणे, कंबर दुखणे, सांध्यांमध्ये वाढलेल्या वेदना यांसारकीं लक्षणे शरीरात दिसू लागतात. कमी वयातच पाठदुखी, कंबरदुखी आणि सांधेदुखीचा त्रास जाणवू लागल्यानंतर त्याकडे दुर्लक्ष केले जाते. पण कालांतराने शरीरातील हाडे ठिसूळ झाल्यानंतर हाडांमधून आवाज येण्यास सुरुवात होते. कॅल्शियमच्या कमतरतेचा परिणाम हाडांवर लगेच दिसून येतो. म्हणूनच आज आम्ही तुम्हाला कॅल्शियमची पातळी वाढवण्यासाठी आहारात कोणत्या पदार्थांचा समावेश करावा, याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य – istock)

घरातील छोटी मोठी काम करताना थकल्यासारखे वाटते? मग शरीरातील पोटॅशियमची कमतरता भरून काढण्यासाठी आहारात करा बदल

कॅल्शियम वाढवण्यासाठी आहारात करा ‘या’ पदार्थांचा समावेश:

कॅल्शियमची पातळी कमी झाल्यानंतर हाडांमधून सतत कटकट आवाज येणे, हाडांची झीज यांसारख्या समस्या वाढतात. या समस्या वाढल्यानंतर कॅल्शियमची पातळी भरून कढण्यासाठी डॉक्टरांच्या सल्ल्याने वेगवेगळ्या गोळ्या खाल्ल्या जातात. पण या गोळ्यांचे सेवन केल्यामुळे मुतखडा होण्याची जास्त शक्यता असते. कॅल्शियम आणि शरीरातील इतर घटक एकत्र मिक्स झाल्यामुळे मुतखडा होतो. त्यामुळे गोळ्या किंवा कोणतेही सिरप पिण्याऐवजी आहारात कॅल्शियम असलेले पदार्थ खावे. हाडांना लोखंडासारखे मजबूत करण्यासाठी कॅल्शियम असलेले पदार्थ खावेत. कोणत्याही गोळ्यांवर अवलंबून न राहता नैसर्गिक पद्धतीने शरीरात कॅल्शियम वाढवावे.

संध्याकाळच्या जेवणात चपाती खाण्याऐवजी नाचणीची भाकरी खावी. नाचणीची भाकरी खाल्ल्यामुळे वाढलेले वजन नियंत्रणात राहण्यासोबतच शरीराला आवश्यक पोषक घटक मिळतात. नाचणीमध्ये असलेले शक्तिशाली घटक शरीरातील कॅल्शियमचे संतुलन भरून काढण्यासाठी मदत करतात. त्यामुळे नाचणीपासून बनवलेली पेज किंवा नाचणी सत्व नियमित खावे. हे पदार्थ खाल्ल्यामुळे शरीरात वाढलेला थकवा, अशक्तपणा कमी होऊन तात्काळ अर्ज मिळेल. तसेच वयाच्या चाळिशीनंतर बाहेरील तिखट, तेलकट पदार्थ खाण्याऐवजी नाचणीचे पदार्थ खावे.

ठिसूळ झालेल्या हाडांना पोषण देण्यासाठी नियमित एक ग्लास दूध प्यावे. दुधामध्ये भरपूर कॅल्शियम असते. एक ग्लास कोमट दुधात चिमूटभर हळद मिक्स करून प्यायल्यास हाडांना पोषण मिळेल. तसेच दुपारच्या जेवणात वाटीभर दही खावे. दह्यामध्ये प्रोबायोटिक्स असतात, ज्यामुळे पचनक्रिया सुधारण्यास मदत होते. दूध प्यायला आवडत नसेल तर दुग्धजन्य पदार्थांचे सेवन करा.

उन्हाळ्यात शरीरसंबंधित दिसून येणाऱ्या ‘या’ लक्षणांकडे अजिबात करू नका दुर्लक्ष, उद्भवू शकतो हार्ट अटॅकचा धोका

दैनंदिन आहारात नियमित पालेभाज्या खाव्यात. पालेभाज्यांमध्ये भरपूर कॅल्शियम आणि लोह असते. पालक, मेथी, मुळा किंवा इतर पालेभाज्या खाल्ल्यास हाडांना पोषण मिळेल. पालेभाज्यांमध्ये कॅल्शियमसोबतच विटामिन, विटामिन के खूप जास्त असते. तसेच सकाळी उठल्यानंतर तीन किंवा चार भिजवलेले बदाम खाल्ल्यास शरीराला ऊर्जा मिळेल आणि स्मरणशक्ती चांगली राहील. बदामामामध्ये कॅल्शियम आणि पोटॅशियम असते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.