पित्तामुळे सतत आंबट ढेकर येतात? ‘हे’ घरगुती उपाय करून तात्काळ मिळवा आराम, पित्ताची समस्या होईल कमी

शरीरात पित्ताची पातळी वाढल्यानंतर आरोग्याला हानी पोहचण्याची शक्यता असते. अशावेळी वाढलेले पित्त कमी करण्यासाठी घरगुती उपाय करावे. यामुळे तात्काळ आराम मिळतो आणि शरीराला अनेक फायदे देखील होतात.

दैनंदिन आहारात सतत तेलकट किंवा तिखट पदार्थांचे अतिसेवन केल्यामुळे आरोग्याला हानी पोहण्याची शक्यता असते. त्यामुळे आहारात शरीराला पचन होणाऱ्या पदार्थांचे सेवन करावे. शरीरात वाढलेले कामाचा तणाव, पोषक घटकांची कमतरता, पाण्याची कमतरता, जंक फूडचे अतिसेवन, मानसिक तणाव, अपुरी झोप इत्यादी अनेक गोष्टींचा परिणाम आरोग्यावर झाल्यानंतर पचनक्रिया बिघडू लागते. बिघडलेली पचनक्रिया सुधारण्यासाठी आहारात उपाशी पोटी कोणत्याही पदार्थांचे सेवन करणे टाळावे. या पदार्थांच्या अतिसेवनामुळे शरीराला हानी पोहचते. पित्ताच्या समस्येने त्रस्त असलेल्या लोकांच्या शरीरात अनेक गंभीर लक्षणे दिसू लागतात. याशिवाय शरीरात पित्त वाढल्यामुळे आठवड्यातून एकदा किंवा दोनदा उलट्या येणे, सतत चक्कर येणे, डोकं दुखणे इत्यादी गंभीर समस्या शरीरात दिसू लागतात. (फोटो सौजन्य – iStock)

फुफ्फुसांचा कॅन्सर झाल्यानंतर हातापायांमध्ये दिसून येतात ‘ही’ भयानक लक्षणे,दुर्लक्ष केल्यास उद्भवेल मृत्यू

शरीरात पित्ताची पातळी वाढल्यानंतर आरोग्यासंबंधित अनेक लक्षणे दिसू लागतात. पित्त वाढल्यानंतर आंबट ढेकर किंवा डोकं दुखण्यास सुरुवात झाल्यानंतर डॉक्टरांच्या सल्ल्याने गोळ्या औषध घेतली जातात. पण यामुळे काहीवेळ आराम मिळतो. शरीरात वाढलेले आम्ल्पित्त आरोग्यासाठी अतिशय घातक आहे. उन्हाळ्याच्या दिवसांमध्ये वाढत्या उष्णतेचा त्रास झाल्यानंतर पित्ताची पातळी वाढून उलट्या होऊ लागतात. तसेच शरीरात वाढलेले पित्त बाहेर प[पडून गेले नाहीतर डोकं दुखणे किंवा पोटात दुखू लागते. त्यामुळे आज आम्ही तुम्हाला शरीरात वाढलेली पित्ताची पातळी नियंत्रणात ठेवण्यासाठी काही घरगुती उपाय सांगणार आहोत. हे घरगुती उपाय केल्यास तात्काळ आराम मिळेल.

पित्त वाढल्यानंतर शरीरात दिसणारी लक्षणे:

शरीरात पित्ताची पातळी वाढल्यानंतर जळजळ होणे, आंबट ढेकर येणे, खाण्यापिण्याची इच्छा न होणे, डोकं दुखणे, चक्कर येणे इत्यादी अनेक समस्या दिसू लागतात. या सर्व समस्यांपासून तात्काळ आराम मिळवण्यासाठी गोळ्या औषधांचे सेवन करण्याऐवजी घरगुती उपाय करून आराम मिळवावा. घरगुती उपाय आरोग्यासाठी अतिशय प्रभावी ठरतात. शरीरात हायपर ऍसिडिटी वाढल्यानंतर छातीमध्ये दुखणे किंवा श्वास घेताना अडचण निर्माण होणे इत्यादी लक्षणे दिसू लागतात. या समस्येला आयुर्वेदामध्ये आम्ल पित्त असे म्हणतात.

पित्त वाढल्यानंतर हे घरगुती उपाय करावे:

• रात्री झोपण्याआधी एक ग्लास पाण्यात धणे भिजत घालावे. त्यानंतर सकाळी उठल्यानंतर भिजत घेतलेल्या धणेचे पाणी प्यावे. यामुळे शरीरात साचून राहिलेले विषारी घटक बाहेर पडून जातील आणि आरोग्याला अनेक फायदे होतील.
• जेवल्यानंतर अनेक लोक बडीशेप खातात. बडीशेप खाल्यामुळे पचनक्रिया सुधारते. पोटात वाढलेली उष्णता कमी करण्यासाठी बडीशेप आणि खडीसाखर खावी. यामुळे पित्तावर नियंत्रण राहते.

अपचनाची समस्या वाढली आहे? पोटात गॅस झाल्यानंतर शरीराच्या ‘या’ अवयवांमध्ये होतात तीव्र वेदना

• शरीरात वाढलेल्या पित्तावर नियंत्रण मिळवण्यासाठी सगळ्यात प्रभावी उपाय म्हणजे गुलकंद खाणे. गुलकंद खाल्यामुळे शरीरातील उष्णता कमी होऊन शरीरात थंडावा निर्माण होतो. पित्त वाढल्यास चमचाभर गुलकंद खावे.
• नारळ पाण्याचे सेवन केल्यामुळे शरीराला अनेक फायदे होतात. याशिवाय तुम्ही लिंबू पाणी देखील पिऊ शकता.

 

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.