हिवाळ्यात शरीर डिटॉक्स करण्यासाठी नियमित करा ‘या’ काढ्याचे सेवन, शरीर राहील निरोगी आणि स्वच्छ

शरीरात साचून राहिलेले विषारी घटक काढून टाकण्यासाठी दैनंदिन आहारात डिटॉक्स पेयांचे सेवन करावे. या पेयांचे नियमित सेवन केल्यास आरोग्याला अनेक फायदे होतील, चला तर जाऊन घेऊया डिटॉक्स पेय बनवण्याची कृती.

शरीर डिटॉक्स करण्यासाठी गुणकारी काढा

Follow Us:

Follow Us:

धावपळीच्या जीवनशैलीमुळे आरोग्याकडे लक्ष देण्यास वेळ मिळत नाही. सतत कामाचा तणाव, चुकीची जीवनशैली, सतत बाहेरचे पदार्थ खाणे, धूम्रपान इत्यादी अनेक गोष्टींमुळे आरोग्य बिघडून जाते. शिवाय वाढत्या प्रदूषणाचा परिणाम आरोग्यावर लगेच दिसून येतो. प्रदूषणात वाढ झाल्यामुळे शरीरात अनेक हानिकारक विषारी घटक साचून राहतात. शरीरात साचून राहिलेले विषारी घटक शरीराची रोगप्रतिकारशक्ती कमकुवत करून जातात. विषारी पदार्थ साचून राहिल्यामुळे ऊर्जा, त्वचा, आणि पचनसंस्था इत्यादी गोष्टींवर परिणाम होतो. थंडीच्या दिवसांमध्ये साथीचे आजार मोठ्या प्रमाणावर वाढू लागतात. या आजारांवर नैसर्गिक उपाय करून मात करण्यासाठी रोज या गुणकारी काढ्याचे सेवन करावे. आज आम्ही तुम्हाला निरोगी राहण्यासाठी कोणत्या काढ्याचे सेवन करावे? काढा प्यायल्यामुळे आरोग्याला काय फायदे होतात? याबद्दल सविस्तर माहिती सांगणार आहोत. चला तर जाणून घेऊया.(फोटो सौजन्य-istock)

लाईफ स्टाईलच्या बातम्यांसाठी इथे क्लिक करा

शरीर डिटॉक्स करण्यासाठी गुणकारी काढा:

काढा बनवण्यासाठी सर्वप्रथम, टोपामध्ये पाणी घेऊन उकळण्यासाठी ठेवा. पाण्याला व्यवस्थित उकळी आल्यानंतर त्यात पुदिन्याची पाने, किसलेलं आलं, दालचिनी आणि वेलची टाकून मिक्स करून घ्या. टोपातील पाणी अर्धे झाल्यानंतर गॅस बंद करून काढा थंड होण्यासाठी ठेवा. काढा थंड झाल्यानंतर त्यात थोडंसं मध किंवा गूळ टाकून प्या. यामुळे तुमचे शरीर डिटॉक्स होईल आणि आरोग्याला अनेक फायदे होतील.

शरीर स्वच्छ होते:

शरीरात साचून राहिलेले विषारी घटक काढून टाकण्यासाठी नियमित सकाळी उठल्यानंतर उपाशी पोटी डिटॉक्स पेयांचे सेवन करावे. यामुळे पोटात साचून राहिलेली घाण स्वच्छ होईल. पोटात साचून राहिलेल्या विषारी घटकांमुळे संपूर्ण आरोग्य बिघडून जाते. त्यामुळे नेहमी काढा आणि डिटॉक्स पेयांचे सेवन करावे. या पेयांचे नियमित सेवन केल्यास शरीरातील घाण स्वच्छ होईल आणि शरीर हलके वाटेल. त्यामुळे उपाशी पोटी नियमित या पेयांचे सेवन करा.

पचनक्रिया सुधारते:

बिघडलेली पचनक्रिया सुधारण्यासाठी दैनंदिन आहारात डिटॉक्स पेयांचे किंवा काढ्याचे सेवन करावे. डिटॉक्स ड्रिंकमध्ये आले, पुदीना, लिंबू, आणि हळद इत्यादी अनेक घटक असतात, ज्यामुळे पोटात साचून राहिलेली घाण स्वच्छ होते. अपचन, गॅस, आणि पोटफुगी इत्यादी अनेक समस्यांपासून आराम मिळण्यास मदत होईल. पचनक्रिया निरोगी असेल तर आतड्यांचे आरोग्य सुद्धा निरोगी राहते.

लाईफ स्टाईलच्या बातम्यांसाठी इथे क्लिक करा

वजन नियंत्रणात राहते:

वाढलेले वजन आणि पोटावर साचून राहिलेली अतिरिक्त चरबी कमी करण्यासाठी अनेक प्रयत्न केले जातात.पण वजन कमी करण्यासाठी प्रोटीन ड्रिंक पिण्याऐवजी डिटॉक्स पेयाचे सेवन करावे. यामुळे शरीरात साचून राहिलेली चरबी जळून जाते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Consume detox drinks regularly to detox the body in winter healthy detox drink

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com