Corona: वाढत्या करोनादरम्यान 5 मसाल्यांचे सेवन ठरेल रामबाण, Immunity होईल बुस्ट आजार होईल छुमंतर

कोरोना विषाणूचा नवीन प्रकार वेगाने पसरत आहे. पावसाळ्यात बहुतेक लोकांची रोगप्रतिकारक शक्ती कमकुवत होते. ती वाढवण्यासाठी तुम्ही स्वयंपाकघरातील ५ मसाले खाऊ शकता, जाणून घ्या

भारतात पुन्हा एकदा कोरोना विषाणूचे रुग्ण झपाट्याने वाढत आहेत. याशिवाय यावर्षी पावसाळा  लवकर सुरू झाला आहे. पावसाळ्यात बदलत्या हवामानामुळे रोगप्रतिकारक शक्ती कमकुवत होते. अशा परिस्थितीत, या काळात कोरोना, सर्दी-खोकला आणि ताप यासह अनेक आजारांचा धोका वाढतो. 

शरीराला आजारांपासून वाचवण्यासाठी मजबूत रोगप्रतिकारक शक्ती असणे खूप महत्वाचे आहे. शरीराची रोगप्रतिकारक शक्ती मजबूत करण्यासाठी, तुम्ही स्वयंपाकघरातील या 5 मसाल्यांचा वापर करू शकता. कोणते 5 मसाले रोगप्रतिकारक शक्ती वाढवू शकतात ते जाणून घ्या. आयुर्वेदिक डॉक्टर माधव भागवत यांनी याबाबत अधिक माहिती दिली आहे (फोटो सौजन्य – iStock) 

हळदीचा उपयोग 

प्राचीन काळापासून भारतात हळदीचा वापर औषध म्हणून केला जात आहे. हळदीमध्ये अँटीबॅक्टेरियल, अँटी-इंफ्लेमेटरी आणि अँटीऑक्सिडंटसारखे औषधी गुणधर्म आहेत जे शरीराला अनेक आजारांपासून वाचवू शकतात. तुम्ही हळद दुधात मिसळून पिऊ शकता. हळद हा उत्तम आणि अत्यंत रामबाण उपाय आहे आणि यामुळे प्रतिकारशक्ती वाढण्यास अधिक मदत मिळते 

Uric Acid ला मुळापासून उपटून काढेल कच्ची हळद, शरीरात जमा झालेले घाणेरडे प्युरिन असे काढेल बाहेर

काळी मिरी वापरावी

काळी मिरीमध्ये अँटीऑक्सिडंट्ससह अनेक औषधी गुणधर्म असतात जे रोगप्रतिकारक शक्ती मजबूत करण्यास मदत करतात. तुम्ही दुधासोबत काळी मिरी खाऊ शकता. याशिवाय, तुम्ही सूप आणि सॅलडसोबतही काळी मिरी खाऊ शकता. शरीरातील प्रतिकारशक्ती कमी असेल तरच करोना होऊ शकतो त्यामुळे तुम्ही याचा पदार्थांमध्ये काळी मिरीचा वापर करू शकता 

दालचिनी 

दालचिनीमध्ये दाहक-विरोधी आणि अँटीऑक्सिडंटसह अनेक गुणधर्म असतात, जे रोगप्रतिकारक शक्ती मजबूत करण्यास मदत करू शकतात. दालचिनीचे सेवन केल्याने शरीरातील जळजळ देखील कमी होते. तुम्ही चहा किंवा सूपसोबत दालचिनीचे सेवन करू शकता. दालचिनीचा चहा तुम्ही नियमित प्यायल्यास तुम्हाला याचा फायदा मिळू शकतो. 

वेलची वापरण्याचा फायदा 

वेलचीमध्ये व्हिटॅमिन बी१, व्हिटॅमिन बी६, व्हिटॅमिन सी आणि पोटॅशियम असे अनेक पोषक घटक आढळतात जे रोगप्रतिकारक शक्ती वाढवू शकतात. तुम्ही वेलची दूध किंवा चहासोबत खाऊ शकता. याशिवाय तुम्ही रोज जेवल्यानंतर बडिशेपप्रमाणे वेलचीचे सेवनही करू शकता यामुळे तुमची प्रतिकारशक्ती वाढण्यास मदत मिळते. 

Corona Update : कोरोना रुग्णांची संख्या १०४७ वर, ११ जणांचा मृत्यू; महाराष्ट्र-केरळ हॉटस्पॉट

तुळस 

तुम्ही नियमित तुळशीचा उपयोग करू शकता. आयुर्वेदामध्ये तुळशीला अनन्यसाधारण महत्त्व देण्यात आले आहे. तुम्ही तुळशीचा काढा अथवा तुळशीचा चहा करून रोज पित असाल तर प्रतिकारशक्ती वाढण्यास मदत मिळते आणि यामुळे करोना तुमच्या आसपासदेखील फिरकणार नाही. तुम्ही तुळशीच्या पानांचा उपयोग नुसता चाऊनही करू शकता. 

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.