Beauty Tips : चेहऱ्यावर केळीची साल घासल्याने काय होते? अभिनेत्री भाग्यश्री पटवर्धनने सांगितले फायदे

Banana Peel On Face : चेहऱ्यावर नैसर्गिक चमक आणण्यासाठी अनेकजण महागड्या स्किनकेअर प्रोडक्ट्सऐवजी घरगुती उपायांचा आधार घेतात. अभिनेत्री भाग्यश्री पटवर्धननेही केळीच्या सालीचा एक सोपा उपाय शेअर केला आहे. पण हा उपाय त्वचेसाठी खरंच फायदेशीर आहे का? चला जाणून घेऊया.

• अभिनेत्री भाग्यश्रीने सोशल मीडियावर शेअर केला केळीच्या सालीचा स्किनकेअर उपाय.
• केळीच्या सालीतील अँटिऑक्सिडंट्स आणि इतर घटकांमुळे त्वचेला फायदा होतो.
• चेहऱ्याला केळीच्या सालीचा खरंच फायदा होता का?

आपल्या चेहऱ्यावर नैसर्गिक चमक आणण्यासाठी तसेच चेहऱ्यावरील हट्टी डाग दूर करण्यासाठी लोक अनेक घरगुती उपायांची किंवा स्कनिकेअर प्रोडक्ट्सची मदत घेत असतात. याच उपायांपैकी एक लोकप्रिय घरगुती आणि नैसर्गिक उपाय म्हणजे केळीच्या सालीचा वापर. होय, तुम्ही बरोबर ऐकलंत. केळीचा फक्त खाण्यासाठीच नाही तर तिच्या सालीचा चेहऱ्यावर देखील वापर करता येतो. अनेकजण केळीची साल फेकून न देता आपल्या चेहऱ्यावर ही साल घासतात. अलिकडेच बाॅलिवूड अभिनेत्री भाग्यश्री पटवर्धननेही याचे फायदे आपल्या सोशल मिडिया अकाऊंटवर शेअर केले आहेत.

Hair Care Tips: समोरुन टक्कल पडून हेअरलाईन मागे गेली आहे? केस विरळ होण्याची ‘ही’ आहेत कारण, दुर्लक्ष केल्यास केसांचे होईल नुकसान

अभिनेत्रीने शेअर केला केळीच्या सालीचा उपाय

आपल्या इंस्टाग्राम अकाऊंटवर व्हिडिओ शेअर करत भाग्यश्रीने केळीच्या सालीचा आपल्या चेहऱ्यावर कसा वापर करायचा आणि चेहऱ्याला नक्की कोणते फायदे होतात ते स्पष्ट केले. व्हिडिओमध्ये ती केळीच्या सालीला आपल्या चेहऱ्यावर हळूवारपणे घासताना दिसली. तिने सांगितले की, “केळे खाल्ल्यानंतर ते फेकून देण्याऐवजी चेहऱ्यावर लावा. यामुळे त्वचेला ओलावा मिळण्यास, डोळ्यांखालील काळी वर्तुळे कमी होण्यास, रंगत सुधारण्यास आणि सुरकुत्या कमी होण्यासही मदत होऊ शकते. त्यामुळे तुम्हीसुद्धा हा उपाय करून पाहू शकता.”

केळीच्या सालीने खरंच चेहऱ्याला फायदा होता का?

काही हेल्थ रिपोर्ट्सनुसार, केळीच्या सालीत अँटिऑक्सिडंट आणि अँटीमायक्रोबियल गुणधर्म असतात. यामध्ये फेनोलिक तत्व देखील भरपूर प्रमाणात आढळते. याशिवाय कॅरोटीनॉइड्स आणि पॉलिफेनॉलसारखे बायोॲक्टिव्ह घटकही याच मुबलक प्रमाणात आढळून येतात. हे सर्व घटक काही काळापर्यंत आपल्या त्वचेला फायदा मिळवून देऊ शकतात.

See more

ग्रीन टी की ब्लॅक कॉफी? वजन कमी करण्यासाठी कोणता पर्याय आहे सर्वात सर्वोत्तम?

रिपोर्ट्सनुसार, केळीची साल चेहऱ्यावर रगडल्याने त्वचा हलकी चमकायला लागते. डोळ्यांखाली जर तुम्हाला हलकी सूज जाणवत असेल तर केळीच्या सालीचा मसाज यासाठी फायद्याचा ठरेल. केळीची साल चेहऱ्यावर रगडल्याने काही प्रमाणात पिगमेंटशनचीही सुविधाही दूर होण्यास मदत होते. तथापि, प्रत्येकाची त्वचा वेगळी असते त्यावर उपायांचा परिणाम देखील काही प्रमाणात वेगळा दिसून येते. यामुळेच हा उपाय करण्याआधी आपल्या चेहऱ्यावर पॅच टेस्ट करायला विसरु नका. सुरुवातीला केळीची साल चेहऱ्यावर लावल्याने जर तुम्हाला जळजळ होत असेल किंवा चेहऱ्याला खाज सुटत असेल तर लगेच आपला चेहरा धुवा आणि हा उपाय वापरणे टाळा.