Kaju Masala: घरच्या घरी बनवा ढाबा स्टाइल काजू मसाला; चव अशी की सगळेच म्हणतील ‘वाह!’ रेसिपी नोट करा

Kaju Masala Recipe: जर तुम्हालाही रोजच्या भाज्या खाऊन कंटाळ आला, तर ही ढाबा स्टाईल काजू मसाला रेसिपी नक्की ट्राय करा.

• ढाबा स्टाइल काजू मसाला
• रेसिपी नोट करा
• काजू मसाला बनवताना लक्षात ठेवा या गोष्टी

रोजच्या जेवणात त्याच-त्याच भाज्या खाऊन कंटाळा आला आहे का? किंवा वीकेंडला कुटुंबासाठी काहीतरी खास, चटपटीत आणि रेस्टॉरंटसारखे बनवायचे असेल, तर ढाबा स्टाइल काजू मसाला नक्की ट्राय करा. काजूचा कुरकुरीतपणा, मसालेदार आणि क्रीमी ग्रेव्ही यामुळे ही भाजी जेवणाची रंगत वाढवते. विशेष म्हणजे ही रेसिपी बनवण्यासाठी फारसे साहित्यही लागत नाही. चला तर मग जाणून घेऊया घरच्या घरी ढाबा स्टाइल काजू मसाला बनवण्याची सोपी पद्धत.

Hair Care: केस होतील घनदाट, मजबूत आणि चमकदार? आहारात ‘या’ पदार्थांचा करा समावेश

काजू मसाल्यासाठी लागणारे साहित्य

• १ कप – काजू
• २ ते ३ टोमॅटो
• १ चमचा आले-लसूण पेस्ट
• १ ते २ हिरवी मिरची
• १८ ते २० काजू पावडर
• १ चमचा लाल तिखट
• ½ चमचा गरम मसाला
• १ चमचा कसुरी मेथी
• २ चमचे क्रीम
• तमालपत्र
• २ ते ३ चमचे लोणी किंवा तूप
• मीठ
• पाणी

अशी बनवा ढाबा स्टाइल काजू मसाला

सर्वप्रथम कढईत १ चमचा लोणी किंवा तूप गरम करा. यामध्ये काजू घालून मंद आचेवर हलके सोनेरी होईपर्यंत भाजून घ्या. काजू जळणार नाहीत याची काळजी घ्या. भाजलेले काजू प्लेटमध्ये काढून घ्या. त्याच कढईत थोडे लोणी घालून तमालपत्र आणि चिरलेले टोमॅटो परतून घ्या. टोमॅटो मऊ झाल्यानंतर त्याची बारीक प्युरी करून घ्या. आता कढईत लोणी गरम करून आले-लसूण पेस्ट परता. त्यात काजूची बारीक पावडर घालून काही वेळ मंद आचेवर भाजा. त्यानंतर टोमॅटो प्युरी, लाल तिखट, हिरवी मिरची आणि थोडे पाणी घाला. ग्रेव्हीला चांगली उकळी आल्यानंतर त्यात भाजलेले काजू आणि मीठ घालून मिक्स करा. काही मिनिटे शिजू द्या. त्यानंतर गरम मसाला, कसुरी मेथी आणि क्रीम घालून व्यवस्थित मिसळा. यानंतर, ग्रेव्हीला एक-दोन मिनिटे मंद आचेवर शिजू द्या आणि गॅस बंद करा. तयार आहे तुमचा स्वादिष्ट ढाबा स्टाइल काजू मसाला.

काजू मसाला बनवताना लक्षात ठेवा या गोष्टी

काजू नेहमी मंद आचेवर भाजा, त्यामुळे ते करपणार नाहीत.

ग्रेव्ही अधिक क्रीमी हवी असल्यास काजू पावडरचे प्रमाण थोडे वाढवू शकता.

क्रीम शेवटी घातल्यास ग्रेव्हीचा टेक्सचर अधिक छान राहतो.

ढाब्यासारखा स्वाद मिळवण्यासाठी सर्व मसाले घातल्यानंतर भाजी काही मिनिटे मंद आचेवर शिजू द्या.

ही भाजी नान, रोटी, तंदुरी रोटी, पराठा किंवा जीरा राईससोबत गरमागरम सर्व्ह करा.

Iodine Deficiency: आयोडीनची कमतरता ठरू शकते धोकादायक! शरीरावर होतात ‘हे’ गंभीर परिणाम