उन्हाळ्यात पचनक्रिया राहील कायमच सक्रिय! ५ मिनिटांमध्ये बनवा आंबट तिखट चवीचा लेमन राईस, नोट करून घ्या रेसिपी

उन्हाळाच्या दिवसांमध्ये पचनास हलके असलेले पदार्थ बनवावेत. आज आम्ही तुम्हाला सोप्या पद्धतीमध्ये दक्षिण भारतात बनवला जाणारा लेमन राईस बनवण्याची सोपी कृती सांगणार आहोत. चला तर जाणून घेऊया.

उन्हाळा ऋतूला सुरुवात झाल्यानंतर रोजच्या आहारात सहज पचन होणाऱ्या हलक्या पदार्थांचे सेवन केले जाते. तिखट, तेलकट पदार्थ खाल्ले जात नाही. त्यामुळे दुपारच्या जेवणात किंवा रात्रीच्या वेळी स्वयंपाक काय बनवावं सुचत नाही. म्हणूनच आज आम्ही तुम्हाला सोप्या पद्धतीमध्ये आंबट तिखट लेमन राईस बनवण्याची सोपी रेसिपी सांगणार आहोत. दक्षिण भारतात भाताचे विविध प्रकार बनवून खाल्लेले जातात. कमीत कमी साहित्य आणि कमी वेळात तयार होणारा पदार्थ खायला सगळ्यांचं खूप जास्त आवडतो. तामिळनाडूमध्ये एलुमिचाई साधम, कर्नाटक मध्ये चित्रान्न, तर आंध्र प्रदेश आणि तेलंगणा मध्ये निम्मकाया पुलिहोरा इत्यादी वेगवेगळ्या नावाने लेमन राईस ओळखला जातो. हा राईस तुम्ही दुपारच्या जेवणात, रात्रीच्या जेवणात किंवा लहान मुलांच्या डब्यासाठी सुद्धा बनवू शकता. कमी साहित्याचा वापर करून बनवलेले पदार्थ खायला आणि बनवायला सगळ्यांचं खूप जास्त आवडतात. तसेच उन्हाळ्याच्या दिवसांमध्ये लेमन राईस खाल्ल्यास पचनक्रिया चांगली राहील आणि शरीराला सुद्धा फायदे होतील. चला तर जाणून घेऊया लेमन राईस बनवण्याची सोपी रेसिपी.(फोटो सौजन्य – istock)

Recipe : शाही, सुगंधित चवीचा ‘बगारा राईस’ तुम्ही कधी खाल्ला आहे का? एकदा घरी बनवूनच पहा

साहित्य:

• शिजवलेला पांढरा भात
• लिंबू
• शेंगदाणे
• तेल
• चणाडाळ
• उडीद डाळ
• कढीपत्त्याची पाने
• काजू
• मोहरी
• हिरवी मिरची
• कोथिंबीर
• लाल सुकी मिरची

साऊथ इंडियन पदार्थाने वाढवा जिभेची चव! १० मिनिटांमध्ये झटपट बनवा वन पॉट रस्सम राईस, नोट करून घ्या रेसिपी

कृती:

• लेमन राईस बनवण्यासाठी सर्वप्रथम, कुकरमध्ये किंवा टोपात जास्त पाणी न घालता सुटसुटीत भात शिजवून घ्या.
• कढईमध्ये तेल गरम करून त्यात शेंगदाणे भाजून घ्या. त्यानंतर त्यात काजू टाकून लालसर होईपर्यंत भाजा. भाजलेले काजू आणि शेंगदाणे काढून घ्या.
• त्यानंतर गरम तेलात मोहरी, लाल सुक्या मिरच्या, कढीपत्त्याची पाने, उडीद डाळ, चणा डाळ आणि हिरव्या मिरच्या घालून व्यवस्थित मिक्स करा.
• त्यानंतर त्यात भाजलेले काजू आणि शेंगदाणे घालून मिक्स करा. फोडणी खमंग भाजल्यानंतर त्यात हळद घालून मिक्स करा.
• तयार केलेल्या फोडणीमध्ये भात टाकून व्यवस्थित मिक्स करा. त्यानंतर त्यात लिंबाचा रस, चवीनुसार मीठ आणि बारीक चिरून घेतलेली कोथिंबीर घालून मिक्स करून घ्या.
• तयार आहे सोप्या पद्धतीमध्ये बनवलेला आंबट तिखट चवीचा लेमन राईस.