पचनक्रिया राहील कायमच मजबूत आणि निरोगी! सकाळच्या नाश्त्यात बनवा चविष्ट मुळ्याचा पराठा, पोट होईल स्वच्छ

लहान मुलांपासून अगदी मोठ्यांपर्यंत अनेकांना मुळ्याची भाजी खायला अजिबात आवडत नाही. अशावेळी तुम्ही सोप्या पद्धतीमध्ये मुळ्याचा पराठा बनवू शकता. जाणून घ्या रेसिपी.

हिवाळ्यात बाजारात अनेक वेगवेगळ्या पालेभाज्या उपलब्ध असतात. पालेभाज्यांचे सेवन केल्यामुळे शरीराला भरमसाट फायदे होतात. दैनंदिन आहारात मुळ्याच्या भाजीचे सेवन करावे. मुळाच्या भाजी चवीला काहीशी तिखट असते. शरीराची बिघडलेली पचनक्रिया सुधारण्यासाठी मुळ्याच्या भाजीचे सेवन करावे. या भाजीमध्ये कॅल्शियम, मॅग्नेशियम, फोलेट, जीवनसत्त्व बी६,फॉस्फरस, अँटीऑक्सिडंट्स आणि भरपूर पाणी असते. पचनाच्या समस्यांनी त्रस्त असलेल्या लोकांनी आठवड्यातून दोनदा पालेभाज्यांचे किंवा मुळाच्या भाजीचे सेवन करावे. या भाजीच्या सेवनामुळे आतड्यांमध्ये साचून राहिलेली घाण बाहेर काढून टाकण्यासाठी मुळा अतिशय प्रभावी ठरतो. यामुळे शरीर स्वच्छ होते. आज आम्ही तुम्हाला सकाळच्या नाश्त्यासाठी मुळ्याचा पराठा बनवण्याची सोपी रेसिपी सांगणार आहोत. मुळ्याचा पराठा चवीला अतिशय सुंदर लागतो. घाईच्या वेळी तुम्ही झटपट मुळ्याच्या भाजीपासून पराठा बनवू शकता. मुळ्याच्या सेवनामुळे शरीर सुद्धा हायड्रेट राहते. चला तर जाणून घेऊया मुळ्याचा पराठा बनवण्याची सोपी रेसिपी.(फोटो सौजन्य – pinterest)

गोड पदार्थ खाण्याची इच्छा झाल्यास घरीच सोप्या पद्धतीमध्ये बनवा कॅफे-स्टाईल Chocolate Brownie, नोट करून घ्या रेसिपी

साहित्य:

• मुळा
• हिरवी मिरची
• तेल
• गव्हाचं पीठ
• लाल तिखट
• कोथिंबीर
• मीठ
• धणे पावडर
• जिरं पावडर
• हळद

सकाळच्या नाश्ता करा पौष्टिक आणि चविष्ट, यंदा घरी बनवून खा ‘पालक चिला’; अवघ्या 10 मिनिटांची रेसिपी

कृती:

• मुळ्याचा पराठा बनवण्यासाठी सर्वप्रथम, ताटात गव्हाचं पीठ घेऊन चवीनुसार मीठ आणि तेल घालून व्यवस्थित मिक्स करा.
• त्यानंतर त्यात आवश्यकतेनुसार पाणी घालून कणिक मळून घ्या.
• मोठ्या वाटीमध्ये किसून घेतलेला मुळा, लाल तिखट, चवीनुसार मीठ, हळद, धणे जिरं पावडर, बारीक चिरलेला कांदा, चाट मसाला घालून व्यवस्थित मिक्स करून घ्या.
• गव्हाच्या पिठाचे छोटे छोटे गोळे करून त्याची पारी तयार करा. त्यामध्ये मुळ्याचे मिश्रण भरून हलक्या हाताने पराठा लाटून घ्या.
• लाटून घेतलेला पराठा शेकवण्यासाठी तव्यावर टाकून दोन्ही बाजूने व्यवस्थित भाजल्यानंतर तूप लावून खरपूस करा.
• तयार आहे सोप्या पद्धतीमध्ये बनवलेला मुळ्याचा खमंग पराठा. हा पदार्थ दह्यासोबत किंवा सॉससोबत अतिशय सुंदर लागेल.