गोड पदार्थ खाण्याची इच्छा झाल्यास घरीच सोप्या पद्धतीमध्ये बनवा कॅफे-स्टाईल Chocolate Brownie, नोट करून घ्या रेसिपी

लहान मुलांपासून अगदी मोठ्यांपर्यंत सगळ्यांचं चॉकलेट खायला खूप आवडते. म्हणूनच आज आम्ही तुम्हाला चॉकलेट ब्राऊनी बनवण्याची सोपी रेसिपी सांगणार आहोत.

गोड पदार्थ खाण्याची इच्छा झाल्यास घरीच सोप्या पद्धतीमध्ये बनवा कॅफे-स्टाईल Chocolate Brownie

Follow Us:

Follow Us:

लहान मुलांपासून अगदी मोठ्यांपर्यंत सगळ्यांचं चॉकलेट खायला खूप जास्त आवडते. लहान मुलं कायमच चॉकलेटसाठी हट्ट करतात. कोणत्याही शुभ प्रसंगी किंवा ववाढदिवसानिमित्त घरात चॉकलेट, केक किंवा चॉकलेट ब्राऊनी विकत आणली जाते. यामुळे लहान मुलांसोबत घरातील इतर सदस्यांचा सुद्धा उत्साह वाढतो. तसेच गोड खाण्याची इच्छा झाल्यानंतर कायमच चॉकलेट विकत आणून खाल्ले जाते. पण आज आम्ही तुम्हाला सोप्या पद्धतीमध्ये कॅफे स्टाईल चॉकलेट ब्राऊनी बनवण्याची सोपी रेसिपी सांगणार आहोत. या पद्धतीने बनवलेली ब्राऊनी लहान मुलांसह घरातील सर्वच सदस्यांना खूप जास्त आवडेल. पण बऱ्याचदा कोणताही फेल्व्हरचा केक किंवा ब्राऊनी बनवताना काहींना काही गडबड होऊन जाते. ब्राऊनी बनवताना मऊपणा, चॉकलेटी चव आणि फिकट पोत व्यवस्थितबनवणे आव्हानात्मक असते. चला तर जाणून घेऊया चॉकलेट ब्राऊनी बनवण्याची सोपी रेसिपी.(फोटो सौजन्य – istock)

१० मिनिटांमध्ये साखरेचा वापर न करता झटपट बनवा मोरावळा, नियमित सेवन केल्यास शरीराची वाढेल रोगप्रतिकारशक्ती

साहित्य:

• मैदा
• साखर
• कोको पावडर
• चॉकलेट सिरप
• बेकिंग पावडर
• मीठ
• बटर
• दूध
• व्हॅनिला एसेन्स
• चॉकलेट चिप्स

कृती:

• चॉकलेट ब्राऊनी बनवण्यासाठी सर्वप्रथम, ओव्हन १८०°C ला गरम करून बेकिंग ट्रे ग्रीस करा. यामुळेल ब्राऊनी व्यवस्थित तयार होते.
• मोठ्या वाटीमध्ये मैदा, कोको पावडर, साखर, बेकिंग पावडर आणि मीठ चाळून घ्या. वाटीमधील पीठ व्यवस्थित मिक्स करा.
• त्यानंतर त्यात दूध, वितळलेले बटर आणि व्हॅनिला एसेन्स घालून व्हिस्कीने मिश्रण व्यवस्थित फेटून घ्या. ब्राऊनीच्या मिश्रणात अजिबात गुठळ्या ठेवू नये.
• तयार केलेल्या पिठात चॉकलेट चिप्स घालून व्यवस्थित मिक्स करून घ्या. त्यानंतर तयार केलेले मिश्रण ट्रेमध्ये ओतून २५ ते ३० मिनिटांपर्यंत बेक करा.
• ओव्हनमधून केक बाहेर काढल्यानंतर टुथपिकच्या मदतीने शिजला आहे की नाही याची खात्री करा.
• तयार केलेली ब्राऊनी ताटात काढून तिचे मध्यम आकाराचे तुकडे करा आणि वरून वितळवून घेतलेले चॉकलेट आणि चॉकलेट चिप्स घालून सर्व्ह करा.
• तयार आहे सोप्या पद्धतीमध्ये बनवलेली चॉकलेट ब्राऊनी. ब्राऊनी तुम्ही गरम करून सुद्धा खाऊ शकता.

Web Title: How to make chocolate brownie at home simple food recipe chocolate brownie

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com