शनिवार, 7 नोव्हेंबर 2026
मासिक पाळी येण्याच्या आधी शरीरात दिसून येणाऱ्या 'या' लक्षणांकडे अजिबात करू नका दुर्लक्ष, PCOS चा होईल भयंकर त्रास
मासिक पाळीच्या दिवसांमध्ये उद्भवणाऱ्या समस्या?
पीसीओएस म्हणजे काय?
पीसीओएस झाल्यानंतर कोणती लक्षणे दिसून येतात?
प्रत्येक महिन्यातील चार किंवा पाच दिवस सर्वच महिलांना मासिक पाळी येते. मासिक पाळीच्या दिवसांमध्ये शारीरिक आणि मानसिक समस्या मोठ्या प्रमाणावर उद्भवू लागतात. कंबर दुखणे, ओटीपोटात वाढलेल्या वेदना, सतत उलट्या, मळमळ इत्यादी अनेक समस्या मासिक पाळीच्या दिवसांमध्ये उद्भवतात. याशिवाय सर्वच महिलांमध्ये दिसून येणारी अतिशय सामान्य समस्या म्हणजे पॉलीसिस्टिक ओव्हरी सिंड्रोम. शरीरात होणाऱ्या हार्मोनल बदलनामुळे पीसीओएस होण्याची शक्यता असते. पीसीओएसची समस्या उद्भवल्यानंतर अनियमित मासिक पाळी, वंध्यत्व, वजन वाढणे, चेहऱ्यावर मुरुमे आणि चेहऱ्यावर नको असलेले केस इत्यादी अनेक गंभीर लक्षणे दिसू लागतात. ही समस्या प्रामुख्याने २० ते ४० वयोगटातील स्त्रियांमध्ये दिसून येते. पीसीओएस झाल्यानंतर गर्भधारणेत अनेक अडथळे निर्माण होतात. (फोटो सौजन्य – istock)
पीसीओएसची लक्षणे मासिक पाळी आल्यानंतर आणि मासिक पाळी येण्याच्या आधी शरीरात दिसू लागतात. बऱ्याचदा कामाच्या धावपळीमध्ये महिला स्वतःच्या आरोग्याची व्यवस्थित काळजी घेत नाहीत. शरीरात दिसून येणाऱ्या गंभीर लक्षणांकडे कायमच दुर्लक्ष केले जाते. मात्र असे न करता वेळीच उपचार करून शरीराची योग्य काळजी घ्यावी. तरुण वयात मासिक पाळीसंबंधित दिसून येणाऱ्या लक्षणांकडे दुर्लक्ष न करता योग्य उपचार करणे आवश्यक आहे. आज आम्ही तुम्हाला मासिक पाळी येण्याआधी पीसीओएसची कोणती लक्षणे शरीरात दिसू लागतात, याबद्दल सविस्तर माहिती सांगणार आहोत. या लक्षणांकडे दुर्लक्ष केल्यास गर्भधारणेत अनेक अडथळे निर्माण होतील.
काहींमध्ये वेळे आधीच तारुण्याची लक्षणे दिसू लागतात. ही पीसीओएसची सुरुवात होण्याआधीची लक्षणे असतात. ज्यामध्ये ८ वर्ष होण्याच्या आधी काखेत किंवा नाजूक अवयवांवर केस येणे इत्यादी समस्या उद्भवल्यास भविष्यात पीसीओएस होण्याचा धोका जास्त निर्माण होतो.पोटावर वाढलेला चरबीचा घेर, लठ्ठपणा हे भविष्यात पीसीओएस होण्याचे महत्वपूर्ण कारण आहे. त्यामुळे लहान वयात योग्य आहार, भरपूर पाण्याचे सेवन आणि व्यायाम करणे आवश्यक आहे. यामुळे तुम्ही कायमच हेल्दी आणि फिट राहाल.
पीसीओएस झाल्यानंतर शरीराच्या कोणत्याही अवयवावर नको असलेले केस वाढू लागतात. मुलींच्या छातीवर, चेहऱ्यावर किंवा ओठांच्या वरच्या भागात केस वाढू लागतात. ज्यामुळे काहीवेळा महिलांचा आत्मविश्स्वास काहीसा कमी होऊन जातो. पुरुषांमध्ये आढळणाऱ्या एण्ड्रोजन नावाच्या संप्रेरकाच्या पातळीतील असंतुलनामुळे आरोग्यासंबंधित बऱ्याच समस्या उद्भवू लागतात.
हार्मोनल असंतुलन झाल्यामुळे त्वचा आणि त्वचेसंबंधित बऱ्याच समस्या उद्भवू लागतात. सुरुवातीच्या दिवसांमध्ये वारंवार मुरुमे किंवा पुरळ येणे, त्वचेला वारंवार तेल सुटणे, मानेवर, काखेत किंवा त्वचेच्या इतर वळ्यांमध्ये त्वचा काळवंडणे किंवा काळे डाग दिसणे इत्यादी अनेक लक्षणे दिसू लागल्यास वेळीच डॉक्टरांच्या सल्ल्याने उपचार करणे आवश्यक आहे. यामुळे भविष्यात होणारा गर्भधारणेचा धोका टाळता येतो.
Ans: प्रजनन वयातील स्त्रियांमध्ये आढळणारी एक सामान्य हार्मोनल समस्या आहे.
Ans: चेहरा, छाती आणि पोटावर केसांची वाढ होणे
Ans: शरीरातील पेशी इन्सुलिनला योग्य प्रतिसाद देत नाहीत, ज्यामुळे इन्सुलिनची पातळी वाढते.
