उन्हाळ्यात शहाळ्यातून थेट पाणी प्यायल्यास शरीरसंबंधित उद्भवतील गंभीर समस्या, श्वसनाच्या आजारांचा वाढेल धोका

उन्हाळा ऋतूला सुरुवात झाल्यानंतर नारळ पाणी आवर्जून प्यायले जाते. पण शहाळ्यातून थेट पाणी प्यायल्यास शरीरसंबंधित गंभीर समस्या उद्भवण्याची शक्यता असते. त्यामुळे नारळ पाणी योग्य पद्धतीने प्यावे.

उन्हाळ्याला सुरूवात झाली आहे. वातावरणात उष्णतेचे प्रमाण वाढले आहे. या दिवसात शरीराला नैसर्गिक गारवा मिळण्यासाठी अनेकजण शहाळ्यातील ताजे-मधूर आणि थंड पाणी पिण्याला प्राधाण्य देतात. शरीरात वाढलेली उष्णता कमी करण्यासाठी वेगवेगळ्या पेयांचे सेवन केले जाते. ताक, दही, लस्सी, फळांचा रस इत्यादी पेय आवडीने प्यायली जातात. थंड पेयांच्या सेवनामुळे पोटात वाढलेली उष्णता कमी होण्यास मदत होते. पण शहाळ्याचे पाणी शरीरासाठी उत्तम आहे पण काळजी न घेता हे पाणी पिणे आरोग्यासाठी नुकसानकारक ठरू शकते. शिळे झालेले नारळ पाणी अजिबात पिऊ नये. यामुळे मेंदूसंबंधित आजारांचा धोका वाढतो आणि आरोग्य बिघडून जाते. चला तर जाणून घेऊया शहाळ्यातून थेट पाणी प्यायल्यास शरीराचे होणारे नुकसान.(फोटो सौजन्य – istock)

अंड्याचे सेवन केल्यास शरीरात कोलेस्ट्रॉल वाढते का? जाणून घ्या अंडी खाण्याची योग्य पद्धत आणि फायदे

नारळपाणी पचन सुधारण्यास मदत करते, लघवीचे प्रमाण नियंत्रित ठेवते आणि शरीराला हायड्रेट ठेवते. तसेच ते शरीराला त्वरित ऊर्जा देण्याचे काम करते, पोटॅशियम, कॅल्शियम, मॅगनीज, अँटीऑक्सिडंट्स, अमिनो अॅवसिह आणि साइटोकिनिन्ससारख्या खनिजे व इलेक्ट्रोलाइट्सने भरलेले नारळपाणी आरोग्यासाठी अत्यंत फायदेशीर मानले जाते.

मात्र नारळाच्या आतमध्ये सहजपणे बुरशी (फंगस) तयार होऊ शकते. बुरशी ही सेंद्रिय पदार्थांवर वाढणारी सूक्ष्म जीव आहे. जी ओलसर किंवा दमट वातावरणात पृष्ठभागावर केसासारखी किवा चिकट स्वरूपात दिसू शकते. यामुळे नारळ खराब होतो आणि त्याची चव व पीत बदलते.

काही खाद्यपदार्थांमध्ये काही प्रकारची बुरशी सुरक्षित असते, परंतु अनेक वेळा ती गंभीर अॅलर्जी, श्वास घेण्यास त्रास आणि कधी-कधी मायकोटॉक्सिन्समुळे जीवघेणे परिणाम देखील करू शकते. त्यामुळे नारळपाणी पिण्यापूर्वी ते सुरक्षित आहे का, हे तपासणे महत्त्वाचे आहे.

बऱ्याचवेळा नारळ फोडल्यानंर आतील खोबरे हे खराब झाल्याचे दिसून येते. तसेच पाण्यालाही कुबट वास येत आल्याचे आपण पाहिले असेल. मात्र शहाळ्याबाबतीतही असे काही होउ शकते का याची तपासणी करूनच ते पाणी पिणे आवश्यक आहे.

Coronavirus News : जगावर पुन्हा कोरोनाचं नवं संकट? ‘सिकाडा’ व्हेरिएंटचा ‘या’ देशात वेगाने प्रसार, काय आहेत लक्षणे आणि उपाय?

विक्रेत्यांकडून शहाळे स्ट्रॉ टाकण्यापुरतेच उघडले जाते. त्यात स्ट्रॉ टाकून पाणी पिण्याला प्राधाण्य दिले जाते. तर काही ठिकाणी शहाळ्यातील पाणी ग्लासमध्ये काढून ते पॅक करून दिले जाते. बाहेर काढलेले पाणी दिसते.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.