Fatal Roller Coaster Accident: थरारक राईड ठरली जीवघेणी! अमेरिकेतील थीम पार्कमध्ये Roller Coasterवरून पडून एकाचा मृत्यू

अमेरिकेतील जॉर्जिया राज्यातील सिक्स फ्लॅग्ज ओव्हर जॉर्जिया या अम्युझमेंट पार्कमध्ये रोलर कोस्टरचा भीषण अपघात झाला. राईड सुरू असताना एक व्यक्ती डब्यातून बाहेर फेकली गेली आणि तिचा जागीच मृत्यू झाला. या घटनेत काही लोक जखमी झाल्याचे वृत्तात नमूद आहे.

अमेरिकेत एक अतिशय भयानक घटना घडली आहे. जॉर्जियामधील प्रसिद्ध सिक्स फ्लॅग्ज ओव्हर जॉर्जिया या अम्युझमेंट पार्कमध्ये रोलर कोस्टरचा अपघात झाला. राईड सुरू असताना एक व्यक्ती डब्यातून बाहेर फेकली गेली आणि जागीच तिचा मृत्यू झाला. या घटनेत काही लोक जखमी पण झाले आहेत. त्यामुळे संपूर्ण पार्कमध्ये घबराट पसरली आहे.

डोळ्यासमोर घडला थरार

या घटनेचे प्रत्यक्षदर्शींनी जे सांगितले ते ऐकून अंगावर काटा येतो. स्थानिक न्यूज चॅनल 11alive ला त्यांनी माहिती दिली. त्यांच्या सांगण्यानुसार, रोलर कोस्टर वेगात असतानाच ती व्यक्ती डब्याच्या बाहेर फेकली गेली.एकाने सांगितले की, तो खाली पडत असताना तीन वेळा रोलर कोस्टरच्या डब्याला धडकला. त्याचे शरीर दुसऱ्या प्रवाशांना पण लागले. शेवटी तो हॉन्टेड हाऊसच्या छतावर जाऊन पडला. राईडचा फोटो काढला जात असताना हा सगळा प्रकार कॅमेऱ्यात कैद झाला आहे.एक महिला म्हणाली, आधी आम्ही सगळे मजा करत होतो, ओरडत होतो. पण क्षणात सगळे बदलले. मजा करणाऱ्या किंकाळ्या घाबरलेल्या किंकाळ्यांमध्ये बदलल्या. Fatal Roller Coaster Accident:

राईड मध्येच अडकली

अपघात झाल्यावर रोलर कोस्टर एका चढावरच अडकून राहिले. त्यामुळे मागच्या डब्यातले प्रवासी वरच अडकले. एक व्हिडिओ समोर आला आहे त्यात सुरक्षा कर्मचारी शिडी लावून प्रवाशांना खाली उतरवताना दिसत आहेत. ज्या डब्यात अपघात झाला त्याच्या लगेच मागच्या डब्यात हे प्रवासी होते.सांगितले जात आहे की, मृत व्यक्ती त्याच्या मुलासोबत राईडवर बसला होता. त्याची बायको आणि मुलगी खाली उभ्या राहून हे सगळे पाहत होत्या. त्यांच्यासमोरच हा अपघात घडला.

अपघात कशामुळे झाला?

हा अपघात नेमका कशामुळे झाला हे अजून कळलेले नाही. सीट बेल्टचा प्रॉब्लेम होता की टेक्निकल बिघाड होता, याचा तपास सुरू आहे. याचा तपास गंभीर अपराध शाखेचे अधिकारी करत आहेत

2026 Nobel Prize in Economics: अर्थशास्त्रातील नोबेलवर अमेरिकेची मोहोर! ‘या’ दोन दिग्गज अर्थतज्ज्ञांच्या नावांची घोषणा

पार्क प्रशासनाने काय सांगितले?

अपघातानंतर लगेचच संपूर्ण पार्क बंद करण्यात आले. सिक्स फ्लॅग्ज प्रशासनाने सांगितले की, घटना घडताच आमच्या कर्मचाऱ्यांनी आणि स्थानिक पोलिसांनी लगेच मदत सुरू केली. आम्ही तपासाला पूर्ण सहकार्य करत आहोत.मृत व्यक्तीच्या कुटुंबाला या घटनेची माहिती देण्यात आली आहे. कॉब काउंटीच्या कमिशनर चेअरपर्सन लिसा क्यूपिड म्हणाल्या, या पार्कने अनेक पिढ्यांना आनंदाच्या आठवणी दिल्या आहेत.

Robot Misbehavior In Germany: धक्कादायक! तरुणीच्या मागून आला अन् करू लागला आक्षेपार्ह चाळे; रोबो पोलिसांच्या ताब्यात

ज्या ठिकाणी लोक मजा करायला येतात तिथेच अशी दुर्घटना घडावी हे खूपच वेदनादायक आहे. ज्या लोकांनी हा प्रसंग डोळ्यांनी पाहिला त्यांना किती त्रास झाला असेल याची कल्पनाही करता येत नाही. आम्ही सगळेच या घटनेने हादरलो आहोत.दरम्यान, या अपघातामुळे अमेरिकेतील इतर अम्युझमेंट पार्कच्या सुरक्षेवर पण प्रश्न उपस्थित होत आहेत.