Hair Care Tips: सुंदर चमकदार केसांसाठी घरीच तयार करा हेअर स्पा क्रीम, ‘अशा’ पद्धतीने करा वापर

सांचे सौंदर्य आणखीन वाढण्यासाठी बऱ्याच महिला बाजारात मिळणारे महागडे आणि केमिकल युक्त प्रॉडक्टचा वापर करतात. यामुळे केसांना काही काळापुरते फायदे होतात. पण हळूहळू केस निस्तेज आणि कोरडे दिसू लागतात.त्यामुळे घरगुती पदार्थ वापरून तयार केलेला हेअर स्पा नक्की वापरून पाहा.

हेअर केअर टिप्स

Follow Us:

Follow Us:

बदलत्या ऋतूनुसार हवामानात देखील बदल होत असतात. त्यामुळे आपल्या स्किन केअर आणि हेअर केअर रुटीनमध्ये बदल करून योग्य त्या वस्तू वापरल्या पाहिजेत. सर्वच महिलांना आपले केस लांब आणि घनदाट हवे असतात. महिलांचे लांबसडक केस त्यांच्या सौंदर्यमध्ये भर पाडतात. केसांचे सौंदर्य आणखीन वाढण्यासाठी बऱ्याच महिला बाजारात मिळणारे महागडे आणि केमिकल युक्त प्रॉडक्टचा वापर करतात. यामुळे केसांना काही काळापुरते फायदे होतात. पण हळूहळू केस निस्तेज आणि कोरडे दिसू लागतात. केस गळणे, कोंडा होणे, सतत टाळूवर खाज येणे अशा अनेक समस्या वाढत जातात.

काही महिलांना कामातून पार्लरमध्ये जाण्यासाठी वेळ मिळत नाही, तर काही महिला पैसे वाचण्यासाठी पार्लरमध्ये जात नाहीत. पण पार्लरला न जाता घरच्या घरी १० रुपयांमध्ये हेअर स्पा कसा करायचा? हेअर स्पा केल्याने केसांना नेमके काय फायदे होतात? याबद्दल सविस्तर माहिती सांगणार आहोत. हेअर स्पा केल्यानंतर केस मऊ आणि सिल्की होतात. केसातील कोंडा कमी होऊन केसांची वाढ होऊ लागते.(फोटो सौजन्य: istock)

हेअर स्पा क्रीम बनवण्यासाठी लागणारे साहित्य:

• कोरफड जेल
• अंड
• दही
• एरंडेल तेल

कृती:

• हेअर स्पा क्रीम तयार करण्यासाठी मिक्सरच्या भांड्यात कोरफड जेल टाकून व्यवस्थित ब्लेंड करून घ्या. त्यानंतर त्यात दोन चमचे दही टाकून पुन्हा एकदा ब्लेंड करा.
• या मिश्रणाला क्रीम टेक्श्चर आल्यानंतर त्यात अंड आणि एकरंडेल तेल टाकून पुन्हा एकदा व्यवस्थित मिक्स करा.
• मिश्रण क्रिमी झाल्यानंतर एका भांड्यात काढून घ्या.तयार पेस्ट गाळणीच्यास सहाय्याने गाळून घ्या.

हेअर स्पा क्रीम लावण्याची पद्धत:

• हेअर स्पा क्रीम तयार झाल्यानंतर रात्री झोपण्याआधी केसांना व्यवस्थित तेल लावून घ्या.
• त्यानंतर सकाळी उठल्यावर केसांचे दोन भाग करून हेअर स्पा क्रीम केसांना व्यवस्थित लावा.
• केसांच्या मुळांपासून ते टोकांपर्यंत सगळीकडे क्रीम लावून घ्या.
• १ तासभर ठेवल्यानंतर केस शॅम्पूचा वापर करून स्वच्छ धुवून घ्या.
• हा उपाय तुम्ही आठवड्यातून एकदा किंवा दोनदा कमी शकता.

हेअर स्पा करण्याचे फायदे:

• हेअर स्पा करण्यासाठी घरीच हेअर स्पा क्रीम तयार करा. नैसर्गिक पदार्थांचा वापर करून तयार केलेली क्रीम केसांच्या आरोग्यासाठी फायदेशीर आहे.
• या क्रीममुळे केस मऊ आणि चमकदार होतात.
• आठवड्यातून दोनदा हेअर स्पा केल्याने केस मजबूत होऊन केसांची वाढ चांगली होईल.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.

Web Title: Easy way to make hair spa cream at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com