रक्तातील घाण कोलेस्ट्रॉलमुळे बंद झालेल्या नसा पुन्हा खुल्या करण्यासाठी आहारात करा ‘या’ पदार्थांचे सेवन

शरीरामध्ये कोलेस्ट्रॉलची पातळी वाढू लागल्यानंतर आरोग्यासंबंधित अनेक समस्या उद्भवण्यास सुरुवात होते. यामुळे हृदयविकार आणि रक्तवाहिन्यांसंबंधित समस्या उद्भवू शकतात. त्यामुळे शरीरात वाढलेल्या खराब कोलेस्ट्रॉलची पातळी नियंत्रणात ठेवण्यासाठी आहारात कोणत्या पदार्थांचे सेवन करावे, जाणून घेऊया . हे पदार्थ खाल्यामुळे कोलेस्ट्रॉल नियंत्रणात राहते आणि शरीराला हानी पोहचत नाही.

धावपळीच्या जीवनात सतत खाण्यापिण्याच्या सवयींमध्ये बदल होत असतात. नेहमी बाहेरचे तेलकट किंवा तिखट पदार्थ खाल्यामुळे आरोग्य बिघण्याची शक्यता असते. जास्त तेलकट पदार्थ खाल्यामुळे कोलेस्ट्रॉल वाढण्याची शक्यता असते. शरीरात वाढलेले कोलेस्ट्रॉल विषासमान आहे. यामुळे आरोग्यासंबंधित अनेक गंभीर समस्या उद्भवण्याची शक्यता असते. शरीरात कोलेस्ट्रॉलची पातळी वाढल्यानंतर रक्तवाहिन्यासंबंधित आणि हृदयविकाराचा धोका वाढतो. रक्तवाहिन्यांमध्ये कोलेस्ट्रॉल जमा झाल्यानंतर पिवळ्या रंगाचा चिकट थर तयार होतो. हा थर तयार झाल्यानंतर रक्तवाहिन्या बंद होऊन जातात. त्यामुळे आज आम्ही तुम्हाला रक्तवाहिन्यांमधील खराब कोलेस्ट्रॉल काढून टाकण्यासाठी आहारात कोणत्या पदार्थांचे सेवन करावे, याबद्दल सांगणार आहोत. हे पदार्थ खाल्यास कोलेस्ट्रॉल नियंत्रणात राहील.(फोटो सौजन्य-istock)

शरीरातील खराब कोलेस्ट्रॉल काढून टाकण्यासाठी या पदार्थांचे करा सेवन:

ओट्स:

ओट्स मध्ये भरपूर प्रमाणात फायबर आढळून येते. त्यामुळे तुम्ही सकाळच्या नाश्त्यात किंवा संध्याकाळच्या जेवणात सुद्धा ओट्स खाऊ शकता. ओट्स शरीरातील खराब कोलेस्ट्रॉल खेचून घेण्याचे काम करतात. तसेच यामध्ये असलेल्या बीटा-ग्लुकान या घटकामुळे कोलेस्ट्रॉलची पातळी नियंत्रणात राहते. कोलेस्ट्रॉल कमी झाल्यामुळे हृदयविकाराचा धोका टळतो.

हे देखील वाचा: सतत अंजीर खाणे ‘या’ व्यक्तींसाठी ठरेल घातक, उद्भवतील आरोग्यासंबंधित गंभीर समस्या

भेंडी:

आपल्यातील अनेकांना भेंडीची भाजी खायला आवडत नाही. पण भेंडीच्या भाजीमध्ये अनेक पोषक घटक आढळून येतात. यामध्ये असलेले फायबर शरीरातील कोलेस्ट्रॉल खेचून घेते, ज्यामुळे बंद झालेल्या रक्तवाहिन्या खुल्या होतात. भेंडीची भाजी खाल्ल्यामुळे पचनक्रिया सुधारण्यास मदत होते. त्यामुळे रोजच्या आहारात भेंडीच्या भाजीचा समावेश करा.

जवस:

जवसाच्या बियांमध्ये ओमेगा-३ फॅटी असिड आढळून येते, ज्यामुळे हृदयाचे आरोग्य निरोगी राहते. शरीरात वाढलेली खराब कोलेस्ट्रॉलची पातळी कमी करण्यासाठी सकाळी उठल्यानंतर एक चमचा जवसाच्या बियांचे सेवन करावे. जवसाच्या बियांमध्ये फायबर सुद्धा असते. या बियांचे नियमित सेवन केल्यास कोलेस्ट्रॉल नियंत्रणात राहते.

हे देखील वाचा: विटामीन डी ची कमतरता भरून काढण्यासाठी सूर्यप्रकाशाव्यतिरिक्त ‘या’ फळांचे करा सेवन

सूर्यफुलाच्या बिया:

लहान मुलांपासून मोठ्यांपर्यंत सगळ्यांचं सूर्यफुलाच्या बिया आवडतात. सुर्यफूलच्या बियांमध्ये अँटीऑक्सिडंट्स आणि फॅटी असिड आढळून येते, ज्यामुळे खराब कोलेस्ट्रॉल कमी होऊन आरोग्य सुधारते. सूर्यफुलाच्या बियांचे नियमित सेवन केल्यास कोलेस्ट्रॉलची पातळी नियंत्रणात राहण्यास मदत होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.