रक्तातील वाईट कोलेस्ट्रॉल खेचून काढेल जवसाची चटणी, नोट करून घ्या अत्यंत पौष्टिक चवीचा पदार्थ

रक्तात साचून राहिलेले खराब कोलेस्ट्रॉल बाहेर काढून टाकण्यासाठी रोजच्या आहारात जवस आणि लसूण चटणीचे सेवन करावे. यामुळे शरीराला भरपूर फायदे होतात आणि आरोग्य सुधारते.

रोजच्या आहारात सतत तिखट आणि मसालेदार पदार्थांचे अतिसेवन केल्यामुळे रक्तात वाईट कोलेस्ट्रॉल साचून राहण्याची शक्यता असते. रक्तात जमा झालेला कोलेस्ट्रॉलचा चिकट थर हृदयाचे आरोग्य पूर्णपणे खराब करून टाकतो. त्यामुळे रोजच्या आहारात सहज पचन होणाऱ्या आणि पौष्टिक पदार्थांचे सेवन करावे. आज आम्ही तुम्हाला सोप्या पद्धतीमध्ये लसूण जवस चटणी बनवण्याची सोपी रेसिपी सांगणार आहोत. ग्रामीण भागातील सर्वच घरामध्ये जवस चटणी हा पदार्थ कायमच पाहायला मिळेल. जवसामध्ये ओमेगा-३ फॅटी अ‍ॅसिड्स, फायबर, लिग्नॅन्स आणि अँटी ऑक्सिडंट्स मोठ्या प्रमाणावर आढळून येतात. ज्यामुळे हृदयाचे आरोग्य सुधारते. रक्तात जमा झालेले वाईट कोलेस्ट्रॉल नष्ट करण्यासाठी जवस चटणी खाण्याचा सल्ला दिला जातो. जवस खाल्ल्यामुळे पचनक्रिया मजबूत राहते. पचनाच्या कोणत्याही समस्यांपासून आराम मिळवण्यासाठी जवस लसूण चटणी खावी. चला तर जाणून घेऊया रेसिपी.(फोटो सौजन्य – pinterest)

Recipe : पश्चिम बंगालमधील फेमस पदार्थ, मसालेदार अन् कुरकुरीत असा ‘आलू चॉप’ तुम्ही कधी खाल्ला आहे का?

साहित्य:

• जवस
• लसूण
• कढीपत्ता
• मीठ
• जिरं
• चणे
• लाल तिखट
• हळद
• तेल

तोंडाच्या दुर्गंधीपासून सुटका मिळवण्यासाठी सोप्या पद्धतीमध्ये घरीच तयार करा मुखवास, शरीराला होतील आरोग्यदायी फायदे

कृती:

• लसूण जवस चटणी बनवण्यासाठी सर्वप्रथम, लसूण स्वच्छ सोलून घ्या. तवा गरम करून त्यावर लसूण पाकळ्या खमंग भाजा.
• त्यानंतर जिरं, कढीपत्ता आणि चणे तव्यावर हलकेसे गरम करून घ्या. यामुळे चटणी लवकर खराब होत नाही.
• गरम तव्यावर जवस सुद्धा भाजून घ्यावेत. भाजलेले जवस चवीला अतिशय कुरकुरीत लागतात. भाजून घेतलेले सर्व साहित्य थंड होण्यासाठी ठेवा.
• मिक्सरच्या भांड्यात भाजून घेतलेले सर्व साहित्य, लाल तिखट, हळद आणि चवीनुसार मीठ घालून चटणी वाटून घ्या.
• चटणी वाटून झाल्यानंतर तव्यावर तेल गरम करून त्यावर चटणी टाकून हलकीशी लाल होईपर्यंत भाजा.
• थंड झाल्यानंतर काचेच्या डब्यात भरून ठेवा. तयार आहे सोप्या पद्धतीमध्ये बनवलेली लसूण जवस चटणी.