गुरुपौर्णिमा: नैवेद्याचा शिरा बनवताना गुठळ्या होऊ नये म्हणून फॉलो करा ‘या’ सोप्या ट्रिप्स, जिभेवर रेंगाळत राहील चव

बऱ्याचदा घरी शिरा बनवताना रव्याच्या गुठळ्या होतात, ज्यामुळे शिऱ्याची चव पूर्णपणे बिघडून जाते.म्हणूनच आज आम्ही तुम्हाला सोप्या पद्धतीमध्ये शिरा बनवण्याची रेसिपी सांगणार आहोत.या टिप्स फॉलो करून शिरा बनवल्यास चव सुंदर लागेल

संपूर्ण राज्यभरात 10 जूनला मोठ्या आनंदात आणि उत्साहात गुरुपौर्णिमा साजरा केली जाणार आहे. गुरुपौर्णिमेच्या दिवशी गुरूंची पूजा केली जाते. प्रत्येक व्यक्तीच्या आयुष्यात गुरु हा असतोच. गुरूंच्या मार्गदर्शनामुळे नव्याने जीवन जगण्याचा उत्साह मिळतो. गुरुपौर्णिमा म्हणजे गुरु- शिष्य परंपरेचे महत्त्व अधोरेखित करणारा महत्वाचा दिवस. तसेच यादिवशी देवाची पूजा करून घरात गोडाचे पदार्थ बनवले जातात. नैवेद्यासाठी बऱ्याच घरांमध्ये शिरा बनवला जातो. पण शिरा बनताना रव्याच्या गुठळ्या होतात आणि शिऱ्याची चव पूर्णपणे खराब होऊन जाते. शिरा बनवताना चूक झाल्यास संपूर्ण शिऱ्याची चवच बिघडून जाते. म्हणूनच आज आम्ही तुम्हाला गुरुपौर्णिमेनिमित्त नैवेद्याचा शिरा बनवताना कोणत्या टिप्स फॉलो कराव्यात? याबद्दल सविस्तर माहिती सांगणार आहोत. या पद्धतीने बनवलेला शिरा घरातील सगळ्यांचं खूप जास्त आवडेल. तसेच शिऱ्याची चव सुद्धा सुंदर लागेल.(फोटो सौजन्य – pintrest)

शाळेचा डब्बा होईल आणखीनच स्पेशल! १० मिनिटांमध्ये सोप्या पद्धतीत बनवा गरमागरम देसी बर्गर, नोट करा रेसिपी

साहित्य:

• रवा
• वेलची पावडर
• साखर
• काजू बदाम तुकडे
• दूध
• केशर काड्या
• साजूक तूप

कोकणातील पारंपरिक पदार्थ! दुपारच्या जेवणात झटपट बनवा ‘वालाची आमटी’, नोट करून घ्या रेसिपी

कृती:

• नैवेद्यसाठी शिरा बनवताना सर्वप्रथम, कढईमध्ये तूप गरम करण्यासाठी ठेवा. तूप व्यवस्थित गरम झाल्यानंतर त्यात रवा टाकून गॅस मंद आचेवर ठेवून व्यवस्थित भाजून घ्या.
• तुपात रवा खमंग लालसर भाजल्यानंतर तयार उकळवून घेतलेले दूध घालून मिक्स करा. रव्यात दूध टाकल्यानंतर चमच्याने सतत मिक्स करत राहा. यामुळे रव्याच्या गुठळ्या होणार नाही. शिरा व्यवस्थित होईल.
• दूध आटल्यानंतर तयार आवडीनुसार साखर घालून व्यवस्थित मिक्स करा. साखर पूर्णपणे वितळल्यानंतर त्यात इतर पदार्थ टाकावेत.
• साखर रव्यात मिक्स झाल्यानंतर त्यात तुपात भाजून घेतलेले काजू बदाम, वेलची पावडर, जायफळ पावडर घालून मिक्स करा.
• सगळ्यात शेवटी केशरच्या काड्या टाकून तयार केलेले दूध टाकून मिक्स करून घ्या.
• तयार आहे सोप्या पद्धतीमध्ये बनवलेला साजूक तुपातील खमंग शिरा.