हिवाळा स्पेशल घरी बनवा चमचमीत मिक्स भाजी, झटपट रेसिपी नोट करा

हिवाळ्यात बाजारात अनेक प्रकारच्या भाज्या येत असतात. या हंगामी भाज्या आपल्या आरोग्यासाठी फार फायद्याच्या ठरतात. यांपासून तुम्ही मिक्स भाजी तयार करू शकता. चला तर मग जाणून घ्या याची रेसिपी.

हिवाळा ऋतू अखेर सुरु झाला आहे. या ऋतूत बाजारात अनेक वेगवगेळ्या प्रकारच्या भाज्या विक्रीसाठी येत असतात. त्यामुळे या मोसमात लोक मोठ्या प्रमाणात भाज्यांचे सेवन करतात. हंगामी भाज्या या आपल्या आरोग्यासाठी फार फायद्याच्या ठरत असतात. त्यांचे सेवन हे आवर्जून करायला हवे, कारण यातील बऱ्याच भाज्या या इतर ऋतूत बाजारात येत नाहीत. हिवाळ्यात फार स्वस्त दरात अनेक भाज्या विक्रीसाठी येत असतात. अशात तुम्ही या संधीचा फायदा घेत घरीच या भाज्यांपासून एक मिक्स भाजी बनवू शकता.

आता हे तर अनेकांना माहिती आहे की भाज्या आपल्या आरोग्यसाठी कितीतरी पटीने फायद्याच्या ठरत असतात. यामध्ये अनेक पोषक घटक आढळले जातात जे आपल्या आरोग्याला निरोगी ठेवण्याचे कार्य करत असते. आजची मिक्स भाज्यांची रेसिपी बनवायला फार सोपी आणि सहज आहे. वेगवेगळ्या भाज्यांच्या मिश्रणापासून तयार केलेली ही भाजी चवीबरोबरच आपल्या आरोग्याचीही काळजी घेते. तुमच्या घरातील लहान मुलं भाज्या खाण्यासाठी कुरकुर करत असतील तर त्यांना तुम्ही ही भाजी बनवून खाऊ घालू शकता. चला तर मग जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• 1 कांदा
• 2 मोठे टोमॅटो
• 3 गाजर
• 5 कप मटार
• 2 टेबलस्पून ओला लसूण
• 1.5 टेबलस्पून तेल
• 1 टीस्पून जीरे मोहरी
• कढी पत्ता
• 3 हिरव्या मिरच्या
• 1 टीस्पून हळद
• 1 टीस्पून तिखट
• 1 टीस्पून धणे पूड
• 1 टीस्पून मॅगी मॅजिक मसाला
• चवीनुसार मीठ
• 1 टेबलस्पून गूळ
• कोथिंबीर

रेसिपीच्या बातम्या वाचण्यासाठी इथे क्लिक करा

कृती

• मिक्स भाजी बनवण्यासाठी सर्वप्रथम गाजर, टोमॅटो, हिरवी मिरची, ओला लसूण, कांदा स्वच्छ धुवून घ्या
• यानंतर या सर्व भाज्या कापून आणि कांदा बारीक चिरून घ्या
• नंतर गॅसवर एक कढई ठेवा आणि यात तेल टाका
• तेल गरम झाल्यावर यात जीरे मोहरी, हिरवी मिरची आणि कढीपत्ता घालून परतून घ्या
• नंतर यात चिरलेला कांदा आणि लसणाची पेस्ट घाला आणि कांदा गुलाबी होईपर्यंत शिजवून घ्या
• मग यात मटर टाका आणि झाकण ठेवून एक वाफ काढून घ्या
• त्यानंतर त्यात हळद, तिखट, धणे पूड घालून मिक्स करावे. आता त्यात गाजर आणि चिरलेला टोमॅटो टाका
• सर्व साहित्य व्यवस्थित एकजीव करून शिजवून घ्या
• मग यात चवीनुसार मीठ आणि मॅगी मॅजिक मसाला टाका
• पुन्हा एकदा झाकण ठेवून भाजी मंद आचेवर वाफेवर शिजवून घ्या
• भाजी शिजली की शेवटी यावर चिरलेली कोथिंबीर घाला आणि गॅस बंद करा
• तुमची मिक्स भाजी तयार आहे, चपाती किंवा भाकरीसोबत ही भाजी खाण्यासाठी सर्व्ह करा