Ganeshotsav 2026: गणपती बाप्पाच्या नैवेद्यासाठी १५ मिनिटांमध्ये बनवा पौष्टिक खजूर रोल, पदार्थ खाऊन सगळेच करतील कौतुक

Ganeshotsav 2026: गणपती बाप्पाच्या नैवेद्यात कायमच तेच ठराविक पदार्थ बनवण्याऐवजी सोप्या पद्धतीमध्ये तुम्ही खजूर रोल बनवू शकता. हा पदार्थ चवीसोबतच शरीरासाठी सुद्धा खूप जास्त फायदेशीर मानला जातो.

Ganeshotsav 2026: गणपती बाप्पाच्या नैवेद्यासाठी कायमच वेगवेगळे पदार्थ बनवले जातात. कधी साबुदाणा खीर, गव्हाची खीर तर कधी गुलाबजाम, मिठाईचे पदार्थ विकत आणले जातात. पण नेहमीच तेच विकतचे पदार्थ बाप्पाच्या नैवेद्यात दाखवण्याऐवजी सोप्या पद्धतीमध्ये तुम्ही खजूर रोल बनवू शकता. खजूर रोल बनवण्यासाठी जास्त वेळ सुद्धा लागत नाही. खजूर शरीरासाठी खूप जास्त फायदेशीर आहेत. यामुळे शरीरात निर्माण झालेली लोहाची कमतरता भरून निघते आणि सुकामेवा खाल्ल्यामुळे शरीराला अनेक फायदे होतात. संध्याकाळच्या वेळी हलकीशी भूक लागल्यानंतर नेहमीच काय खावे, असा प्रश्न सगळ्यांचं पडतो. अशावेळी झटपट तयार होणारे खजूर रोल तुम्ही बनवून ठेवू शकता. यामुळे पोट सुद्धा भरलेले राहील आणि शरीराला सुद्धा फायदे होतील. चला तर जाणून घेऊया खजूर रोल बनवण्याची कृती.(फोटो सौजन्य – pinterest)

Ganeshotsav 2026 : बाप्पाच्या विसर्जनसाठी घरी तयार करा ‘केसर मलाई मोदक’, ही आहे हलवाई स्टाईल रेसिपी

साहित्य:

• खजूर
• काजू
• बदाम
• पिस्ता
• खसखस
• तूप
• वेलची पावडर
• जायफळ पावडर
• अंजीर

Breakfast Recipe: डाएटप्रेमींसाठी भन्नाट रेसिपी! १० मिनिटांमध्ये झटपट बनवा कुरकुरीत पालक ओट्स टिक्की, नोट करा रेसिपी

कृती:

• खजूर रोल बनवण्यासाठी सर्वप्रथम, खजूरच्या आतील बिया काढून बारीक तुकडे करा. यामुळे खजूर सहज मऊ होण्यास मदत होईल.
• कढईमध्ये तूप गरम करून काजू, बदाम, पिस्ता घालून मंद आचेवर लालसर होईपर्यंत भाजा. यामुळे पदार्थ खराब होत नाही.
• त्याच कढईमध्ये खसखस घालून तुपावर भाजून घ्या. त्यानंतर पुन्हा एकदा कढईमध्ये तूप घालून गरम करून घ्या आणि त्यात अंजीर आणि खजूरचे तुकडे मंद आचेवर भाजा.
• खजूरचे मिश्रण तयार झाल्यानंतर त्यात भाजलेला सुका मेवा, खसखस, वेलची पावडर, जायफळ पावडर घालून व्यवस्थित मिक्स करा.
• तयार केलेल्या मिश्रणाचा गोळा बनवून बटर पेपरवर घाला आणि हलक्या हाताने रोल करून फिरवून घ्या. तुम्हाला हवे असल्यास त्यात सुका मेवा सुद्धा घालू शकता.
• तयार केलेले रोल तुमच्या आवडीनुसार कापून बाप्पाच्या नैवेद्यासाठी ठेवा. तयार आहेत सोप्या पद्धतीमध्ये बनवलेले खजूर रोल.