चेहऱ्यावर येईल इन्स्टंट ग्‍लास ग्‍लो! ५ रुपयांच्या टिश्यू पेपरचा ‘या’ पद्धतीने करा वापर, घरीच बनवा फेस शीट मास्क

चेहऱ्यावर कोरियन महिलांप्रमाणे काचेसारखा ग्लो मिळवण्यासाठी ५ रुपयांच्या टिश्यू पेपरपासून घरीच फेस शीट मास्क बनवू शकता. हा शीट मास्क त्वचा आतून हायड्रेट करण्यासोबतच त्वचेच्या समस्या कमी करण्यास मदत करेल.

सर्वच महिला चेहऱ्यावरील ग्लो वाढवण्यासाठी बाजारात उपलब्ध असलेल्या महागड्या स्किन केअर प्रॉडक्टचा वापर करतात. फेसमास्क, फेस सीरम, फेसपॅक इतर वेगवेगळ्या प्रॉडक्टचा वापर त्वचेसाठी केला जातो. चेहऱ्यावर आलेले पिंपल्स, मुरूम, पुरळ घालवण्यासाठी अनेक वेगवेगळे उपाय केले जातात. कधी महागड्या क्रीम लावून त्वचेची काळजी घेतली जाते तर कधी महागड्या स्किन ट्रीटमेंट करून चेहऱ्यावरील ग्लो वाढवला जातो. पण वारंवार केमिकल युक्त स्किन केअरचा वापर केल्यास त्वचेसंबंधित समस्या उद्भवण्याची जास्त शक्यता असते. काचेसारख्या चमकदार त्वचेसाठी कोरियन स्किन केअर प्रॉडक्टचा वापर मोठ्या प्रमाणावर केला जातो. शीट मास्क किंवा स्किन केअर प्रॉडक्ट खरेदी करण्यासाठी हजारो रुपये खर्च केला जातो. पण आज आम्ही तुम्हाला ५ रुपयांच्या टिश्यू पेपरचा वापर करून फेस शीट मास्क बनवण्याची सोपी पद्धत सांगणार आहोत. चला तर जाणून घेऊया सविस्तर.(फोटो सौजन्य – istock)

भुवयांचे केस गळून पातळ झाले आहेत? मग नॅचरली आयब्रो आणि काळे करण्यासाठी करून पहा ‘हे’ घरगुती उपाय

कोरियन शीट मास्क बनवण्यासाठी लागणारे साहित्य:

• साधा टिश्यू पेपर किंवा पेपर नॅपकिन
• तांदळाचे पाणी
• कोरफड जेल
• मध

कृती:

शीट मास्क तयार करण्यासाठी सर्वप्रथम, वाटीमध्ये तांदळाचे पाणी, कोरफड जेल आणि मध एकत्र मिक्स करून घ्या. तयार केलेले फेस सीरम व्यवस्थित मिक्स करून झाल्यानंतर तयार टिश्यू पेपर पूर्णपणे भिजवून ओला करा. त्यानंतर हलक्या हाताने काढून संपूर्ण चेहऱ्यावर व्यवस्थित मास्क लावून १० मिनिटं तसाच ठेवा. टिश्यू पेपर पूर्णपणे कोरडा झाल्यानंतर काढून त्वचेवर तयार केलेले फेस सीरम लावून काहीवेळ तसेच ठेवा. फेस सीरम लावल्यानंतर हलक्या हाताने मसाज करून घ्या. यामुळे त्वचेमधील रक्तभिसरण सुधारेल आणि त्वचेच्या समस्या कमी होण्यास मदत होईल. फेस शीट लावल्यानंतर त्वचा धुवण्याची किंवा पुसण्याची अजिबात आवश्यकता नाही.

पावसाळ्यात केवळ पाणी पिणे पुरेसे का नसते? शरीराला हायड्रेट ठेवण्यासाठी इलेक्ट्रोलाइट्सही महत्त्वाचे, जाणून घ्या सविस्तर

फेस शीट मास्क लावण्याचे फायदे:

तांदळाच्या पाण्यात अमिनो ॲसिड, अँटिऑक्सिडंट्स भरपूर प्रमाणात असते. त्यामुळे त्वचेच्या वाढत्या समस्या कमी करण्यासाठी तांदळाच्या पाण्याचा वापर करावा. तांदळाचे पाणी त्वचा हायड्रेट ठेवण्यास मदत करते. मध नॅचरल मॉइश्चरायझर म्हणून ओळखले जाते. मधातील अँटिऑक्सिडंट्स त्वचेचे संरक्षण करण्यास मदत करते. यामुळे त्वचेवरील कोरडेपणा कमी होतो. कोरफड जेल त्वचेमध्ये वाढलेली जळजळ कमी करण्यास मदत करतात. याशिवाय चेहरा हायड्रेट ठेवण्यासाठी कोरफड जेल चेहऱ्यावर लावले जाते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.