Turmeric Mask: चेहऱ्यावर येईल सोन्यासारखी चमक! ‘या’ पद्धतीने घरी तयार करा हळदीचा आयुर्वेदिक लेप, काळे डाग होतील नाहीसे

Turmeric Mask: त्वचेच्या वाढत्या समस्यांपासून सुटका मिळवण्यासाठी हळदीचा लेप तयार करून लावावा. हळदीचा लेप लावल्यामुळे चेहऱ्यावर आलेले काळे डाग, सुरकुत्या कमी होण्यास मदत होईल. चला तर जाणून घेऊया सविस्तर.

Turmeric Mask: चेहरा कायमच सुंदर आणि चमकदार ठेवण्यासाठी महिला सतत काहींना काही करत असतात. महागड्या क्रीम, फेसवॉश, सीरम इत्यादी अनेक गोष्टींचा त्वचेसाठी मोठ्या प्रमाणावर वापर केला जातो. पण तरीसुद्धा चेहऱ्यावर हवा तसा ग्लो येत नाही. चेहऱ्यावर वाढलेले टॅनिंग, काळे डाग, सुरकुत्या कमी करण्यासाठी महिला सतत काहींना काही करतात. पण वारंवार केमिकल युक्त प्रॉडक्टचा वापर केल्यामुळे त्वचा खूप जास्त खराब होऊन जाते. अशावेळी बाजारातील महागड्या स्किन केअर प्रॉडक्टचा वापर करण्याऐवजी हळदीचा वापर त्वचेसाठी करावा. हळदीच्या वापरामुळे चेहऱ्यावर आलेले काळे डाग नाहीसे होण्यास मदत होते आणि त्वचा उजळदार दिसते.(फोटो सौजन्य – istock)

Underarms Care: अंडरआर्म्स नेहमी मुलायम आणि स्वच्छ कसे ठेवावे, तज्ज्ञांच्या सोप्या टिप्स

हळदीचा लेप तयार करण्याची सोपी कृती:

हळदीचा लेप बनवण्यासाठी सर्वप्रथम, मोठ्या वाटीमध्ये हळद, चमचाभर दही आणि मध एकत्र करून गुळगुळीत पेस्ट तयार करा. तयार केलेली पेस्ट चेहऱ्यावर लावण्याआधी त्वचा पाण्याने स्वच्छ करून घ्या. त्यानंतर त्वचेवर लेप लावून १० मिनिटं तसाच ठेवा आणि थंड पाण्याने त्वचा स्वच्छ करून टाका. तयार केलेला लेप डोळ्यांच्या खाली आणि मानेवर सुद्धा लावू शकता. यामुळे डोळ्यांभोवती काळी झालेली त्वचा पुन्हा एकदा उजळदार होण्यास मदत होईल. हा लेप आठवड्यातून दोनदा किंवा तीनदा त्वचेवर लावू शकता.

हळदीचे फायदे:

हळदीमध्ये असलेले कर्क्युमिन दाहशामक आहे. ज्यामुळे त्वचेवर लालसरपणा किंवा जळजळ होण्याची शक्यता असते. त्यामुळे कोणताही फेसपॅक किंवा लेप लावण्याआधी पॅच टेस्ट करून पाहणे फार आवश्यक आहे. हळदीमध्ये असलेल्या दाहशामक आणि अँटी ऑक्सिडंट गुणधर्मांमुळे त्वचेवर वाढलेले काळे डाग कमी होण्यास मदत होते आणि त्वचा उजळदार दिसते. आयुर्वेदामध्ये हळदीला विशेष महत्व आहे. हळदीच्या वापरामुळे त्वचेच्या असंख्य समस्या कमी होण्यास मदत होते. पारंपरिक पद्धतीने हळदीचा वापर केल्यास त्वचेच्या समस्या कमी होतील.

Skin Care Tips: पिंपल्स सुरकुत्या कायमच्या होतील गायब! कच्च्या दुधात मिक्स करा ‘हा’ पदार्थ, दिवाळीआधी त्वचा दिसेल देखणी

हळदीचा लेप बनवताना त्यात मध टाकल्यास त्वचेवर वाढलेले टॅनिंग कमी होण्यासोबतच त्वचा आतून उजळदार होईल. त्वचेच्या समस्या कमी होऊन चेहऱ्यावर नॅचरल ग्लो येईल. त्वचेच्या वाढत्या समस्यांपासून सुटका मिळवण्यासाठी बाजारात उपलब्ध असलेल्या महागड्या स्किन केअरचा वापर करण्याऐवजी घरगुती उपाय करावेत. घरगुती उपाय केल्यामुळे हळूहळू त्वचेच्या समस्या कमी होतात आणि चेहरा उजळदार होण्यास मदत होते. चेहऱ्यावर जखमा, पुरळ किंवा एक्झिमा असल्यास हळदीचा लेप लावणे टाळावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.