Hair Care Tips: दिवसातून किती वेळा केस विंचरावेत? हेअर केअर करताना ‘या’ चुका टाळा; जाणून घ्या महत्त्वाच्या टिप्स

Hair Care Tips How Many Times should comb hair in day: केस निरोगी ठेवण्यासाठी योग्य पद्धतीने केस विचंरणे केस विंचरणे देखील महत्वाचे आहे. त्यामुळे एका दिवसात केस किती वेळा विंचरावे जाणून घ्या.

• लांब, दाट आणि चमकदार केस हवे आहेत?
• केस विंचरण्याची योग्य पद्धत जाणून घ्या
• केस विंचरताना या चुका करणे टाळा

Hair Care Tips: प्रत्येक मुलीला आपली केस लांब, दाट, आणि मऊ हवे असतात. केस निरोगी आणि चमकदार दिसण्यासाठी, अनेकजण तेल लावणे, मसाज, हेअर पॅक आणि हेअर स्पा यांसारख्या विविध हेअर केअर पद्धती वापरतात. परंतु, केसांची योग्य काळजी घेण्यासोबतच, ते नियमितपणे विंचरणे देखील महत्त्वाचे आहे. केस विंचरणे हा हेअर केअर रुटीनचा एक सोपा भाग आहे. परंतु योग्य पद्धतीने केस न विंचरल्यास ते जास्त प्रमाणात तुटु शकतात. दिवसातून किती वेळा केस विंचरावेत आणि केस विंचरण्याची योग्य पद्धत कोणती, चला जाणून घेऊयात. (How Many Times should comb hair in day)

Diabetes: जेवल्यानंतर 15 मिनिटे चालल्याने ब्लड शुगर नियंत्रणात राहते? जाणून घ्या योग्य पद्धत

एका दिवसात किती वेळा केस विंचरावे?

केस दिवसातून किमान तीन वेळा विंचरले पाहिजेत. पण प्रत्येक वेळी ते व्यवस्थित विंचरले पाहिजेत. नेहमी केसांच्या टोकांपासून सुरुवात करून वरच्या दिशेने विंचरत जावे. यामुळे केसांतील गुंता अधिक सहजपणे निघण्यास मदत होते आणि केस तुटण्याचे प्रमाण कमी होते. केस विंचरताना थेट केसांच्या मुळांपासून सुरुवात करु नये. याशिवाय, ओल्या केसांवर कंगवा फिरवू नये. ओले केस खूप नाजूक असतात. ओल्या केस विंचरल्यास ते सहज तुटतात.

केस विंचरण्याची योग्य पद्धत कोणती?

केस विंचरण्यापूर्वी, तुमचे केस खूप कोरडे किंवा गुंतलेले नाहीत याची खात्री करा. केस मऊ करण्यासाठी आवश्यकतेनुसार थोडे हेअर सीरम लावा. त्यानंतर, बोटांच्या साहाय्याने केसांमधील गुंता हळुवारपणे सोडवा. मग, रुंद दातांचा कंगवा वापरून केसांच्या टोकांपासून गुंता सोडवायला सुरुवात करा आणि हळूहळू मुळांपर्यंत विंचरत या. या पद्धतीमुळे केस ओढले जाणे आणि तुटणे टाळता येते. केसांचे नुकसान कमी करण्यासाठी, केस विंचरताना घाई करू नका आणि गुंतलेले केस ओढणे टाळा.

केस विंचरल्यानंतर ते खूप घट्ट बांधू नका

बरेच लोक केस विंचरल्यानंतर ते घट्ट बांधतात, पण हे टाळले पाहिजे. केस खूप घट्ट ताणून बांधल्याने केसांच्या मुळांवर ताण येऊ शकतो आणि केस तुटू शकतात. असे दीर्घकाळ केल्याने केस गळण्याचा आणि हेअरलाइन कमी होण्याचीही शक्यता वाढते. म्हणून, केस बांधताना, सैल पोनीटेल किंवा आरामदायक हेअरस्टाईल निवडा आणि न अडकणारे रबर बँड वापरा. ​​यामुळे तुमचे केस अनावश्यक ताणापासून वाचतील. जर, तुमचे केस कोणत्याही कारणांशिवाय जास्त प्रमाणात गळत असतील तर डॉक्टरांचा सल्ला घ्या.

High Blood Pressure: कमी मीठ खाता, तरीही BP वाढतोय? रोजच्या ‘या’ सवयीही ठरतात धोकादायक