Hair Care Tips: हिवाळ्यात केस खूप जास्त कोरडे झाले आहेत? जास्वदींच्या फुलांचा वापर करून बनवा घरगुती हेअरमास्क, केस होतील मऊ

Hair Care Tips: केसांच्या वाढत्या समस्यापांसून सुटका मिळवण्यासाठी अनेक वेगवेगळे हेअर सीरम, हेअर टीटमेंट करुन घेतल्या जातात. पण त्याचा फारसा परिणाम केसांवर दिसून येत नाही. त्यामुळे केसांमध्ये वाढलेला कोरडेपणा कमी करण्यासाठी जास्वदींच्या फुलांचा हेअरमास्क वापरल्यास केस मऊ होतील.

Hair Care Tips: राज्यासह संपूर्ण देशभरात वातावरणात सतत काहींना काही बदल होत असतात. कधी ऊन तर कधी पाऊस पडत असल्यामुळे आरोग्यासंबंधित समस्या वाढण्यासोबतच केस आणि त्वचेच्या समस्या सुद्धा वाढू लागतात. केस गळणे, केस कोरडे पडणे, केस तुटणे किंवा टाळूवर इन्फेक्शन वाढण्याची जास्त शक्यता असते. केसांच्या समस्या वाढू लगल्यानंतर सुरुवातीच्या दिवसांमध्ये अजिबात लक्ष दिले जात नाही. पण कालांतराने समस्या वाढतात आणि केस कोरडे पडू लागतात. केस कोरडे झाल्यानंतर ते पुन्हा एकदा मऊ आणि चमकदार करण्यासाठी बाजारात उपलब्ध असलेल्या वेगवेगळ्या हेअर केअर शाम्पूचा वापर केला जातो तर काहीवेळा हेअर ट्रीटमेंट सुद्धा केल्या जातात. पण वारंवार केमिकल युक्त हेअर ट्रीटमेंट करण्याऐवजी घरगुती उपाय करावेत.(फोटो सौजन्य – istock)

Underarms Care: अंडरआर्म्स नेहमी मुलायम आणि स्वच्छ कसे ठेवावे, तज्ज्ञांच्या सोप्या टिप्स

चरल मॉईश्चर कमी झाल्यानंतर केस कोरडे होतात. हिवाळा ऋतूला सुरुवात झाल्यानंतर केसांमध्ये कोंडा होतो आणि टाळूवर सतत खाज येते. सतत होणारा कोंडा आणि टाळूवरील वाढते इन्फेक्शन केसांचे प्रचंड नुकसान करते. त्यामुळे केमिकल प्रॉडक्टचा वापर करण्याऐवजी जास्वदींच्या फुलांचा वापर करून हेअरमास्क बनवावा. जास्वदींच्या फुलांचा हेअरमास्क केसांच्या वाढीसाठी आणि केस मऊ करण्यासाठी फायदेशीर ठरेल. चला तर जाणून घेऊया हेअर मास्क बनवण्याची सोपी कृती.

जास्वदींच्या फुलांचा हेअर मास्क बनवण्याची कृती:

हेअरमास्क बनवण्यासाठी जास्वदींची फुले, कॉर्नफ्लॉवर ऑलिव्ह ऑईल, विटामिन ई कँप्सूल, रोजमेरी ऑईल एवढेच साहित्य लागणार आहे. हेअर मास्क बनवताना सगळ्यात आधी टोपात पाणी घेऊन त्यात ८ ते ९ जास्वदींची फुले घालून पाणी उकळवण्यासाठी ठेवा. पाण्याला उकळी आल्यानंतर गॅस मंद आचेवर ठेवून द्या. जास्वदींच्या फुलांचा अर्क पाण्यात मिक्स होईपर्यंत फुले शिजवून घ्या. जास्वदींच्या फुलांचे तयार केलेले पाणी वाटीमध्ये काढून त्यात कॉर्नफ्लॉवर घालून पेस्ट घट्ट होईपर्यंत गरम करून घ्या. त्यानंतर त्यात ऑलिव्ह ऑईल, विटामिन ई कँप्सूल, रोजमेरी ऑईल घालून सर्व साहित्य व्यवस्थित मिक्स करा.

Seeds For Hair: कोणत्या बिया नियमित खाल्ल्याने केसांना मिळेल फायदा, पोषणतज्ज्ञांचा खुलासा

तयार केलेला हेअर मास्क केस स्वच्छ धुतल्यानंतर केसांवर लावून ५ ते ७ मिनिटांपर्यंत ठेवा आणि कोमट पाण्याने स्वच्छ धुवून टाका. यामुळे केस मऊ आणि चमकदार होण्यास मदत होईल. केसांच्या समस्यांपासून सुटका मिळवण्यासाठी बाजारातील महागड्या प्रॉडक्टचा वापर करण्याऐवजी घरगुती उपाय करावेत. घरगुती उपाय केल्यामुळे केसांना कोणतीही हानी पोहचत नाही. आठवड्यातून एकदा किंवा दोनदा हेअर मास्क केसांवर लावल्यास केस चमकदार होतील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.