इस्ट्रोजनच्या असंतुलनामुळे मासिक पाळीच्या चक्रात बदल झाला आहे? मग ‘या’ घरगुती पदार्थांचे सेवन करून मिळवा आराम, चिडचिडेपणा होईल कमी

शरीरात निर्माण झालेली इस्ट्रोजनची कमतरता महिलांच्या आरोग्यासाठी अतिशय घातक ठरते. त्यामुळे इस्ट्रोजन वाढवण्यासाठी आहारात वेगवेगळ्या पौष्टीक पदार्थांचे सेवन करावे, ज्यामुळे मासिक पाळी नियमित होण्यास मदत होईल.

मासिक पाळीच्या चक्रात बदल होण्याची कारणे?
कोणत्या हार्मोनची पातळी असंतुलित झाल्यानंतर शरीराला हानी पोहचते?
इस्ट्रोजन वाढवण्यासाठी कोणते पदार्थ खावेत?

वय वाढल्यानंतर महिलांच्या शरीरात अनेक गंभीर बदल दिसून येतात. पण कामाच्या धावपळीमध्ये आणि नातेसंबंधांमुळे महिला स्वतःच्या आरोग्याकडे आणि आवडीनिवडींकडे जास्त वेळ देत नाही. कायमच दुर्लक्ष करतात. पण असे केल्यामुळे गंभीर आजार वाढून शरीराचे नुकसान होते. पूर्वीच्या काळी वयाच्या ५० व्या वर्षानंतर शरीरात बदल दिसून यायचे. मात्र हल्ली बदललेल्या जीवनशैलीमुळे तरुण वयातच महिलांना अनेक वेगवेगळ्या गंभीर आजारांची लागण होते. महिलांच्या शरीरासाठी इस्ट्रोजन हे हार्मोन अतिशय महत्वाचे आहे. पण शरीरात याच हार्मोन्सची कमतरता निर्माण झाल्यानंतर अनेक बदल दिसून येतात.

चेहऱ्याच्या मसल्स होतील मोकळ्या! पांढऱ्याशुभ्र चौकोनी बर्फाच्या तुकड्याचे शरीराला होतील भरमसाट फायदे, त्वचा होईल सुंदर

इस्ट्रोजनची पातळी शरीरात संतुलित असेल तर मासिक पाळी नियमित येते, त्वचेची चमक, हाडांची मजबुती, भावनिक स्थैर्य, झोप, केसांचे आरोग्य इत्यादी अनेक महत्वाच्या गोष्टींसाठी निरोगी राहतात. पण हीच पातळी कमी झाल्यानंतर मासिक पाळीच्या चक्रात अनेक बदल होण्याची शक्यता असते. मासिक पाळीच्या चक्रात झालेले बदल महिलांच्या आरोग्यासाठी अतिशय घातक ठरतात. म्हणूनच आज आम्ही तुम्हाला इस्ट्रोजन म्हणजे काय? इस्ट्रोजनची पातळी संतुलित ठेवण्यासाठी काय खावे? इत्यादी बदल सविस्तर माहिती सांगणार आहोत.

इस्ट्रोजन म्हणजे काय?

महिलांच्या शरीरात असंख्य हार्मोन्स असतात. त्यातील अतिशय महत्वाचे हार्मोन्स म्हणजे इस्ट्रोजन. महिलांच्या गर्भाशयात इस्ट्रोजन तयार होते. यामुळे शरीर गर्भधारणेसाठी तयार ठेवणे, रक्तप्रवाह संतुलित ठेवणे आणि मनःस्थिती नियंत्रित ठेवणे इत्यादी इस्ट्रोजनची महत्वपूर्ण कामे आहेत. तसेच स्त्रियांच्या शरीराचा सर्वच हार्मोनसोबत थेट संबंध असतो. त्यामुळे इस्ट्रोजनची पातळी कमी झाल्यानंतर शरीरात अनेक गंभीर बदल दिसून येतात. या बदलांकडे दुर्लक्ष न करता आरोग्याची काळजी घेणे आवश्यक आहे.

हिवाळ्यात का वाढतो किडनी स्टोनचा त्रास? लघवीमध्ये दिसणाऱ्या ‘या’ लक्षणांकडे अजिबात करू नका दुर्लक्ष, वेळीच घ्या काळजी

इस्ट्रोजनची पातळी वाढवण्यासाठी कोणत्या पदार्थांचे सेवन करावे:

शरीरात निर्माण झालेली इस्ट्रोजनची कमतरता नैसर्गिकरित्या भरून काढण्यासाठी आहारात पौष्टीक आणि सहज पचन होणाऱ्या पदार्थांचे सेवन करावे. सोयाबीन, टोफू, अळशी, तीळ, हरभरा, राजमा, हिरव्या भाज्या, सफरचंद, डाळिंब, गाजर, बीट, रताळे आणि ओट्स इत्यादी पदार्थ नियमित खाल्ल्यास शरीरात निर्माण झालेली इस्ट्रोजनची कमतरता भरून निघेल आणि शरीराला अनेक फायदे होतील. ओट्स आणि रताळी नियमित खाल्ल्यास शरीराला नैसर्गिक फाइटो-इस्ट्रोजन्स मिळतात. हा आहार केवळ इस्ट्रोजनची वाढवण्यासाठीच नाहीतर संपूर्ण शरीरासाठी अत्यंत गुणकारी आहे. तसेच सकाळी उठल्यानंतर नियमित चालणे, योग, स्ट्रेंथ ट्रेनिंग किंवा पिलाटेस इत्यादी व्यायाम प्रकार केल्यास शरीराला तात्काळ ऊर्जा मिळेल आणि आरोग्य सुधारण्यास मदत होईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.