High Cholesterol वर नियंत्रण ठेवायचंय? रोजच्या आहारात ‘ही’ 5 पेये ठरू शकतात उपयोगी

High Cholesterol: कोलेस्ट्रॉल वाढल्यास आहार आणि जीवनशैलीकडे लक्ष देणे महत्त्वाचे ठरते. ग्रीन टी, बीट, जास्वंदाचा चहा आणि ओट्ससारख्या पदार्थांचा संतुलित आहारात समावेश करता येतो.

• ओट्स फायदेशीर
• हेल्दी ड्रिंक्सचा समावेश
• ड्रिंक्स हा उपचार नाही

आजकाल कोलेस्ट्रॉल वाढणं ही एकदम कॉमन गोष्ट झाली आहे. खाणं-पिणं बदललं, व्यायाम नाही, त्यामुळे शरीरात बॅड कोलेस्ट्रॉल आणि ट्रायग्लिसराइड्स वाढतं. सगळ्यात मोठी अडचण म्हणजे हे वाढलं तरी लगेच कळत पण नाही. काही लक्षणच दिसत नाही. पण जर हे खूप दिवस वाढलेलं राहिलं तर मात्र हार्ट अटॅक, स्ट्रोक येण्याचा धोका खूप वाढतो. रक्ताच्या नसा ब्लॉक होऊ शकतात. म्हणून डॉक्टरची औषधं, रोज थोडा व्यायाम आणि चांगलं खाणं हे तर करायलाच पाहिजे.पण त्यासोबतच काही साधी ड्रिंक्स आहेत जी तुम्ही घरी बनवू शकता, त्याने पण कोलेस्ट्रॉल कंट्रोलमध्ये राहायला मदत होते. चला बघूया ती कोणती. High Cholesterol

1. ग्रीन टी –

सगळ्यात सोपा उपाय ग्रीन टी बद्दल तर सगळ्यांनी ऐकलं असेल. यात अँटीऑक्सिडंट्स भरपूर असतात. हे काय करतं? तर तुमच्या शरीरातलं वाईट कोलेस्ट्रॉल कमी करायला मदत करतं आणि शरीरातली सूज पण कमी करतं.रोज सकाळ-संध्याकाळ 1 किंवा 2 कप ग्रीन टी प्यायला तर हृदय एकदम निरोगी राहतं. चहा-कॉफी ऐवजी ग्रीन टी पिणं खूप फायदेशीर आहे.

2. सकाळी उठल्यावर लिंबू पाणी

लिंबामध्ये व्हिटॅमिन C खूप जास्त असतं. हे शरीरातली चरबी पचवायला मदत करतं. आपलं लिव्हर हे कोलेस्ट्रॉल कंट्रोल करण्याचं काम करतं, आणि लिंबू पाणी लिव्हरला चांगलं काम करायला मदत करतं.म्हणून रोज सकाळी कोमट पाण्यात लिंबू पिळून प्यायची सवय लावा. याने पोट पण साफ राहतं आणि कोलेस्ट्रॉल पण कंट्रोलमध्ये येतं. काहीच खर्च नाही, अगदी घरगुती उपाय.

3. बीटचा ज्यूस –

रक्ताच्या नसा मोकळ्या करतोबीट म्हणजे बीट रूट. यात नायट्रेट्स नावाचा घटक असतो. हा घटक काय करतो तर आपल्या रक्ताच्या नसा सैल ठेवतो आणि रक्तप्रवाह चांगला करतो.बीटचा ज्यूस प्यायल्याने ट्रायग्लिसराइड्स आणि बॅड कोलेस्ट्रॉल दोन्ही कमी व्हायला मदत होते. चव थोडी वेगळी लागेल पण आठवड्यातून 3-4 वेळा प्यायला तर खूप फायदा होतो. हृदयासाठी एक नंबर ड्रिंक आहे.

Health Tips: Brown Rice की Quinoa, फायबरसाठी काय आहे उत्तम?

4. जास्वंदाच्या फुलांचा चहा

हे ऐकून नवल वाटेल पण जास्वंदाच्या फुलांपासून बनवलेला चहा हृदयासाठी खूप चांगला असतो. या फुलांमध्ये असे काही घटक आहेत जे आपल्या रक्तवाहिन्या निरोगी ठेवतात.याशिवाय ज्यांचा BP जास्त असतो, त्यांचा रक्तदाब कंट्रोलमध्ये ठेवायला पण हा चहा मदत करतो. जास्वंदाची फुलं सहज मिळतात, त्यांना वाळवून त्याचा चहा बनवता येतो.

5. ओट्सचं पाणी किंवा ओट्स ड्रिंक

ओट्समध्ये बीटा-ग्लुकन नावाचं फायबर असतं. हे फायबर पोटात गेल्यावर कोलेस्ट्रॉलला चिकटून बसतं आणि त्याला शरीरात जाऊ देत नाही. त्यामुळे कोलेस्ट्रॉल आपोआप कमी होतं.तुम्ही ओट्स पाण्यात भिजवून त्याचं पाणी पिऊ शकता किंवा ओट्सचं स्मूदी बनवून पिऊ शकता. रोज नाश्त्यात ओट्स घेतलात तरी पण कोलेस्ट्रॉल आणि ट्रायग्लिसराइड्स कमी होण्यास मदत मिळते.

Jeera Water: वजन कमी करण्यासाठी जिऱ्याचं पाणी खरंच उपयोगी? रोज पिण्याआधी जाणून घ्या फायदे-तोटे

लक्षात ठेवाही ड्रिंक्स फायदेशीर आहेत पण याचा अर्थ औषधं बंद करायची असा नाही. डॉक्टरांनी दिलेली औषधं चालू ठेवा, सोबत हे उपाय करा, रोज 30 मिनिटं चाला आणि तेलकट खाणं कमी करा. म्हणजे तुमचं कोलेस्ट्रॉल नक्कीच कंट्रोलमध्ये राहील आणि हृदय पण सुरक्षित राहील.