पावसाळ्याच्या दिवसांमध्ये शरीराची Immunity Boost करण्यासाठी घरी बनवा मिक्स भाज्यांचे गरमागरम सूप

शरीराची कमी झालेली ऊर्जा वाढवण्यासाठी सकाळच्या नाश्त्यात तुम्ही मिक्स भाज्यांचे सूप बनवू शकता. भाज्या खाणे आरोग्यासाठी अतिशय पौष्टिक आहे. चला तर जाणून घेऊया मिक्स भाज्यांचे सूप बनवण्याची रेसिपी.

पावसाळ्याच्या दिवसांमध्ये वातावरणात सतत काहींना काही बदल होत असतात. सतत बदलणाऱ्या वातावरणामुळे आरोग्याला हानी पोहचण्याची शक्यता असते. याशिवाय या दिवसांमध्ये साथीचे आजार मोठ्या प्रमाणावर वाढू लागतात. साथीचे आजार वाढल्यानंतर सर्दी, खोकला,ताप येणे किंवा आरोग्यासंबंधित अनेक समस्या उद्भवू लागतात. साथीचे आजार झाल्यानंतर शरीराची रोगप्रतिकारशक्ती कमकुवत होऊन जाते. यामुळे शरीरात सतत थकवा, अशक्तपणा जाणवू लागतो. शरीरात वाढलेला थकवा कमी करण्यासाठी आहारात पौष्टिक भाज्यांचे सेवन करावे. पण लहान मुलं आणि घरातील इतर सदस्य भाज्या खाण्यास नकार देतात. अशावेळी तुम्ही मुलांना भाज्यांचे सूप बनवून खाण्यास देऊ शकता. आज आम्ही तुम्हाला मिक्स भाज्यांचे सूप बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य – istock)

पालेभाज्या खायला आवडत नाहीत? मग बाजरीचे पीठ टाकून झटपट बनवा मेथीचे चमचमीत पिठलं, नोट करा रेसिपी

साहित्य:

• गाजर
• बीन्स
• कांदा
• काळीमिरी पावडर
• मटार
• मक्याचे दाणे
• लसूण
• आलं
• व्हेजिटेबल स्टॉक
• तेल
• मीठ
• पालक
• ब्रोकोली

दुपारच्या जेवणात तोंडी लावण्यासाठी झटपट बनवा कोबीची कोशिंबीर, सॅलडपेक्षाही लागेल सुंदर

कृती:

• मिक्स भाज्यांचे सूप बनवण्यासाठी सर्वप्रथम, सर्व भाज्या स्वच्छ साफ करून पाण्याने तीन वेळा धुवून घ्या.
• कढईमध्ये तेल गरम त्यात बारीक चिरलेला लसूण, आले आणि कांदा घालून हलकासा लाल करून घ्या.
• नंतर त्यात बारीक चिरून घेतलेला मक्याचे दाणे, गाजर, बीन्स, वाटाणे आणि इतर सर्व चिरलेल्या भाज्या घालून मंद आचेवर शिजवून घ्या.
• एक वाफ आल्यानंतर त्यात पाणी घालून शिजवून घ्या. भाज्या शिजल्यानंतर हळूहळू पाण्याचा रंग बदलू लागेल.
• सूपला व्यवस्थित उकळी आल्यानंतर चवीनुसार मीठ आणि काळीमिरी पावडर घालून मिक्स करून घ्या.
• सूपला उकळी आल्यानंतर त्यात तुमच्या आवडीनुसार कोथिंबीर घालून मिक्स करून घ्या.
• तयार आहे सोप्या पद्धतीमध्ये बनवलेले मिक्स भाज्यांचे गरमागरम सूप.