Homemade Protein Rich Barfi: वजन वाढत नाहीये? मग झपाट्याने वजन वाढवण्यासाठी खा राजगिऱ्याची प्रोटीन बर्फी, मुलं होतील जाडजूड

Homemade Protein Rich Barfi: लहान मुलांना तेलकट तिखट पदार्थ खायला देण्याऐवजी राजगिऱ्याची प्रोटीन बर्फी खाण्यास द्यावी. या बर्फीच्या सेवनामुळे शरीराला खूप जास्त फायदे होतील.

Homemade Protein Rich Barfi: धावपळीच्या जीवनशैलीमुळे खाण्यापिण्याच्या सवयींमध्ये कायमच बदल होत असतात. लहान मुलांच्या खाण्यापिण्यात बदल झाल्यानंतर मुंल खूप जास्त बारीक होऊन जातात. आई-वडिल कायमच मुलांच्या आरोग्याबद्दल तक्ररी करत असतात. वाढत्या वयानुसार मुलांच्या शरीराला आवश्यक पोषणाची गरज असते. मुंल बारीक झाल्यानंतर त्यांना सप्लीमेंट्स पिण्यास दिले जातात. पण त्याऐवजी मुलांना आहारातच पौष्टिक पदार्थांचे सेवन करण्यास द्यावे. शरीराचा योग्य विकास, हाडे मजबूत होण्यासाठी मुलांना राजगिऱ्याच्या  प्रोटीन बर्फीचे सेवन करणयास द्यावे. कार्बोहायड्रेट्स, हेल्दी फॅट्स आणि भरपूर प्रथिने असलेली बर्फी शरीरासाठी फायदेशीर ठरते. राजगिऱ्यापासून बनवलेली बर्फी मुलांना सकाळच्या नाश्त्यात किंवा भूक लागल्यानंतर खाण्यास द्यावी. बाजारात मिळणारे हवाबंद डब्यातील प्रोटीन पावडर किंवा कृत्रिम सप्लीमेंट्स मुलांच्या शरीरासाठी हानिकारक ठरतात. त्यामुळे घरी बनवलेले पौष्टिक पदार्थ मुलांना खाण्याम द्यावेत. (फोटो सौजन्य – pinterest)

Recipe : जेवणात तोंडी लावायला घरी बनवा झणझणीत आणि चटकदार चवीची लसणाची चटणी, रेसिपी नोट करा

साहित्य:

• बदाम
• काजू
• अक्रोड
• सूर्यफुलाच्या बिया
• मखाने
• राजगिऱ्याचे पीठ
• सुक्या खोबऱ्याचा किस
• साजूक तूप
• दूध
• खजूर सिरप
• जायफळ पावडर
• पिस्त्याचे तुकडे
• वेलची पावडर

चिमुकल्यांसाठी बनवा स्पेशल पदार्थ! वाटीभर नाचणीच्या पिठाचा वापर करुन बनवा मसालेदार चटपटीत चिप्स, नोट करुन घ्या रेसिपी

कृती:

• राजगिऱ्याची प्रोटीन बर्फी बनवण्यासाठी, कढई गरम करुन त्यात काजू, बदाम, आक्रोड आणि सूर्यफुलाच्या बिया हलक्याशा लालसर होईपर्यंत भाजून घ्या.
• कुरकुरीतपणा आल्यानंतर भाजून घेतलेल्या बिया थंड करण्यासाठी ठेवा. त्यानंतर मिक्सरच्या भांड्यात टाकून बारीक वाटून घ्या.
• त्याच कढईमध्ये मखाने कुरकुरीत होईपर्यंत भाजा आणि भाजलेल्या मखान्यांची पावडर बनवून घ्या. कढईमध्ये तूप गरम करण्यासाठी ठेवा.
• त्यानंतर त्यात राजगिऱ्याचे पीठ घालून मंद आचेवर सतत चमच्याने भाजत राहा.
• पिठाचा कच्चेपणे कमी झाल्यानंतर त्यात सुक्या खोबऱ्याचा किस घालून मंद आचेवर सतत मिश्रण भाजत राहा.
• तयार केलेल्या पिठात सुकामेवा, मखान्याची पावडर, खजूर सिरप आणि थोडेसे दूध घालून व्यवस्थित मिक्स करून घ्या.
• सगळ्यात शेवटी तयार केलेल्या मिश्रणात किसलेले जायफळ, वेलची पावडर घालून मिश्रण तयार करा.
• ताटाला तूप लावून त्यात तयार केलेले मिश्रण ओतून एकसमान पसरवून घ्या.
• वरून बारीक चिरलेले पिस्त्याचे तुकडे टाकून हलक्या हाताने दाबून घ्या.
• त्यानंतर तुमच्या आवडीनुसार तुकडे करून घ्या. तयार आहे सोप्या पद्धतीमध्ये राजगिऱ्याची प्रोटीन बर्फी.