जेवणात तोंडी लावण्यासाठी १० मिनिटांमध्ये बनवा गरमागरम ओव्याच्या पानांची भजी, नोट करा रेसिपी

पावसाळ्याच्या दिवसांमध्ये ओव्याच्या पाने मोठ्या प्रमाणावर उपलब्ध असतात. त्यामुळे ओव्याच्या पानांचा वापर करून तुम्ही चविष्ट ओव्याच्या पानांची भजी बनवू शकता. जाणून घ्या ओव्याच्या पानांची भजी बनवण्याची सोपी रेसिपी.

आयुर्वेदिक गुणधर्मांनी समृद्ध असलेली ओव्याची पाने आरोग्यासाठी अतिशय गुणकारी आहेत. ओव्याच्या पानांमध्ये असलेले गुणधर्म पोटात वाढलेली ऍसिडिटी किंवा पित्त कमी करतात. या पानांचा वापर मोठ्या प्रमाणावर केला जातो.पावसाळ्याच्या दिवसांमध्ये ओव्याच्या पानांना अतिशय सुंदर सुगंध येतो. या पानांचा वापर औषध म्हणून केला जातो. यासोबतच अनेक वेगवेगळे पदार्थ देखील बनवले जातात. पावसाळ्यात सगळ्यांचं गरमागरम भजी खाण्याची इच्छा होते. कांदाभजीचे नाव घेतल्यानंतर सगळ्यांच्या तोंडाला पाणी सुटते. पण आज आम्ही तुम्हाला सोप्या पद्धतीमध्ये ओव्याच्या पानांची भजी बनवण्याची सोपी रेसिपी सांगणार आहोत. ओव्याच्या पानांचे सेवन केल्यामुळे बिघडलेली पचनक्रिया सुधारण्यास मदत होते. चला तर जाणून घेऊया ओव्याच्या पानांची भजी बनवण्याची सोपी रेसिपी.(फोटो सौजन्य – pinterest)

आषाढी एकादशीच्या उपवासानिमित्त घरी बनवा शिंगाड्याचे पिठाचे चविष्ट लाडू, नोट करून घ्या रेसिपी

साहित्य:

• ओव्याची पाने
• तांदळाचे पीठ
• बेसन
• जिरं
• लाल तिखट
• हळद
• मीठ
• बेकिंग सोडा
• तेल

चिकन, मटण खाऊन कंटाळा आलाय? मग घरी बनवा मसालेदार अंडा बिर्याणी

कृती:

• ओव्याच्या पानांची भजी बनवण्यासाठी सर्वप्रथम, ओव्याची पाने स्वच्छ पाण्याने धुवून घ्या. त्यानंतर त्यातील पाणी नितळण्यासाठी काहीवेळा बाजूला ठेवून द्या.
• मोठ्या वाटीमध्ये तांदळाचे पीठ, बेसन, जिरं, लाल तिखट आणि हळद घालून व्यवस्थित मिक्स करा.
• त्यानंतर त्यात चवीनुसार मीठ घालून मिक्स करा. पीठ मिक्स होण्यासाठी त्यात आवश्यकतेनुसार पाणी घालून घट्टसर मिश्रण तयार करा.
• पीठ भिजवताना त्यात अजिबात गुठळ्या ठेवू नये. अन्यथा भजीला व्यवस्थित पीठ लागणार नाही.
• सगळ्यात शेवटी तयार केलेल्या पिठात बेकिंग सोडा घालून मिक्स करा. कढईमध्ये तेल गरम करण्यासाठी ठेवा.
• भिजवलेल्या पिठात ओव्याची स्वच्छ धुवून घेतलेली पाने घालून पिठात व्यवस्थित मिक्स करा आणि कढईमध्ये तळण्यासाठी टाका.
• ओव्याची पाने दोन्ही बाजूने व्यवस्थित भाजल्यानंतर काढून घ्या. तयार आहे सोप्या पद्धतीमध्ये बनवलेली ओव्याच्या पानांची भजी.