Easy Food Recipe: नाश्त्यात हेल्दी पदार्थ खायचा आहे? १० मिनिटांमध्ये झटपट बनवा चविष्ट Avocado Toast, नोट करून घ्या रेसिपी

सकाळच्या नाश्त्यात तिखट किंवा तेलकट पदार्थ खाण्याऐवजी ॲव्होकॅडो टोस्ट बनवून खावे. यामुळे शरीराला सुद्धा भरमसाट फायदे होतात आणि आरोग्य सुधारण्यास मदत होते. चला तर जाणून घेऊया ॲव्होकॅडो टोस्ट बनवण्याची सोपी रेसिपी.

Easy Food Recipe: सुट्टीच्या दिवशी सगळ्यांचं नाश्त्यामध्ये वेगवेगळे चविष्ट पदार्थ खाण्यास हवे असतात. कायमच कांदापोहे, उपमा, शिरा किंवा साऊथ इंडियन पदार्थ खाऊन कंटाळा आल्यानंतर काहींना काही नवीन खाण्याची खूप जास्त इच्छा होते. अशावेळी नाश्त्यासाठी विकतचे पदार्थ आणून खाल्ले जातात. नाश्त्यात तेलकट किंवा तिखट पदार्थ खाल्ल्यास अपचनाच्या समस्या वाढून संपूर्ण दिवस कंटाळवाणा जातो. त्यामुळे नाश्त्यात सहज पचन होणाऱ्या हेल्दी टेस्टी पदार्थांचे सेवन करावे. आज आम्ही तुम्हाला सोप्या पद्धतीमध्ये चविष्ट ॲव्होकॅडो टोस्ट बनवण्याची सोपी रेसिपी सांगणार आहोत. या पद्धतीने बनवलेले ॲव्होकॅडो टोस्ट चवीला अतिशय सुंदर लागते. पोटभर नाश्ता केल्यास शरीराला सुद्धा फायदे होतात. त्यामुळे सकाळच्या वेळी न चुकता नाश्ता करावा. ॲव्होकॅडोमध्ये आरोग्यदायी फॅट्स आणि फायबर भरपूर प्रमाणात आढळून येतात. ज्यामुळे शरीराची पचनक्रिया चांगली राहते. ॲव्होकॅडो खाल्ल्यास वाढलेले वजन नियंत्रणात राहण्यास मदत होते आणि आरोग्य सुधारते. चला तर जाणून घेऊया ॲव्होकॅडो टोस्ट बनवण्याची सोपी रेसिपी.(फोटो सौजन्य – istock)

Ganeshotsav 2026 : गणपती बाप्पाच्या प्रसादात बनवा गोड, मऊ, पारंपारिक गुलगुले, नोट करा रेसिपी

साहित्य:

• ॲव्होकॅडो
• कांदा
• टोमॅटो
• लिंबाचा रस
• हिरवी मिरची
• कोथिंबीर
• मीठ
• ब्रेड

Ganeshotsav 2026: बाप्पाच्या नैवेद्यासाठी १० मिनिटांमध्ये बनवा कॅरेमल कोकोनट लाडू, आगळ्यावेगळ्या पदार्थाने वाढेल सणांचा गोडवा

कृती:

• ॲव्होकॅडो टोस्ट बनवण्यासाठी सर्वप्रथम, ॲव्होकॅडोचे मध्यभागी दोन तुकडे करा आणि त्यातील बी काढून टाका.
• त्यानंतर चमच्याने ॲव्होकॅडोच्या आतील गर वाटीमध्ये काढून घ्या. त्यानंतर चमच्याने ॲव्होकॅडो मॅश करून घ्या.
• ॲव्होकॅडोच्या मिश्रणात बारीक चिरून घेतलेला कांदा, टोमॅटो आणि हिरवी मिरची घालून व्यवस्थित मिक्स करा.
• त्यानंतर त्यात बारीक चिरून घेतलेली कोथिंबीर, चवीनुसार मीठ आणि लिंबाचा रस घालून व्यवस्थित मिक्स करा.
• ब्रेड घेऊन त्यावर एकसमान तयार केलेले ॲव्होकॅडोचे मिश्रण लावून तव्यावर गरम करण्यासाठी ठेवा. वरून तुमच्या आवडीनुसार किसून घेतलेले चीज घाला.
• तयार आहे सोप्या पद्धतीमध्ये बनवलेले ॲव्होकॅडो टोस्ट. हा पदार्थ घरातील सगळ्यांचं खूप जास्त आवडेल.