सकाळच्या नाश्त्यासाठी झटपट बनवा कुरकुरीत केळीची भजी, कधीच विसरणार नाहीत पदार्थाची चव

नेहमीच कांदाभजी खाऊन कंटाळा आल्यानंतर काहींना काही नवीन पदार्थ खाण्याची इच्छा होते, अशावेळी तुम्ही सोप्या पद्धतीमध्ये केळीची भजी बनवू शकता. हा पदार्थ सगळ्यांच खूप जास्त आवडेल.

सकाळच्या नाश्त्यात प्रत्येकाला कायमच हेल्दी आणि टेस्टी पदार्थ खाण्याची इच्छा होते. नाश्त्यात कांदापोहे, उपमा, शिरा किंवा इडली, डोसा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. अशावेळी तुम्ही सोप्या पद्धतीमध्ये केळीची भजी बनवू शकता.पावसाळ्याच्या थंडगार वातावरणात घरामध्ये कायमच कांदाभजी किंवा बटाटाभजी बनवली जाते. पण नेहमीच तीच भजी खाऊन कंटाळा आल्यानंतर तुम्ही झटपट केळीची भजी बनवू शकता. सकाळच्या वेळी पोटभर नाश्ता केल्यास दुपारी लवकर भूक लागत नाही. सकाळी नाश्ता केल्यामुळे दिवसाची सुरुवात आनंददायी आणि उत्साहाने होते. चला तर जाणून घेऊया केळीची भजी बनवण्याची सोपी रेसिपी.(फोटो सौजन्य – istock)

चायनीज खायला खूप आवडत? मग सोप्या पद्धतीमध्ये घरी बनवा टेस्टी चिली गार्लिक नूडल्स,नोट करा रेसिपी

साहित्य:

• कच्ची केळी
• बेसन
• तांदळाचे पीठ
• हळद
• लाल तिखट
• गरम मसाला
• कोथिंबीर
• मीठ
• तेल

कोणत्याही तिखट मसाल्यांचा वापर न करता घरी बनवा ऋषीची भाजी, नोट करून घ्या पारंपरिक रेसिपी

कृती:

• केळीची भजी बनवण्यासाठी सर्वप्रथम, कच्ची केळी स्वच्छ धुवून त्यांची साल काढून घ्या. त्यानंतर उभ्या पातळ चकत्या कापून घ्या.
• वाटीमध्ये बेसन, तांदळाचे पीठ, हळद, लाल मिरची, गरम मसाला, मीठ आणि कोथिंबीर घालून व्यवस्थित मिक्स करा.
• तयार केलेल्या पिठात आवश्यकतेनुसार पाणी घालून जाडसर मिश्रण तयार करा.
• तयार केलेल्या मिश्रणात कापून घेतलेली केळी घोळवून घ्या. कढईमधील गरम तेलात केळीची काप तळण्यासाठी सोडा.
• दोन्ही बाजूने व्यवस्थित भाजून झाल्यानंतर काढून घ्या. हा पदार्थ तुम्ही सॉस किंवा पुदिन्याच्या चटणीसोबत खाऊ शकता.