हेल्दी आणि टेस्टी पदार्थ खाण्याची इच्छा झाल्यास सोप्या पद्धतीमध्ये बनवा Banana Coconut Smoothie, लहान मुलांना नक्की आवडेल

संध्याकाळच्या वेळी भूक लागल्यानंतर तुम्ही बनाना कोकोनट स्मूदी बनवून पिऊ शकता. हा पदार्थ घरातील लहान मुलांपासून अगदी मोठ्यांपर्यंत सगळ्यांचं खूप जास्त आवडेल. जाणून घ्या रेसिपी.

भूक लागल्यानंतर बऱ्याचदा नाश्त्यात किंवा जेवणात काय खावं समजत नाही. लहान मुलांपासून अगदी मोठ्यांपर्यंत अनेकांना कायमच बाहेरील जंक फूड खायला खूप जास्त आवडते. जंक फूडचे सेवन केल्यामुळे आरोग्याला अनेक फायदे होतात. पण सतत तिखट किंवा मसालेदार पदार्थ खाल्यामुळे आरोग्याला हानी पोहचते. शरीरात खराब कोलेस्ट्रॉल वाढू लागतात. त्यामुळे भूक लागल्यानंतर तिखट पदार्थांचे सेवन करण्याऐवजी बनाना कोकोनट स्मूदीचे सेवन करावे. स्मूदी प्यायल्यामुळे पोट दीर्घकाळ भरलेले राहते. लवकर भूक लागत नाही. याशिवाय आरोग्याला सुद्धा अनेक फायदे होतात. सकाळच्या नाश्त्यात किंवा इतर भूक लागल्यानंतर बनाना स्मूदीचे सेवन करू शकता. चला तर जाणून घेऊया बनाना कोकोनट स्मूदी बनवण्याची सोपी रेसिपी.(फोटो सौजन्य – istock)

गिलक्याची भाजी खायला आवडत नाही? मग सोप्या पद्धतीमध्ये घरी बनवा झणझणीत गिलके फ्राय, नोट करा रेसिपी

साहित्य:

• केळी
• नारळाचे दूध
• सुका मेवा
• दही
• मध
• बर्फाचे तुकडे
• खजूर

कांदा लसूणचा वापर न करता बाप्पाच्या नैवैद्यासाठी झटपट बनवा पनीर मसाला, चव लागेल हॉटेलसारखी

कृती:

• बनाना कोकोनट स्मूदी बनवण्यासाठी सर्वप्रथम, खोबऱ्याचे बारीक केलेले तुकडे मिक्सरच्या भांड्यात टाकून त्यात
• आवश्यकतेनुसार पाणी घालून बारीक वाटून घ्या. त्यानंतर कॉटनच्या कपड्यावर तयार केलेले मिश्रण ओतून दूध काढून घ्या.
• मिक्सरच्या भांड्यात केळीची बारीक केलेले तुकडे, खजूर, नारळाचे दूध, दही आणि मध टाकून बारीक वाटून घ्या.
• त्यानंतर त्यात बर्फाचे तुकडे आणि तुमच्या आवडीनुसार सुका मेवा टाकून पुन्हा एकदा बारीक वाटून घ्या.
• तयार केलेली स्मूदी काचेच्या ग्लासमध्ये ओतून वरून सुका मेवा टाकून सर्व्ह करा.
• तयार आहे सोप्या पद्धतीमध्ये बनवलेली बनाना कोकोनट स्मूदी.