१० मिनिटांमध्ये सकाळच्या नाश्त्यात ‘या’ पद्धतीने बनवा बटाट्याचा किस, नोट करून घ्या रेसिपी

सकाळच्या नाश्त्यात नेहमीच काय बनवावं सुचत नसेल तर सोप्या पद्धतीमध्ये बटाट्याचा किस तुम्ही बनवू शकता. हा पदार्थ बनवण्यासाठी जास्त साहित्य लागत नाही. जाणून घ्या बटाट्याचा किस बनवण्याची सोपी रेसिपी.

सकाळी उठल्यानंतर नेहमीच नाश्त्यात किंवा डब्यात नेमकं काय बनवावं? असे अनेक प्रश्न महिलांना सतत पडत असतात. नाश्त्यात कांदापोहे, शिरा, उपमा किंवा डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अनेक घरांमध्ये सकाळचा नाश्ता नेहमीच बाहेरून विकत आणला जातो. पण नेहमी नेहमी बाहेरील तेलकट तिखट पदार्थ खाल्यामुळे शरीरात खराब कोलेस्ट्रॉलची पातळी वाढण्याची शक्यता असते. त्यामुळे नाश्त्यात नेहमी घरी बनवलेल्या पौष्टिक आणि चवदार पदार्थांचे सेवन करावे. म्हणूनच आज आम्ही तुम्हाला झटपट तयार होणाऱ्या बटाट्याच्या किसची रेसिपी सांगणार आहोत.बटाटा खाणे अनेकांना आवडत नाही. पण या पद्धतीने बनवलेली बटाट्याची भाजी घरातील सगळ्यांचं नक्की आवडेल. बटाटा उपवासाच्या दिवशी सुद्धा खाल्ला जातो. त्यामुळे जिऱ्याची फोडणी देऊन बनवलेला बटाट्याचा किस उपवासासाठी सुद्धा उत्तम पर्याय आहे. चला तर जाणून घेऊया बटाट्याचा किस बनवण्याची सोपी रेसिपी.(फोटो सौजन्य – iStock)

१० मिनिटांमध्ये झटपट बनवा कुरकुरीत स्वादिष्ट ब्रेड टिक्की, लहान मुलांसह मोठ्यांही आवडेल पदार्थ

साहित्य:

• बटाटा
• जिरं
• मीठ
• हिरवी मिरची
• नारळ
• शेंगदाण्याचा कूट
• साखर
• तूप

सकाळच्या नाश्त्यात १० मिनिटांमध्ये बनवा ब्लुबेरी स्मूदी, वाढलेले वजन झपाट्याने होईल कमी

कृती:

• बटाट्याचा किस बनवण्यासाठी सर्वप्रथम, बटाट्याची साल काढून किसणीच्या सहाय्याने बटाटा किसून घ्या.
• त्यानंतर बटाटा पाण्याने स्वच्छ धुवून घ्या. ४ ते ५ वेळा बटाटा धुवून स्वच्छ केल्यानंतर पुन्हा एकदा पाण्यात बटाट्याचा किस काहीवेळ तसाच ठेवा.
• पॅन गरम करून त्यात शेंगदाणे भाजून घ्या. शेंगदाणे भाजून थंड झाल्यानंतर त्यांची साल काढून जाडसर बारीक वाटा.
• कढईमध्ये तूप गरम करून त्यात जिरं, बारीक चिरून घेतलेली हिरवी मिरची घालून मिक्स करा.
• दोन्ही पदार्थ खमंग भाजून झाल्यानंतर त्यात बटाट्याचा किस टाकून मिक्स करा.
• बटाटा टाकून मिक्स करा. त्यात चवीनुसार मीठ घालून मिक्स करा. वाफेवर बटाटा व्यवस्थित शिजल्यानंतर त्यात पुन्हा एकदा चमचाभर तूप टाकून मिक्स करा.
• नंतर त्यात बारीक करून घेतला शेंगदाण्याचा कूट, किसून घेतलेलं ओलं खोबर आणि चवीनुसार थोडीशी साखर घालून मिक्स करा.
• तयार आहे सोप्या पद्धतीमध्ये बनवलेला बटाट्याचा किस.