सकाळच्या नाश्त्यात हेल्दी पदार्थ हवा आहे? मग सोप्या पद्धतीमध्ये स्वादिष्ट अन् पौष्टिक बीट सँडविच

बीट खाणे आरोग्याच्या दृष्टीने अतिशय पौष्टिक आहे. बीट खाल्यामुळे शरीरातील रक्ताची कमतरता दूर होते. त्यामुळे आज आम्ही तुम्हाला सोप्या पद्धतीमध्ये सकाळच्या नाश्त्यासाठी बीट सँडविच बनवण्याची सोपी रेसिपी सांगणार आहोत.

सकाळच्या नाश्त्यासाठी सगळ्याच काहींना काही हेल्दी किंवा टेस्टी पदार्थ खाण्याची इच्छा होते. अनेकदा बाहेरचे तेलकट आणि तिखट पदार्थ खाण्याचा कंटाळा आल्यानंतर घरी बनवलेले पौष्टिक पदार्थ खाण्याची इच्छा होते. अशावेळी तुम्ही बीट सँडविच बनवू शकता. बीट आरोग्याच्या दृष्टीने अतिशय गुणकारी आहे. दैनंदिन आहारात बीटचे सेवन केल्यामुळे शरीरात निर्माण झालेली रक्ताची कमतरता दूर होते. यामध्ये लोह, विटामिन सी आणि इतर पौष्टिक घटक देखील आढळून येतात. बीटरूटमध्ये अँटीऑक्सिडंट्स, आयर्न आणि फोलेट इत्यादी अनेक घटक आढळून येतात. याशिवाय शरीरात निर्माण झालेली रक्ताची कमतरता भरून काढण्यासाठी बीटचे सेवन करावे. म्हणूनच आज आम्ही तुम्हाला सकाळच्या नाश्त्यात बीट सँडविच बनवण्याची सोपी रेसिपी सांगणार आहोत. या पद्धतीने बीट सँडविच बनवण्यास चवीला अतिशय सुंदर लागेल.(फोटो सौजन्य – iStock)

सकाळच्या नाश्त्यासाठी पारंपरिक पद्धतीने बनवा चविष्ट दडपे पोहे, नोट करून घ्या रेसिपी

साहित्य:

• बीट
• कढीपत्ता
• ब्रेड
• हिरवी मिरची
• चिली फ्लेक्स
• मीठ
• तेल
• दही
• कोथिंबीर

Viral Recipe: गावरान स्टाईल रात्रीच्या जेवणाला बनवा टोमॅटोचा ठेचा; 10 मिनिटांतच तयार होते रेसिपी

कृती:

• बीट सँडविच बनवण्यासाठी, वाटीमध्ये दही घेऊन बारीक किसून घेतलेले बीट टाकून मिक्स करा.
• त्यानंतर त्यात चवीनुसार मीठ, चिली फ्लेक्स टाकून मिक्स करून घ्या.
• फोडणीच्या वाटीमध्ये तेल गरम करून त्यात मोहरी, बारीक चिरून घेतलेल्या हिरव्या मिरच्या आणि कढीपत्ता घालून मिक्स करा.
• तयार केलेली फोडणी दह्याच्या मिश्रणात टाकून मिक्स करा. ब्रेडचे स्लाइस घेऊन त्यावर बीटाचे मिश्रण लावून पसरवून घ्या.
• तवा गरम करून त्यावर ब्रेड खरपूस भाजून घ्या. तयार आहे सोप्या पद्धतीमध्ये बीट सँडविच.
• तुम्ही बनवलेले सँडविच लहान मुलांपासून ते अगदी मोठ्यांपर्यंत सगळ्यांचं खूप जास्त आवडेल.