Viral Recipe: गावरान स्टाईल रात्रीच्या जेवणाला बनवा टोमॅटोचा ठेचा; 10 मिनिटांतच तयार होते रेसिपी

Tomato Thecha Recipe: तुम्ही आजवर मिरचीचा ठेचा अनेकदा खाल्ला असेल मात्र तुम्ही कधी टोमॅटोचा झणझणीत ठेचा खाल्ला आहे का? ही भन्नाट रेसिपी सध्या सोशल मीडियावर व्हायरल होत असून ती लोकांच्या चांगलीच पसंतीस पडली आहे.

(फोटो सौजन्य: Instagram)

Follow Us:

Follow Us:

सोशल मीडियावर अनेक वेगवेगळ्या प्रकारचे व्हिडिओज व्हायरल होत असतात. इथे बऱ्याचदा काही रेसिपीचे व्हिडिओ देखील शेअर होतात. यात अनेक हटके आणि चविष्ट रेसिपी शेअर केल्या जातात. आताही इथे अशीच एक रेसिपी व्हायरल होत आहे ज्यात टोमॅटोचा ठेचा कसा तयार करायचे ते सांगण्यात आले आहे. आपण आजवर मिरचीचा ठेचा खाल्ला असेल मात्र हा टोमॅटोचा ठेचा तुम्ही पहिल्यांदाच ऐकलं असावा.

टोमॅटोच्या ठेच्याची चव फार अप्रतिम लागते आणि झटपट बनून तयारही होते. रात्रीच्या जेवणाला तोंडी लावायला ही एक परफेक्ट रेसिपी आहे. यामुळे घरचे चार घास जास्तीचेच खातील, शिवाय याला बनवण्यात तुमचा फारसा वेळही जाणार नाही. गावरान पद्धतीचा हा ठेचा तुमच्या जेवणाची चव द्विगुणित करेल. चला तर मग जाणून घेऊया यासाठी लागणारे साहित्य आणि कृती.

Holi 2025: होळीनिमित्त घरी जरूर बनवा क्रिस्पी पुआ, फार सोपी आहे रेसिपी; लगेच नोट करा साहित्य आणि कृती

साहित्य

• हिरव्या मिरच्या
• लसणाच्या पाकळ्या
• तेल
• टोमॅटो
• कोथिंबीर
• मीठ

 

View this post on Instagram

 

A post shared by Thawaris Kitchen (@thawariskitchen)

सकाळच्या नाश्त्यासाठी पारंपरिक पद्धतीने बनवा चविष्ट दडपे पोहे, नोट करून घ्या रेसिपी

कृती

• टोमॅटोचा ठेचा तयार करण्यासाठी सर्वप्रथम 10-12 हिरव्या मिरच्या तव्यावर तेलात छान भाजून घ्या
• त्यानंतर त्यात 8-10 लसणाच्या पाकळ्या टाकून भाजून घ्या
• मग यात टोमॅटोचे तुकडे घाला आणि काहीवेळ शिजवून घ्या
• शेवटी यात बारीक चिरलेली कोथिंबीर आणि मीठ घाला आणि साहित्यात एकजीव करा
• आता हे सर्व मिश्रण खलबत्त्यात बारीक करा, तुम्ही हे मिक्सरमध्येही करू शकता
• अशाप्रकारे तुमचा झणझणीत टोमॅटो ठेचा तयार आहे
• गरमा गरम भाकरीसह हा ठेचा खाण्यासाठी सर्व्ह करा
• टोमॅटोच्या ठेच्याची ही रेसिपी @thawariskitchen नावाच्या इंस्टाग्राम अकाऊंटवरून शेअर करण्यात आली आहे

• आरोग्यासाठी टोमॅटोचे सेवन फार फायदेशीर मानले जाते
• टोमॅटोमध्ये असलेले पोटॅशियम, फायबर आणि व्हिटॅमिन सी यामुळे हृदयाच्या आरोग्यास मदत होते
• यामध्ये असलेले अँटिऑक्सिडेंट कोलेस्ट्रॉलची समस्या कमी करण्यास मदत करतात
• एवढेच काय तर याला चेहऱ्यावर लावल्याने त्वचेवरील तेलकटपणा दूर होतो, मुरुमांपासून सुटका मिळते आणि वृद्धत्वाची लक्षणेही कमी होतात

Web Title: Viral recipe know how to make tomato thecha at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com