Shravan Special Recipe: ५ मिनिटांमध्ये उपवासासाठी खास बनवा वरीच्या तांदळाचे घावण, नोट करा रेसिपी

श्रावण महिन्यात उपवासाच्या दिवशी घरात साबुदाण्यांपासून विविध पदार्थ बनवले जाते. पण नेहमीच तेच ठराविक पदार्थ खाऊन कंटाळा आल्यास वरीच्या तांदळाचे घावण बनवावे. हा पदार्थ घरातील सगळ्यांचं खूप जास्त आवडेल.

श्रावण महिना म्हणजे सणांचा महिना म्हणून ओळखला जातो. या महिन्यात विविध सणवार असल्यामुळे सगळीकडे आनंद आणि उत्साहाचे वातावरण असते. उपवासाच्या दिवशी घरात साबुदाणा खिचडी, वडा, चिप्स किंवा बटाटा इत्यादी ठराविक पदार्थ खाल्ले जातात. पण नेहमी नेहमी तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा झाल्यास झटपट तुम्ही वरीच्या तांदळाचे घावण बनवू शकता. कोकणातील प्रत्येक घरात तांदळाच्या पिठाचा वापर करून घावण बनवले जाते. त्यामुळे उपवासाच्या दिवशी तुम्ही वरीच्या तांदळाचा वापर करून घावण बनवू शकता. हा पदार्थ खोबऱ्याच्या चटणीसोबत किंवा चहासोबत सुद्धा मस्त लागतो. उपवासाच्या दिवशी सात्विक आणि सहज पचन होणाऱ्या अन्नपदार्थांचे सेवन करावे. कमी तेलाचे पदार्थ खाल्ल्यास शरीराला कोणतीही हानी पोहचत नाही. चला तर जाणून घेऊया घावण बनवण्याची कृती.(फोटो सौजन्य – pinterest)

उपवासाच्या ताटाची वाढेल रंगतदार चव! वाटीभर साबुदाण्यांचा वापर करून बनवा खुसखुशीत थालीपीठ, सगळेच खातील आवडीने

साहित्य:

• वरीचे तांदूळ
• खोबऱ्याचा किस
• हिरवी मिरची
• जिरं
• मीठ
• तेल

Recipe : साध्या चपातीला बनवा चवदार, तुम्ही कधी खाल्ली आहे का ‘मिस्सी रोटी’? , रेसिपी नोट करा

कृती:

• वरीच्या तांदळाचे घावण बनवण्यासाठी सर्वप्रथम, मोठ्या वाटीमध्ये स्वच्छ करून घेतलेले वरीचे तांदूळ घेऊन पाण्याने धुवून घ्या आणि दोन ते तीन ग्लास पाणी ठेवून तांदूळ भिजत ठेवा.
• ५ ते ६ तास तांदूळ व्यवस्थित भिजले जातील. मिक्सरच्या भांड्यात वरीचे तांदूळ, हिरवी मिरची, ओल्या खोबऱ्याचा किस आणि जिरं घालून बारीक पेस्ट बनवा.
• तयार केलेली पेस्ट मोठ्या वाटीमध्ये काढून आवश्यकता वाटल्यास पाणी मिक्स करा आणि चवीनुसार मीठ टाकून काहीवेळ ठेवून द्या.
• नॉन स्टिक पॅनला तेल लावून कडकडीत गरम करून घ्या. गरम झालेल्या पॅनवर तयार केलेले मिश्रण गोलाकार ओतून दोन्ही बाजूने व्यवस्थित शिजवा.
• तयार आहे सोप्या पद्धतीमध्ये बनवलेले उपवासाचे जाळीदार घावण. हा पदार्थ खोबऱ्याच्या चटणीसोबत मस्त लागेल.