चपाती भाजी खाऊन कंटाळा आला आहे? मग नाश्त्यासाठी सोप्या पद्धतीमध्ये बनवा भाजणीचे थालीपीठ

भाजणीचे थालीपीठ चवीला खूप सुंदर लागत. शिवाय यामध्ये वापरले जाणारे कडधान्य आरोग्यासाठी अतिशय पौष्टिक आहेत. चला तर जाणून घेऊया भाजणीचे थालीपीठ बनवण्याची सोपी रेसिपी. कमीत कमी साहित्यामध्ये झटपट तयार होईल पदार्थ.

सकाळच्या किंवा संध्याकाळच्या नाश्त्यात नेमकं काय खावं हा प्रश्न नेहमीच सगळ्यांना पडतो. अनेक घरांमध्ये अजूनही लहान मुलांपासून मोठ्यांपर्यंत सगळेच चपाती आणि भाजी नाश्त्यामध्ये खातात. पण सतत चपाती खाऊन कंटाळा आल्यानंतर काहींना काही नवीन पदार्थ खाण्याची इच्छा निर्माण होते. अशावेळी तुम्ही भाजणीचे थालीपीठ बनवू शकता. भाजणीचे थालीपीठ चवीला खूप सुंदर लागत. शिवाय यामध्ये वापरले जाणारे कडधान्य आरोग्यासाठी अतिशय पौष्टिक आहेत. थालीपीठ बनवण्यासाठी जास्त वेळ लागत नाही. शिवाय कमीत कमी साहित्यामध्ये भाजणीचे थालीपीठ तयार होते. संध्याकाळच्या वेळी किंवा सकाळी भूक लागल्यानंतर तुम्ही घरी उपलब्ध असलेल्या भाजणीपासून थालीपीठ बनवू शकता. चला तर जाणून घेऊया भाजणीचे थालीपीठ बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• थालीपीठ भाजणीचे पीठ
• कांदा
• हिरवी मिरची
• लाल तिखट
• हळद
• मीठ
• कोथिंबीर
• आलं लसूण पेस्ट
• पाणी
• पांढरे तीळ
• तेल

नवनवीन रेसिपीसाठी इथे क्लिक करा

कृती:

• भाजणीच्या पिठाचे थालीपीठ बनवण्यासाठी सर्वप्रथम, मोठ्या बाऊलमध्ये भाजणीचे पीठ घेऊन त्यात बारीक पावडर करून घेतलेले पोहे मिक्स करा.
• त्यानंतर त्यात बारीक चिरून घेतलेला कांदा, हिरवी मिरची, कोथिंबीर आणि आलं लसूण पेस्ट टाकून मिक्स करा.
• मिक्स करून झाल्यानंतर त्यात लाल तिखट, हळद, गरम मसाला, पांढरे तीळ आणि चवीनुसार मीठ टाकून मिक्स करून घ्या.
• सगळ्यात शेवटी तयार केलेल्या मिश्रणात आवश्यकतेनुसार पाणी टाकून पीठ मिक्स करून घ्या.
• थालीपीठ बनवण्यासाठी कॉटनचा कापड ओला करून त्यावर थालीपीठ बनवून तव्यावर भाजण्यासाठी ठेवा.
• थालीपीठ दोन्ही बाजूने व्यवस्थित भाजून झाल्यानंतर वरून तूप किंवा तेल लावून सर्व्ह करा.
• तयार आहे सोप्या पद्धतीमध्ये बनवलेले भाजणीचे थालीपीठ.