डब्यासाठी गावरान पद्धतीमध्ये बनवा चविष्ट भरलेली ढोबळी मिरची, झटपट तयार होईल सोपा पदार्थ

सोमवारच्या डब्यासाठी तुम्ही सोप्या पद्धतीमध्ये भरलेली ढोबळी मिरची बनवू शकता. हा पदार्थ कमीत कमी वेळात तयार होतो. याशिवाय तुम्ही बनवलेला पदार्थ घरातील सगळेच आवडीने खातील. जाणून घ्या भरलेली मिरची बनवण्याची रेसिपी.

रोजच्या धावपळीच्या जीवनात महिलांना सतत कोणत्या ना कोणत्या गोष्टींची चिंता असते. कधी नाश्त्यात काय बनवावे? तर कधी डब्यासाठी कोणती भाजी बनवावी? इत्यादी अनेक प्रश्न महिलांच्या डोक्यात सतत चालू असतात. लहान मुलांच्या किंवा मोठ्यांच्या डब्यात नेहमी नेहमी कोणती भाजी बनवून द्यावी? असा प्रश्न सतत महिलांना पडतो. कडधान्य किंवा इतर भाज्या खाऊन कंटाळा आल्यानंतर काहींना काही चमचमीत आणि चविष्ट भाजी खाण्याची इच्छा होते. अशावेळी तुम्ही डब्यासाठी सोप्या पद्धतीमध्ये भरलेली ढोबळी मिरची बनवू शकता. भरलेली ढोबळी मिरची बनवण्यासाठी जास्त वेळ लागत नाही. याशिवाय तुम्ही बनवलेला हा चविष्ट पदार्थ घरातील सगळ्यांना नक्कीच आवडेल. जेवणाच्या डब्यात जर भरलेली ढोबळी मिरचीची भाजी असेल तर दोन घास जास्त जातील. चला तर जाणून घेऊया भरलेली ढोबळी मिरची बनवण्याची सोपी रेसिपी.(फोटो सौजन्य – iStock)

साधं पण चवदार असं काही खायचंय? मग सोप्या पद्धतीने घरी बनवा सिंधी स्टाइल दाल पकवान

साहित्य:

• लहान आकारची ढोबळी मिरची
• सुकं खोबरं
• तेल
• शेंगदाण्याचा कूट
• लसूण
• लाल तिखट
• हळद
• कांदा लसूण मसाला
• गरम मसाला
• हिंग
• कढीपत्ता

उपवासाच्या दिवशी पौष्टिक पदार्थ हवा आहे? मग १० मिनिटांमध्ये बनवा चविष्ट ‘रताळ्याचे थालीपीठ’

कृती:

• भरलेली ढोबळी मिरची बनवण्यासाठी सर्वप्रथम ढोबळी मिरची स्वच्छ धुवून त्यातील बिया काढून घ्या.
• त्यानंतर आतील सारण बनवण्यासाठी, भाजून घेतलेलं सुकं खोबर, लसूण पाकळ्या आणि कोथिंबीर घेऊन जाडसर पेस्ट तयार करा.
• तयार केलेल्या पेस्टमध्ये शेंगदाण्याचा कूट, लाल तिखट, हळद, चवीनुसार मीठ, कांदा लसूण मसाला, गरम मसाला, थोडस तेल आणि कोथिंबीर घालून मिश्रण मिक्स करा.
• कापून घेतलेल्या ढोबळी मिरचीमध्ये तयार करून घेतलेले सारण भरा. जास्त सारण भरू नये.
• कढईमध्ये तेल गरम करून त्यात मोहरी, जिरे, हिंग, चिरलेली कोथिंबीर आणि कढीपत्याची पाने टाकून मिक्स करा. नंतर त्यात खोबऱ्याचा उरलेला मसाला टाकून व्यवस्थित भाजून घ्या.
• मसाला भाजल्यानंतर त्यात अर्धा कप पाणी घालून पुन्हा एकदा मसाला शिजवून घ्या. नंतर त्यात मिरचीचा टाकून शिजण्यासाठी ठेवा.
• मंद आचेवर मिरच्या शिजल्यानंतर गॅस बंद करून सगळ्यात शेवटी कोथिंबीर टाकून सर्व्ह करा.
• तयार आहे सोप्या पद्धतीमध्ये बनवलेली भरलेली ढोबळी मिरची.